3 Nīwhai

Pukapuka a Moromona

Ko te Whakatakinga me ngā Kōrero Whakaaturanga
1 Nīwhai
2 Nīwhai
Hākopa
Enoha
Haroma
Ōmoni
Ko ngā Kupu a Moromona
Mōhia
Arami
Heramana
3 Nīwhai
4 Nīwhai
Moromona
Ētere
Moronai
He Rārangi Tohutoro mō te Pukapuka a Moromona

3 Nīwhai

Upoko 1
Ka wehe atu a Nīwhai, te tama a Heramana i te whenua, ā, ka puritia ngā tuhinga e tana tama a Nīwhai—Ahakoa he maha ngā tohu me ngā mea whakamīharo, ka whakamahere te hunga kino ki te whakamate i te hunga tika—Ka tae mai te pō o te whānautanga mai o te Karaiti—Kua hoatu te tohu, ā, ka rewa ake tētahi whetū hou—Ka nui haere ngā rūkahutanga me ngā tinihanga, ā, ka parekuratia te hunga tokomaha e ngā kaipāhua o Karianato. Takiwā T.A. 1–4.
Upoko 2
Ka nui haere te whakarihariha me ngā mōrikarika i waenganui i te iwi—Ka whakakotahi ngā Nīwhai me ngā Rāmana ki te tiaki i a rātou anō i ngā kaipāhua Karianato—Ka kiritea haere ngā Rāmana kua whakatahuritia ki te Atua, ā, ka karangatia rātou he Nīwhai. Takiwā T.A. 5–16.
Upoko 3
Ka whakahau a Kirianahi, te rangatira Karianato, i a Rakoneu me ngā Nīwhai kia tuohu rātou i a rātou anō me ō rātou whenua—Ka whakataua a Kikironi hei kaiwhakahau matua o ngā tauā—Ka huihui tahi ngā Nīwhai i Harahemara me Mōmona ki te tiaki i a rātou anō. Takiwā T.A. 16–18.
Upoko 4
Ka hinga ngā kaipāhua Karianato i ngā tauā Nīwhai—Ka whakamatea a Kirianahi, ā, ka tāronatia tana kaiwhakakapi, a Temariha—Ka whakawhetai ngā Nīwhai ki te Ariki mō ā rātou wikitōria. Takiwā T.A. 19–22.
Upoko 5
Ka rīpenetā ngā Nīwhai, ā, ka whakarērea ō rātou hara—Ka tuhituhi a Moromona i te hītori o tana iwi, ā, ka whakapuakina te kupu mau tonu ki a rātou—Ka whakakaongia a Iharaira i tana mararatanga roa. Takiwā T.A. 22–26.
Upoko 6
Ka kake ngā Nīwhai—Ka ara ake te whakapehapeha, te whairawa me ngā karangatanga ā-rawa—Ka muia te hāhi ki ngā tītorehanga—Ka ārahina atu te iwi e Hātana i runga i te haututū nui—Ka karanga ake ngā poropiti tokomaha i te rīpenetātanga, ā, ka whakamatea—Ka whakamahere ō rātou kaikōhuru kia tūrakina iho te kāwanatanga. Takiwā T.A. 26–30.
Upoko 7
Ka kōhurutia te kaiwhakawā matua, ka whakangaromia te kāwanatanga, ka wehewehe te iwi ki roto i ngā hapū—Ka tū a Hākopa, tētahi ātete-Karaiti, hei kīngi i runga i tētahi whakakotahitanga huna—Ka kauhau a Nīwhai i te rīpenetātanga me te whakapono i te Karaiti—Ka minita ia rā, ia rā, ngā anahera ki a ia, ā, ka mairangatia ake tana teina i te mate—Ka rīpenetā, ā, ka rūmakina ngā mea tokomaha. Takiwā T.A. 30–33.
Upoko 8
Ka whakaatu atu ngā tūpuhi, ngā rū whenua, ngā ahi, ngā āwhiowhio, me ngā tahuritanga ake o te whenua mō te rīpekatanga o te Karaiti—Ka whakngaromia ngā tāngata tokomaha—Ka kapi te whenua i te pōuritanga mō ngā rā e toru—Ka tangi te hunga mōrehu mō tō rātou maruaaitu. Takiwā T.A. 33–34.
Upoko 9
Ka whakapuaki te reo o te Karaiti i roto i te pōuritanga, te whakangaromanga o ngā tāngata tokomaha me ngā pā maha nā tō rātou whakarihariha—Ka whakapuaki ia i Tōna atuatanga, ka whakapuaki ia i te tutukitanga o te ture a Mohi, ā, ka pōhiritia e ia ngā tāngata kia haere mai ki a ia, ā, kia whakaorangia. Takiwā T.A. 34.
