¶ 1 BEA nae toki behe e Solomone, Kuo behe e Jihova te ne nofo i he fakabouli matolu.

2 Ka kuou laga hake ha fale nofoaga moou, bea mo ha botu ke ke afio ai o taegata.

3 Bea nae tafoki e he tu‘i a hono fofoga, bea naa ne tabuaki ae fakataha katoa o Isileli: bea nae tutuu ki oluga ae fakataha katoa o Isileli.

4 Bea naa ne behe, Fakafetai kia Jihova koe Otua o Isileli, aia kuo ne fakamooni aki a hono nima ae folofola nae fai mei hono fofoga kia Tevita ko eku tamai, o behe,

5 Talu mei he aho naaku omi ai a hoku kakai mei he fonua ko Ijibite nae ikai teu fili ha kolo i he gaahi faahiga o Isileli ke laga ai ha fale, koeuhi ke tuku i ai a hoku huafa; bea nae ikai teu fili ha tagata ke ne bule ki hoku kakai Isileli:

6 Ka kuou fili a Jelusalema, koeuhi ke i ai a hoku huafa; bea kuou fili a Tevita ke ne bule ki hoku kakai Isileli.

7 Bea koeni, nae i he loto o Tevita ko eku tamai ke laga ha fale ki he huafa o Jihova koe Otua o Isileli.

8 Ka nae behe e Jihova kia Tevita ko eku tamai, Koeuhi ko ene i ho loto ia ke ke laga ha fale ki hoku huafa, naa ke fai lelei ke i ho loto ia:

9 Ka ne ogo ia e ikai te ke laga ae fale; ka ko ho foha e tubu mei ho fatu, koia ia te ne laga ae fale ki hoku huafa.

10 Koia kuo fakamooni e Jihova a ene folofola aia naa ne folofola aki: he kuou tuu hake au ke fetogi a Tevita ko eku tamai, bea kuou nofo ki he nofoa fakatu‘i o Isileli, o hage koe talaofa a Jihova, bea kuou laga ae fale ki he huafa o Jihova koe Otua o Isileli.

11 Bea kuou ai ki ai ae buha, aia oku i ai ae fuakava a Jihova, aia naa ne fai moe fānau a Isileli.

¶ 12 Bea naa ne tuu i he ao oe feilaulauaga o Jihova i he ao oe fakataha kotoabe o Isileli, bea naa ne mafao atu a hono nima:

13 He kuo gaohi e Solomone ha tuuaga balasa, koe haga e hogofulu a hono loloa, moe haga e hogofulu hono māukubu, bea koe haga e ono a hono maoluga, bea kuo fokotuu ia i he lotolotoga oe lotoa: bea naa ne tuu ki ai, bea naa ne tuulutui ki hono tui i he ao oe fakataha katoa o Isileli, bea naa ne mafao atu a hono nima ki he lagi,

14 Mo ne behe, E Jihova koe Otua o Isileli, oku ikai ha Otua ke tatau mo koe i he lagi, be i he mamani; akoe oku tauhi ae fuakava, mo ke aloofa ki hoo kau tamaioeiki, akinautolu oku eveeva i ho ao i he loto haohaoa:

15 Akoe kuo ke fai mooni mo hoo tamaioeiki ko Tevita ko eku tamai ae mea naa ke talaofa ai kiate ia; bea kuo ke folofola mei ho fofoga, bea kuo ke fakamooni ki ai aki ho nima, o hage koia he aho ni.

16 Bea koeni, E Jihova koe Otua o Isileli, ke ke fai mo hoo tamaioeiki ko Tevita ko eku tamai aia naa ke talaofa aki kiate ia, o behe, E ikai te ke majiva ha tagata i hoku ao ke nofo ki he nofoa fakatu‘i o Isileli; o kabau e tokaga e hoo fānau ki ho nau aluaga ke eveeva i he eku fono, o hage ko hoo eveeva i hoku ao.

17 Bea koeni, E Jihova koe Otua o Isileli, tuku ke fakamooni a hoo folofola, aia kuo ke folofola aki ki hoo tamaioeiki ko Tevita.

18 Ka e nofo mooni koa ae Otua moe tagata i he mamani? Vakai, oku ikai te ke faa hao koe i he lagi, moe lagi oe gaahi lagi; kae hua noa eni ae fale aia kuou laga!

19 Koia ke ke afio lelei ki he lotu a hoo tamaioeiki, bea ki he ene kole tāumau, E Jihova ko hoku Otua, ke fakaogo ki he tagi moe lotu aia oku lotu aki i ho ao e hoo tamaioeiki:

20 Koeuhi ke a ho fofoga ki he fale ni i he aho moe bo, ki he botu koia naa ke behe ai te ke tuku i ai ho huafa; ke fakaogo ki he lotu aia oku lotu aki e hoo tamaioeiki i he botu ni.

21 Koia ke ke ogo‘i ae gaahi kole a hoo tamaioeiki, bea mo hoo kakai Isileli, aia te nau lotu aki i he botu ni: fanogo e koe mei ho afioaga, mei he lagi; bea oka ke ka ogo‘i, fakamolemole.

¶ 22 Kabau e fai ha kovi e ha tagata ki hono kaugaabi, bea oku ne fai ke ne fuakava, bea oku omi ae fuakava ki he ao o hoo feilaulauaga i he fale ni:

23 Ke ke toki fanogo ekoe mei he lagi, bea ke gaue, mo fakamāu‘i a hoo kau tamaioeiki, i he totogi ki he agakovi, ke omi ki hono ulu oona a hono nunua; bea i he fakatonuhia‘i ae maonioni, i he atu kiate ia o tatau mo ene agatonu.

