¶ 1 NAE valu ta‘u ae motua o Josaia i he ene kamata bule, bea nae bule ia i Jelusalema i he ta‘u e tolugofulu ma taha.

2 Bea nae fai eia aia nae lelei i he ao o Jihova, bea alu i he gaahi hala o Tevita ko ene tamai, bea nae ikai afe ia ki he nima toomatau be ki he toohema.

¶ 3 He koeuhi i hono valu ta‘u o ene bule, i he ene kei jii, naa ne kamata kumi ki he Otua o Tevita ko ene tamai: bea i hono hogofulu ma ua ta‘u, naa ne kamata ene auhani a Juta mo Jelusalema mei he gaahi botu maoluga, moe gaahi vao tabu, moe gaahi mea fakatātā nae ta, moe gaahi mea fakatātā nae haka.

4 Bea naa nau holoki hifo ae gaahi mea fakatātā a Beali, i hono ao; bea moe gaahi mea fakatātā nae maoluga i ai, naa ne ta hifo ia: bea naa ne ta ke fakaikiiki ae gaahi vao tabu, moe gaahi mea fakatātā nae ta, moe gaahi mea fakatātā nae haka, naa ne laiki ia ke efu, bea ne lulu ia ki he gaahi tanuaga okinautolu naa nau feilaulau ki ai.

5 Bea nae tutu eia ae gaahi hui oe kau taula ki ho nau gaahi feilaulauaga, o ne fakamaa a Juta mo Jelusalema.

6 Bea  nae fai behe be ia i he gaahi kolo o Manase, mo Ifalemi, mo Simione, io o a‘u ki Nafitalai, aki e nau gaahi toki i he gaahi botu i ai.

7 Bea hili ene feji‘i hifo ae gaahi feilaulauaga moe gaahi vao tabu, o ne tuki ke efu ae gaahi mea fakatātā, o ne ta hifo ae gaahi tamabua kotoabe i he fonua kotoabe o Isileli, nae toki liliu mai ia ki Jelusalema.

¶ 8 Bea i hono hogofulu ma valu ta‘u o ene bule, hili ene auhani ae fonua, moe fale, nae fekau eia a Safani koe foha ko Asalia, mo Maaseia koe bule oe kolo, mo Joa koe foha o Joasi, koe tagata tohi, ke nau gaohi ke lelei ae fale o Jihova.

9 Bea i he e nau ha‘u kia Hilikia koe taulaeiki lahi, naa nau atu ae gaahi baaga aia nae omi ki he fale oe Otua, aia nae tanaki e he kau Livai nae leohi ae gaahi mataba mei he nima o Manase mo Ifalemi, bea mei he kakai toe kotoabe o Isileli, bea i Juta kotoabe mo Benijimani; bea naa nau liu mai ki Jelusalema.

10 Bea naa nau tuku ia ki he nima oe kau tagata gaue aia nae tauhi ae fale o Jihova, bea naa nau atu ia ki he kau tagata gaue nae fai ae gaue i he fale o Jihova, ke toe gaohi mo fakalelei ae fale:

11 Io naa nau atu ia ki he kau tufuga moe kau lagafale, ke fakatau aki ae gaahi maka kuo ta, moe akau ma ae gaahi hokoaga alaga, bea ki he faliki oe gaahi fale aia nae maumau‘i e he gaahi tu‘i o Juta.

12 Bea nae fai lelei ae gaue e he kau tagata: bea koe kau eginaki gaue kiate kinautolu, ko Jehati mo Obataia, koe ogo Livai i he gaahi foha o Melali; mo Sakalia mo Mesulami, i he gaahi foha oe kau Kohate, ke tokoni a hono fai; bea moe kau Livai niihi, akinautolu kotoabe nae loto boto i he gaahi mea faiva.

13 Bea naa nau bule foki ki he kau  tagata haamo kavega, bea koe kau eginaki akinautolu kiate kinautolu kotoabe nae gaue i he gaue kotoabe: bea nae i he kau Livai, ae kau tagata tohi, moe kau matābule, moe kau leo mataba.

¶ 14 Bea i he e nau omi kituaa ae gaahi baaga aia nae omi ki he fale o Jihova, nae ilo e Hilikia koe taulaeiki ha tohi oe fono a Jihova nae tuku e Mosese.

15 Bea nae lea a Hilikia o behe kia Safani koe tagata tohi, Kuou ilo ae tohi oe fono i he fale o Jihova. Bea nae atu e Hilikia ae tohi kia Safani.

16 Bea nae ave ae tohi e Safani ki he tu‘i, o ne omi ae lea ki he tu‘i, o behe, Koia kotoabe nae fekau ki hoo kau tamaioeiki kuo nau fai.

17 Bea kuo nau tanaki fakataha ae baaga kotoabe nae ilo i he fale o Jihova, bea kuo tuku ia ki he nima oe kau eginaki gaue, bea ki he nima oe kau tagata gaue.