Upoko 10
He ngū te whenua mō ngā haora maha—Ka whakaari te reo o te Karaiti kia whakaemiemi ai i Tōna iwi anō nei he heihei e whakaemiemi ana i āna pīpī—Kua tiakina te wāhi tika o te iwi. Takiwā T.A. 34–35.
Upoko 11
Ka whakaatu te Matua e pā ana ki Tana Tama Aroha—Ka puta mai te Karaiti, ā, ka whakapuakina Tana Whakamārietanga—Ka whāwhā te iwi i ōna māka tūnga i Ōna ringaringa me Ōna waewae me Tōna kaokao—Ka karanga Ohana rātou—Ka whakatakotohia iho e ia te kawa me te tikanga o te rūmakitanga—Nō te rēwera te wairua tautohetohenga—Ko tā te Karaiti akoranga tēnei, nā, me whakapono, ā, me rūmaki te tangata me te whiwhi i te Wairua Tapu. Takiwā T.A. 34.
Upoko 12
Ka karangatia, ā, ka whakamanaia ngā apataki tekau mā rua e Ihu—Ka tukuna atu tētahi kauhau e ia ki ngā Nīwhai e rite ana ki te Kauhautanga i runga i te Maunga—Ka kōrero ia i ngā Pearature—Kei kō noa atu āna whakaakoranga, ā, he nui ake te hiranga o āna whakaakoranga i tō te ture a Mohi—Ka whakahaua te tangata kia tino tika rawa atu pērā i a rāua ko Tōna Matua tika—Whakatauritetia a Matiu 5. Takiwā T.A. 34.
Upoko 13
Ka whakaako a Ihu te Inoi a te Ariki ki ngā Nīwhai—Me whakatakoto ake e rātou he taonga i te rangi—Ka whakahaua ngā apataki tekau mā rua kia kaua e aro atu ki ngā mea o te ao hurihuri i roto i tā rātou minitatanga—Whakatauritetia a Matiu 6. Takiwā T.A. 34.
Upoko 14
Ka whakahau a Ihu: Kaua e whakawā; inoi ki te Atua; kia tūpato ki ngā poropiti teka—Ka whakaaria e ia te whakaoranga ki te hunga e mahi ai i tā te Atua e pai ai—Whakatauritetia a Matiu 7. Takiwā T.A. 34.
Upoko 15
Ka whakapuaki ake a Ihu i te whakatutukitanga o te ture a Mohi i roto i a Ia—Ko ngā Nīwhai ērā atu hipi i kōrerotia ake nei e Ia i Hiruharama—Nā te hara, kāore te iwi o te Ariki i Hiruharama e mōhio ana ki ngā hipi o Iharaira kua whakamararatia atu nei. Takiwā T.A. 34.
Upoko 16
Ka toro atu a Ihu ki ērā atu o ngā hipi ngaro o Iharaira—Ka haria atu te rongopai ki ngā Tauiwi hei ngā rā o muri kātahi ki te whare o Iharaira—Ka titiro kanohi ki te kanohi te iwi o te Ariki ina kawea anōtia a Hīona e Ia. Takiwā T.A. 34.
Upoko 17
Ka tohutohu a Ihu i te iwi kia āta whakaarohia Āna kupu me te inoi mō te māramatanga—Ka mahu ia i te hunga tūroro—Ka inoi ia mō te iwi, e whakamahia ana tētahi reo tē taea te tuhi—Ka minita ngā anahera ki ngā mea nohinohi, ā, ka karapotia rātou e te ahi. Takiwā T.A. 34.
Upoko 18
Ka whakatakotohia e Ihu te hakarameta i waenganui i ngā Nīwhai—I whakahaua rātou kia inoi ai i ngā wā katoa i runga i Tōna ingoa—Ka whakakorengia te hunga e kai ai i Tōna kiko me te inu i Ōna toto i runga i ō rātou hē—Ka hoatu mana ki ngā apataki kia whakaū ai i te Wairua Tapu. Takiwā T.A. 34.
Upoko 19
Ka minita ngā apataki tekau mā rua ki te iwi, ā, ka inoi mō te Wairua Tapu—Ka rumakina ngā apataki, ā, ka whiwhi i te Wairua Tapu me te minitatanga o ngā anahera—Ka inoi a Ihu e whakahua ake ana i ngā kupu tē taea te tuhituhi—Ka kōrero ia mō te whakapono tino nui rawa o ēnei Nīwhai. Takiwā T.A. 34.
Upoko 20
