¶ 1 BEA i he fanogo ae tu‘i fefine o Siba ki he ogoogo o Solomone naa ne ha‘u ki Jelusalema ke ahiahi‘i a Solomone aki ae gaahi fehui ilogataa, koia moe fuu fonoga toko lahi, moe faga kameli nae fetuku ae gaahi mea namu kakala, moe koula lahi aubito, moe gaahi maka mahuiga: bea i he ene hoko mai kia Solomone, naa ne talanoa moia ki he mea kotoabe nae i hono loto.

2 Bea nae tali e Solomone a ene gaahi lehui kotoabe: bea nae ikai fufu mei a Solomone ha mea ke ne taefakamatala ia kiate ia.

3 Bea hili ae mamata e he tu‘i fefine o Siba ki he boto kotoabe a Solomone, bea moe fale aia naa ne laga,

4 Moe meakai i hono keinagaaga, moe aga oe nofo a ene kau tamaioeiki, moe toutuu a ene kau tauhi, mo ho nau kofu; mo kinautolu foki nae tauhi a ene mea inu, mo ho nau kofu onautolu, bea moe hala aia naa ne alu hake ai ki he fale o Jihova; nae vaivai a hono loto iate ia.

5 Bea nae behe eia ki he tu‘i, Ta koe lea mooni ia aia naaku fanogo ki ai i hoku fonua ooku, ki hoo gaahi gaue bea mo hoo boto.

6 Ka nae ikai teu tui ki he e nau lea, kae oua keu ha‘u, bea mamata ki ai a hoku mata: bea vakai, nae ikai tala mai hono vaheua oe lahi o hoo boto: he oku ke lahi hake i he ogoogo koia naaku fanogo ki ai.

7 Oku monuia a hoo kau tagata, oku monuia a hoo kau tamaioeiki koeni oku tutuu mau ai be i ho ao, o  nau fanogo ki hoo boto.

8 Fakafetai kia Jihova ko ho Otua, aia kuo lolofie lelei kiate koe ke fakanofo koe ki hono nofoa fakatu‘i, koe tu‘i ma a Jihova ko ho Otua: koeuhi nae ofa a ho Otua ki Isileli, ke fokotuu akinautolu ke taegata; koia naa ne fakanofo ai koe ke tu‘i kiate kinautolu, ke fai ae fakamāu moe fai totonu.

¶ 9 Bea naa ne foaki ki he tu‘i ae taleniti koula e teau ma uofulu, moe gaahi mea namu kakala fuu lahi aubito, moe gaahi maka mahuiga: bea nae ikai ha gaahi mea kakala ke tatau moia nae foaki kia Solomone e he tu‘i fefine o Siba.

10 Bea koe kau tamaioeiki foki a Helami moe kau tamaioeiki a Solomone, aia nae omi ae koula mei Ofeli, naa  nau omi ae gaahi akau alikumi bea moe gaahi maka mahuiga.

11 Bea nae gaohi e he tu‘i aki ae gaahi akau alikumi, ae gaahi bou ki he fale o Jihova, bea ki he fale oe tu‘i, moe gaahi haabe moe gaahi mea hiva ma ae kau faji hiva: bea nae heeki ai ke mamata e he fonua o Juta ki he gaahi mea behe.

12 Bea nae foaki e Solomone ki he tu‘i fefine o Siba a ene holi kotoabe, ae mea fulibe naa ne kole ki ai, koe fakalahi o ene  tali ae koloa naa ne fetuku mai ki he tu‘i. Bea behe, naa ne liliu atu, o alu ki hono fonua oona, aia mo ene kau tamaioeiki.

13 Bea koeni, ko hono mamafa oe koula nae omi kia Solomone i he ta‘u be taha, koe taleniti e onogeau moe onogofulu ma ono oe koula;

14 Ka nae lau kehe aia nae fetuku mai e he kau tagata nae fai ae fefakatauaki. Bea nae omi ae koula moe siliva kia Solomone e he gaahi tu‘i kotoabe o Alebea, bea e he kau bule oe gaahi vahe fonua.