18 Bea nae tala e Safani koe tagata tohi ki he tu‘i o behe, Kuo tuku mai e Hilikia koe taulaeiki ha tohi. Bea nae lau ia e Safani ki he tu‘i.

19 Bea i he ogo‘i e he tu‘i ae gaahi lea ae fono, naa ne haehae hono gaahi kofu.

20 Bea nae fekau e he tu‘i kia Hilikia, mo Ahikami koe foha o Safani, mo Abitoni koe foha o Maika, mo Safani koe tagata tohi, mo Asahia koe tamaioeiki ae tu‘i o behe,

21 Mou alu, bea fehui kia Jihova koeuhi ko au, bea ma anautolu oku toe i Isileli mo Juta, ki he gaahi lea i he tohi kuo ilo: he kuo lahi ae houhau a Jihova aia kuo ligi kiate kitautolu, koe mea i he ikai tauhi e he e tau gaahi tamai ae folofola a Jihova, ke fai o fakatatau ki he mea kotoabe kuo tohi i he tohi.

¶ 22 Bea nae alu a Hilikia, mo kinautolu nae tuutuuni e he tu‘i, kia Hulita koe fefine balofita koe unoho o Salumi koe foha o Tikiva, koe foha o Hahasi, koe tauhi oe gaahi kofu; (bea nae nofo ia i Jelusalelma i he faleako:) bea nau lea behe be kiate ia.

23 Bea nae lea ia kiate kinautolu, Oku behe e Jihova koe Otua o Isileli, Mou tala ki he tagata naa ne fekau akimoutolu kiate au,

24 Oku behe mai e Jihova, Vakai, Teu omi ae kovi ki he botu ni, bea ki hono kakai, io ae gaahi malaia kotoabe aia kuo tohi i he tohi aia naa nau lau i he ao oe tu‘i o Juta:

25 Koe mea i he e nau naki au, bea moe tutu ae mea namu kakala ki he gaahi otua kehe, koeuhi ke nau laga‘i eku houhau lahi, aki ae gaahi gaue a ho nau nima; koia e liligi ai eku houhau lahi ki he botu ni bea e ikai fuifui ia.

26 Bea koeuhi koe tu‘i o Juta, aia naa ne fekau akimoutolu ke fehui kia Jihova, te mou tala behe kiate ia, Oku behe mai e Jihova koe Otua o Isileli koeuhi koe gaahi lea aia kuo ke ogo‘i:

27 Koe mea i he ogogofua a ho loto, bea naa ke fakavaivai koe i he ao oe Otua, i hoo ogo‘i ene gaahi valoki ki he botu ni, bea ki he kakai oia, bea naa ke fakavaivai koe i hoku ao, mo ke haehae ho gaahi kofu, bea tagi i hoku ao; oku behe foki e Jihova kuou ogo‘i koe.

28 Vakai, teu fakataha koe ki hoo gaahi tamai, bea e tanaki koe ki ho tanuaga i he fiemalie be, bea e ikai mamata e ho mata ki he kovi kotoabe aia teu omi ki he botu ni, bea ki he kakai oia. Koia naa nau omi ae lea ki he tu‘i.

¶ 29 Bea nae fekau ai e he tu‘i o ne tanaki fakataha ae kau mātua kotoabe o Juta mo Jelusalema.

30 Bea nae alu hake ae tu‘i ki he fale o Jihova, bea moe kau tagata kotoabe o Juta, moe kakai o Jelusalema, moe kau taulaeiki, moe kau Livai, moe kakai kotoabe, ae lahi moe jii: bea nae lau eia i ho nau teliga, ae lea kotoabe oe tohi oe fuakava aia nae ilo i he fale o Jihova.

31 Bea nae tuu ae tu‘i i hono botu, bea fai ae fuakava i he ao o Jihova, ke muimui ia ia Jihova, bea ke tauhi ene gaahi fekau, mo ene gaahi fakamooni, mo ene gaahi tuutuuni, aki hono loto kotoa, mo hono laumalie kotoa, ke fai ki he gaahi lea oe fuakava, aia kuo tohi i he tohi ni.

32 Bea naa ne fakakau akinautolu kotoabe o Jelusalema, mo Benijimani, aia nae i ai ke nau tuu o fai ki ai. Bea nae fai e he kakai o Jelusalema o fakatatau ki he fuakava ae Otua, koe Otua oe nau gaahi tamai.

33 Bea nae too o ave ke mamao e Josaia ae gaahi mea kovi mei he gaahi fonua kotoabe nae kau ki he fānau a Isileli, bea ne fakakau akinautolu kotoabe nae katoa i Isileli ke nau tauhi, io ke tauhi a Jihova ko ho nau Otua. Bea nae ikai te nau liaki e nau muimui kia Jihova, koe Otua oe nau gaahi tamai, i hono gaahi aho kotoabe oona.