¶ 24 Kabau e teia hifo a hoo kakai Isileli i he ao o ho nau gaahi fili, koeuhi koe nau fai ha kovi kiate koe, ka kuo nau toe tafoki mai kiate koe, bea nau tabafua a ho huafa, mo hu, bea fai fakakolekole kiate koe i he fale ni:

25 Ke ke toki fanogo ekoe mei he lagi, bea fakamolemole ae agahala a hoo kakai Isileli, bea ke toe omi akinautolu ki he fonua aia naa ke foaki kiate kinautolu moe nau gaahi tamai.

¶ 26 Oka tabuni ae lagi, bea oku ikai ha uha e to, koeuhi koe nau fai agahala kiate koe; bea kabau te nau lotu i he botu ni, bea tabafua a ho huafa, bea nau liliu mei he e nau agahala, oka ke ka fakamamahi akinautolu:

27 Ke ke toki fanogo ekoe mei he lagi, bea fakamolemole ae agahala a hoo kau tamaioeiki, bea mo hoo kakai Isileli, koeuhi ke ke ako‘i akinautolu i he hala lelei aia oku totonu ke nau alu ai, bea ke foaki ae uha ki ho fonua aia kuo ke foaki ki hoo kakai ko ho nau tofia.

¶ 28 Kabau e ai ha hoge i he fonua, be ha mahaki fakaauha, be koe huhunu lahi oe goue, be koe fakabobo, be koe he‘e maumau, be koe unufe; kabau e nofo takatakai iateki nautolu a ho nau gaahi fili i he fonua oe nau gaahi veekolo; be koeha ae fakaauha be koe mahaki e i ai;

29 Iloga ae lotu moe kole e fai e ha tagata e toko taha, be e he kakai kotoabe o Isileli, i he ene ilo taki taha e he tagata ae kovi o hono loto oona mo ene mamahi, bea ne mafao mai a hono nima ki he fale ni:

30 Ke ke toki fanogo ekoe mei he lagi ko ho afioaga, bea fakamolemole, bea ke foaki ki he tagata taki taha o fakatatau ki he ene aga, oia oku ke afio‘i a hono loto; (he ko koe be toko taha, oku ke ilo ae loto oe fānau kotoabe ae tagata;)

31 Koeuhi ke nau manavahe kiate koe ke eveeva i ho gaahi hala i he aho kotoabe te nau moui ai i he fonua aia kuo ke foaki ki he e mau gaahi tamai.

¶ 32 Bea koeuhi foki koe muli, aia oku ikai o hoo kakai Isileli, ka kuo ha‘u mei ha fonua mamao koeuhi ko ho huafa lahi oou, bea mo ho nima malohi, bea mo ho nima kuo mafao atu; oka ha‘u akinautolu ke lotu i he fale ni;

33 Ke ke toki fanogo ekoe mei he lagi ko ho afioaga, bea ke fai o fakatatau moe mea kotoabe oku kole ai e he muli kiate koe: koeuhi ke ilo e he kakai kotoabe o mamani ki ho huafa, o manavahe kiate koe, o hage ko hoo kakai Isileli; bea koeuhi ke ilo oku ui aki a ho huafa ae fale ni aia kuou laga.

¶ 34 Kabau e alu a hoo kakai kituaa ke tau‘i a ho nau gaahi fili, i he hala koia te ke fekau atu akinautolu ki ai, bea nau lotu kia Jihova o haga ki he kolo ni aia kuo ke fili, bea ki he fale aia kuou laga ki ho huafa:

35 Ke ke toki fanogo ekoe mei he lagi ki he e nau lotu moe nau kole, bea ke tokonia akinautolu i he mea totonu.

36 Kabau te nau agahala kiate koe, (he oku ikai ha tagata oku tae ha agahala,) bea te ke houhau kiate kinautolu, mo ke tukuage akinautolu ki he fili, bea nau fetuku akinautolu koe kau bobula ki he fonua oe fili, be koe mamao be koe ofi;

37 Bea kabau te nau toe fakatokaga‘i ho nau loto i he fonua koia kuo ave bobula ki ai akinautolu, mo  nau fakatomala, mo fakakolekole kiate koe mei he fonua oe nau bobula, o nau behe, Kuo mau agahala, bea kuo mau fai talagataa, kuo mau fai ae kovi;

38 Bea kabau te nau tafoki mai kiate koe aki a ho nau loto katoa, bea mo ho nau laumalie kotoa, i he fonua o ho nau bobula, aia nae ave bobula akinautolu ki ai, bea nau lotu kiate koe o haga ki ho nau fonua, aia naa ke foaki ki he e nau gaahi tamai, ae kolo koia kuo ke fili, bea moe fale aia kuou laga ki ho huafa:

39 Ke ke toki fanogo ekoe mei he lagi ko ho afioaga ki he e nau lotu moe nau kole, bea ke tokonia akinautolu i he mea totonu, bea ke fakamolemole a hoo kakai aia kuo agahala kiate koe.

40 Koeni, E hoku Otua, oku ou kole kiate koe, ke afio a ho fofoga, bea tokaga ho teliga ki he lotu i he botu ni.

41 Koia foki, E Jihova koe Otua, tuu hake ki ho mālōlōaga, akoe, moe buha oe fuakava o hoo malohi: E Jihova koe Otua, tuku a hoo kau taulaeiki ke kofu aki ae fakamoui, bea tuku ke fiefia a hoo kakai maonioni i he agalelei.

42 E Jihova koe Otua, oua naa fakatafoki atu ae mata oia kuo ke bani aki ae lolo: manatu‘i ae gaahi aloofa o Tevita ko hoo tamaioeiki.