1. Jichhasti, naya Moronejj kellkañajjatac camächit catokcta, uca arunac kellkta, nayan amuyujjarjama. Lluchʼintat ucanacjjat yatiyaracsma. Uqhämasti, yakha lajjrar jakoquipañ munasajj jan ucanac llamctʼamti. Ucanac yakha lajjrar jakoquipañajj jumat jarcʼatawa. Jutir urun Diosajj muncani ucqhaquiw ucajj lurasini.

2. Uqhämaraqui, inas aca kellkat khanar apsuñatac yanapasipcan ucanacar aca tʼalpha lekʼetanac uñachayapjjchïta.

3. Quimsaniruw acanacajj Diosan chʼamap tokejj uñachayatäni. Uqhämasti, acanacan chekätap jupanacajj chekpachaw yatipjjani.

4. Quimsa ircatirin lacapan acanacajj ut-tʼayatäni. Uca quimsanin ircatäwip toke aca kellkat tokeraquiw Diosan chʼamapajj uñachayasini, uqhämarac arupasa, cuna arut-tejj Awquimpi, Yokampi, Kollan Ajayumpejj ircatapcan uca. Khep khepa urunacansti, take acanacaw acapach contrajj ircatirit saytʼani.

5. Jupanacatejj juchat cutiquipstapjjanejja, Jesusan sutipjjar Awquir jutapjjaraquinejja, Diosan khapak marcapan jupanacajj catokatäpjjaniwa.

6. Jichhasti, acanacatac nayajj chʼamanït-ti, jan ucajj janich chʼamanïctjja uc amuyapjjam. Cunapachatejj nayar uñjapquitäta ucqhaw Dios nayrakatan chʼamanïtajj yatipjjäta, khep khepa urun saytʼapcaraquiñän ucapachaw yatipjjaraquïta. Uqhamäpan.