¶ 15 Bea nae gaohi e Solomone koe tu‘i ae gaahi ba e uageau aki ae koula nae tuki: koe  sikeli e onogeau oe koula nae i he ba be taha.

16 Bea naa ne gaohi ae gaahi ba iki e tolugeau aki ae koula nae tuki; koe  sikeli e tolugeau oe koula nae i he ba be taha. Bea nae tuku ia e he tu‘i ki he fale i he vao akau o Lebanoni.

17 Nae gaohi foki e he tu‘i ha fuu nofoa fakatu‘i aki ae lei, bea naa ne aofi aki ia ae koula lelei lahi.

18 Nae ai ae lakaaga e ono ke  alu hake ai ki he nofoa fakatu‘i, moe tuuga va‘e koula, aia nae fakamau ki he nofoa fakatu‘i, moe aiaga nima i hono botu kaokao e ua oe hekaaga, moe laione e ua nae tuu ofi ki he aiaga nima:

19 Bea nae tuu i hono botu e taha ae laione e hogofulu ma ua, bea i he botu kehe e taha i he lakaaga e ono. Nae ikai gaohi hano tatau i ha buleaga.

20 Bea nae gaohi aki ae koula ae gaahi ibu inu kotoabe oe tu‘i ko Solomone, bea nae oe koula lelei ae gaahi ibu kotoabe oe fale i he vao akau o Lebanoni: nae ikai ha taha oe siliva; he nae ikai lau ia koe mea mahuiga i he gaahi aho o Solomone.

21 He nae alu ae folau ae tu‘i ki Tasisi fakataha moe kau tamaioeiki a Helami: nae ha‘u tuo taha i he ta‘u e tolu ae folau mei Tasisi, ke omi ae koula, moe siliva, moe lei, moe faga geli, bea moe faga bikoka.

¶ 22 Bea nae lahi hake ae ma‘u koloa moe boto a Solomone i he gaahi tu‘i kotoabe o mamani.

23 Bea nae holi ke ha‘u ki he ao o Solomone e he gaahi tu‘i kotoabe o mamani, ke fanogo ki he ene boto, aia nae tuku ki hono loto e he Otua.

24 Bea naa nau omi e he tagata taki taha a ene mea ofa, koe gaahi mea siliva, moe gaahi mea koula, moe gaahi kofu, moe gaahi mahafu tau, moe mea namu kakala, moe faga hose, moe faga miuli, koe tukuhau i he ta‘u kotoabe.

25 Bea nae ia Solomone ae botu fale tuuaga e fa afe ki he faga hose moe gaahi jaliote, bea moe kau heka hose e taha mano moe ua afe; aia naa ne vahevahe  ke nofo i he gaahi kolo jaliote, bea ki he tu‘i i Jelusalema.

26 Bea naa ne bule ki he gaahi tu‘i kotoabe mei he vaitafe o a‘u atu ki he fonua oe kakai Filisitia, bea o a‘u ki he mata fonua o Ijibite.

27 Bea nae gaohi ae siliva e he tu‘i ke tatau i Jelusalema moe gaahi maka, bea koe gaahi akau sita nae hage ia koe gaahi akau sukamino aia nae i he gaahi botu tokalelei, i hono lahi aubito.

28 Bea naa nau omi kia Solomone ae faga hosi mei Ijibite, bea mei he gaahi fonua kotoabe.

¶ 29 Bea koeni ko hono toe oe gaahi gaue a Solomone, mei he uluaki ki he kimui, ikai kuo tohi ia i he tohi a Natani koe balofita, bea i he kikite o Ahija koe tagata Sailo, bea i he gaahi kikite o Ito koe tagata kikite nae valoki kia Jeloboami koe foha o Nibati?

30 Bea nae bule a Solomone i Jelusalema ki Isileli katoa i he ta‘u e fagofulu.

31 Bea nae mohe a Solomone mo ene gaahi tamai bea nae fai hono butu i he kolo o Tevita ko ene tamai: bea nae fetogi ia i he bule e hono foha ko Lehoboami.