¶ 1 NAA ne gaohi foki ha feilaulauaga aki ae balasa, koe haga e fagofulu a hono loloa, moe haga e fagofulu a hono māukubu, bea koe haga e uofulu a hono maoluga.

2 Bea naa ne gaohi ha tukuga vai lahi aki ae balasa nae haka, koe haga e uofulu ae ataatā o hono gutu i hono fuofua takatakai, bea ko hono maoluga koe haga e hogofulu, bea ko hono fua takatakai aki ae afo koe haga ia e onogofulu.

3 Bea nae i lalo i ai ae fakatātā ki he faga bulu, aia nae tuu takatakai i ai: koe hogofulu i he haga e ua, o takatakai hake i he tukuga vai lahi. Nae haka mo fakafuofua ae otu faga bulu e ua, o fai fakataha mo hono haka mo hono fakafuofua oona.

4 Nae tuu ia ki he faga bulu e hogofulu ma ua, nae haga ae tolu ki he tokelau, bea haga ae tolu ki he feituu luluga, bea haga ae tolu ki he toga, bea haga ae tolu ki he feituu hahake: bea nae hilifaki ae tukuga vai lahi ki oluga i ai, bea nae haga a ho nau tuugaiku kotoabe ki loto.

5 Bea ko hono matolu oia koe nima e taha, bea nae gaohi a hono gutu ke hage koe gutu o ha ibu inu aki ae fiji akau oe lili; bea ko hono fonu oia koe kaloni e taha mano moe ono afe.

¶ 6 Naa ne gaohi foki ae aiaga vai e hogofulu, mo ne tuku ae nima ki he nima toomatau, moe nima ki he toohema koeuhi ke fai kaukau ki ai: iloga ae gaahi mea nae atu i he gaahi feilaulau tutu nae fufulu ia i ai; ka koe fuu tukuga vai lahi nae tuku ia ke kaukau ai ae kau taulaeiki.

7 Bea naa ne gaohi ae gaahi tuugamāma e hogofulu o fakatatau mo ho nau aga, mo ne tuku ia i he fale tabu, koe nima ki he botu toomatau bea koe nima ki he toohema.

8 Naa ne gaohi foki ae balebale e hogofulu, mo ne ai ia i he fale tabu, koe nima ki he botu toomatau, moe nima ki he toohema. Bea naa ne gaohi ae gaahi ibu luoluo e teau aki ae koula.

¶ 9 Bea naa ne gaohi foki ae loto a oe kau taulaeiki, bea moe loto a lahi, moe gaahi mataba ki he loto a, bea naa ne aofi ae gaahi mataba oia aki ae balasa.

10 Bea naa ne fokotuu ae fuu tukuga vai ki he botu toomatau oe faahi ki he feituu hahake, o haga tonu atu ki he feituu toga.

11 Bea nae gaohi e Helami ae gaahi kulo, moe gaahi huo, bea moe gaahi ibu luoluo. Bea nae fakaoji e Helami ae gaue aia nae tuku ke ne fai ki he tu‘i ko Solomone ma ae fale oe Otua;

12 Io, ae bou e ua, moe teuga fuobotoboto, moe ulu nae tuu i he ulu‘i bou e ua, bea moe teuga fihifihi ke ufiufi aki ae teuga fuobotoboto e ua i he ulu‘i bou:

13 Moe bomikanite e fageau i he gaue fihifihi e ua: koe taki ua ae otu bomikanite i he teuga fihifihi taki taha, ke ufiufi ae teuga fuobotoboto oe ulu‘i bou aia nae i he ogo bou.

14 Naa ne gaohi foki ae gaahi tuuga, bea nae hilifaki ae gaahi aiaga vai ki he gaahi tuuga;

15 Moe fuu tukuga vai e taha, moe faga bulu e hogofulu ma ua ki lalo i ai.

16 Koe gaahi kulo foki, moe gaahi huo, moe gaahi mea hikofi kakano, bea mo ho nau nāunāu fulibe, nae gaohi e Helami ko ene tamai ki he tu‘i ko Solomone, ma ae fale o Jihova, aki ae balasa gigila.

17 Nae haka mo fakafuofua ae gaahi mea ni e he tu‘i, i he kelekele umea nae i he vahaa o Sukote bea mo Selitata.

18 Koia, nae gaohi ae gaahi nāunāu ni e Solomone o lahi aubito: he nae ikai faa lau ae mamafa oe balasa.

¶ 19 Bea nae gaohi e Solomone ae gaahi ibu kotoabe ma ae fale oe Otua, moe feilaulauaga koula foki, moe gaahi balebale aia nae tuku ki ai ae ma oe ao;

20 Bea moe gaahi tuugamāma foki mo ho nau gaahi māma, koeuhi ke ulo o hage ko hono aga i he ao oe folofolaaga, koe koula mooni ia.

21 Bea moe gaahi fijiakau, moe gaahi foi tuugamāma, moe mea hikofi, naa ne  gaohi ia kotoabe aki ae koula, io ae koula haohaoa;

22 Moe helekojimāma, moe gaahi ibu luoluo, moe gaahi sibuni, moe gaahi aiaga afi, koe koula haohaoa ia: bea koe huaga ki he fale, moe mataba ki loto ki he botu tobutabu lahi, bea moe gaahi mataba oe fale tabu, nae oe koula ia.