Ka tukuna e Ihu he paraoa me te waina he mea merekara, ā, ka whakamahia te hakarameta ki te iwi—Ka tae ngā mōrehu o Hākopa ki te mātauranga o te Ariki tō rātou Atua, ā, ka nōhia e rātou ngā Amerika—He poropiti a Ihu pērā i a Mohi, ā, he tamariki ngā Nīwhai nā ngā poropiti—Ka huihui ērā atu iwi o te Ariki ki Hiruharama. Takiwā T.A. 34.
Upoko 21
Ka whakahuihui a Iharaira ina puta mai te Pukapuka a Moromona—Ka whakapūmauhia ngā Tauiwi hei iwi herekore i Amerika—Ka whakaorangia rātou mehemea ka whakapono, ā, ka ngohengohe rātou; ki te kore, ka hātepea atu rātou, ā, ka whakangaromia—Ka hanga a Iharaira i te Hiruharama Hou, ā, ka hoki atu ngā hapū ngaro. Takiwā T.A. 34.
Upoko 22
Hei ngā rā whakamutunga, ka whakapūmauhia a Hīona me ōna pou, ā, ka whakahuihui mai a Iharaira i runga i te aroha me te atawhai—Ka toa rātou—Whakatauritetia a Ihāia 54. Takiwā T.A. 34.
Upoko 23
Ka tautokona ngā kupu a Ihāia e Ihu—Ka whakahau ia i te iwi kia rapua ngā poropiti—Ka tāpirihia atu ngā kupu a Hamuera te Rāmana e pā ana ki te Aranga ki ā rātou tuhinga. Takiwā T.A. 34.
Upoko 24
Ka whakarite te karere a te Ariki i te huarahi mō te Haerenga Tuaruatanga Mai—Ka noho te Karaiti hei kaiwhakawā—Ka whakahaua a Iharaira kia tuku i te whakatekau me ngā tāpaetanga—Ka tuhia tētahi pukapuka maumaharatanga—Whakatauritetia a Maraki 3. Takiwā T.A. 34.
Upoko 25
Hei te Haerenga Tuaruatanga Mai, ka tahuna te hunga whakakake me te hunga kino anō nei he kakau wīti—Ka hoki mai a Irāia i mua i taua rā nui whakawehi—Whakatauritetia a Maraki 4. Takiwā T.A. 34.
Upoko 26
Ka whakamāramahia atu e Ihu ngā mea katoa mai i te tīmatanga ki te whakamutunga—Ka kōrerohia e ngā nohinohi me ngā tamariki ngā mea mīharo tē taea te tuhi—Ka whakamahia ngātahitia ngā mea katoa o te hunga kei roto i te Hāhi o te Karaiti i waenganui i a rātou anō. Takiwā T.A. 34.
Upoko 27
Kei te whakahau a Ihu kia karangatia te Hāhi ki Tōna ingoa—Kua hangaia Tōna rongopai ki Tana minitatanga me Tana whakahere whakamārie—Ka whakahaua ngā tāngata kia rīpenetā ai, ā, kia rumakina ai kia whakatapua e te Wairua Tapu—Me rite rātou ki a Ihu. Takiwā T.A. 34–35.
Upoko 28
Ka whakaaria ngā apataki e iwa i ngā mea tekau mā rua te whiwhinga ki te kīngitanga o te Karaiti ina mate rātou—Ka hiahia ngā Nīwhai Tokotoru, ā, ka hoatu he mana ki a rātou i runga i te mate, nā, ka noho tonu i runga i te whenua tae noa atu ki te wā e haere mai anō a Ihu—Ka meatia rātou hei mea mate kore, ā, ka kitea ngā mea kāore e tika ana kia kōrerohia atu, ā, kei te minita tonu rātou ināianei i waenganui i te tangata. Takiwā T.A. 34–35.
Upoko 29
He tohu te putanga mai o te Pukapuka a Moromona mō te tīmatanga o tā te Ariki whakakotahi mai i a Iharaira me te whakatutuki i Āna kawenata—Ka kangaia te hunga e whakaparahako i Āna whakakitenga i ngā rā o muri me Āna koha. Takiwā T.A. 34–35.
Upoko 30
Ka whakahaua ngā Tauiwi i ngā rā o muri kia rīpenetā, kia haere mai ki te Karaiti, ā, kia tatauria me te whare o Iharaira. Takiwā T.A. 34–35.

Print

Include highlights and underlines

Sign in to use

Include footnotes