¶ 1 BEA koeni i he ene fakaoji e Solomone ae lotu, nae hoko hifo ae afi mei he lagi, bea ne keina o oji ae feilaulau tutu bea moe gaahi feilaulau; bea nae fakafonu ae fale e he nāunāu o Jihova.

2 Bea nae ikai faa huage ae kau taulaeiki ki he loto fale o Jihova, koeuhi kuo fakafonu ae fale o Jihova aki ae nāunāu o Jihova.

3 Bea i he jio ae fānau kotoabe a Isileli ki he ene alu hifo ae afi, bea ki he nāunāu o Jihova i he fale, naa nau bunou hifo mo ho nau mata ki he kelekele ki he fuga faliki maka, mo  nau hu, mo fakafetai kia Jihova,  o behe, He oku agalelei ia; bea oku taegata a ene aloofa.

¶ 4 Bea hili ia nae atu ai e he tu‘i bea moe kakai fulibe ae gaahi feilaulau i he ao o Jihova.

5 Bea nae atu e Solomone ha feilaulau, koe faga bulu e ua mano moe ua afe, moe faga sibi e taha kilu moe ua mano: bea behe, nae fakatabu‘i ae fale oe Otua e he tu‘i bea moe kakai kotoabe.

6 Bea nae fai e he kau taulaeiki ki he e nau gaahi gaue: koe kau Livai foki moe gaahi mea faji hiva kia Jihova, aia nae gaohi e Tevita ke hiva aki kia Jihova, koeuhi koe taegata a ene aloofa, i he ene fai fakafetai e Tevita i he e nau gaue; bea nae fakaogo e he kau taulaeiki ae gaahi mealea i ho nau ao, bea nae tutuu a Isileli katoa ki oluga.

7 Bea nae fakatabu‘i foki e Solomone ae botu ki loto oe loto a aia nae i he ao oe fale o Jihova: he naa ne atu i he botu koia ae gaahi feilaulau tutu, moe gako oe gaahi feilaulau fakamelino, he koeuhi nae ikai faa hao i he feilaulauaga balasa aia nae gaohi e Solomone, ae gaahi feilaulau tutu, moe gaahi feilaulau meakai, bea moe gako.

¶ 8 Bea i he kuoga foki koia nae fai ae katoaga e Solomone i he aho e fitu, bea nae fakataha a Isileli katoa moia, koe fuu fakataha lahi, mei he huaga ki Hamati o a‘u ki he vaitafe o Ijibite.

9 Bea i hono valu oe aho naa nau fai ae fakataha molumalu: he naa nau fai ae fakatabu‘i oe feilaulauaga i he aho e fitu, bea moe katoaga i he aho e fitu.

10 Bea i hono uofulu ma tolu oe aho i hono fitu oe mahina naa ne fekau ke alu ae kakai ki ho nau gaahi fale, i he fiefia moe nekeneka i loto koeuhi koe agalelei nae fakaha e Jihova kia Tevita, bea kia Solomone, bea ki hono kakai Isileli.

11 Nae behe ae fakaoji e Solomone ae fale o Jihova, bea moe fale oe tu‘i: bea koe mea kotoabe nae fakakaukau ki ai a Solomone i hono loto ke fai i he fale o Jihova, bea i hono fale oona, naa ne fai monitonu be ia.

¶ 12 Bea nae ha mai a Jihova kia Solomone i he bo, mo ne behe kiate ia, Kuou fanogo ki hoo lotu, bea kuou fili ae botu ni mooku koe fale ke fai ai ae failaulau.

13 Kabau teu tabuni ae lagi ke oua naa ai ha uha e to, bea kabau teu fekau‘i ae faga hee maumau ke keina ae fonua, bea kabau teu tuku ae mahaki fakaauha ki he lotolotoga o hoku kakai;

14 Bea kabau e fakavaivai mai a hoku kakai oku ui aki a hoku huafa, bea nau lotu, mo nau kumi ki hoku fofoga, bea nau tafoki mei ho nau gaahi hala kovi; behe, teu toki fanogo mei he lagi, bea teu fakamolemole e nau agahala, bea teu fakamoui a ho nau fonua.

15 Koeni, e a a hoku mata, bea e tokaga a hoku teliga ki he lotu e fai i he botu ni.

16 He koeni, kuou fili mo fakatabu‘i ae fale ni, koeuhi ke i ai a hoku higoa o taegata: bea e i ai a hoku mata mo hoku loto mau ai be.

17 Bea koeuhi ko koe, kabau te ke alu i hoku ao, o hage koe alu a Tevita ko hoo tamai, bea ke fai ae mea kotoabe kuou fekau kiate koe, bea ke tokaga ki he eku gaahi fono mo eku gaahi fakamāu;

18 Behe, teu toki fokotuu mau ae nofoa fakatu‘i o ho buleaga, o hage ko eku fuakava nae fai mo Tevita ko hoo tamai, o behe, E ikai te ke majiva i ha tagata ke bule i Isileli.

19 Bea kabau te mou tafoki atu, mo liaki a eku gaahi fono mo eku gaahi fekau, aia kuou tuku i ho mou ao, bea mou alu mo tauhi ki he gaahi otua kehe, mo lotu ki ai;

20 Behe, teu toki taaki hake akinautolu mei ho nau aka o li akinautolu mei hoku fonua, aia kuou foaki kiate kinautolu; bea koe fale ni, aia kuou fakatabu‘i ki hoku huafa, teu liaki ia mei hoku ao, bea teu gaohi ia koe lea fakatātā moe manukiage i he gaahi buleaga kotoabe.

21 Bea koe fale ni, oku maoluga ni, e hoko koe ofoaga kiate ia kotoabe e alu ofi ki ai; koia te ne behe ai, Koeha kuo fai behe ai e Jihova ki he fonua ni, bea ki he fale ni?

22 Bea e tali o beheage, Koeuhi naa nau jiaki a Jihova koe Otua oe nau gaahi tamai, aia naa ne omi akinautolu mei he fonua ko Ijibite, mo nau buke ki he gaahi otua kehe, mo lotu ki ai, mo tauhi kiate kinautolu: koia ia kuo ne omi eia ae kovi ni kotoabe kiate kinautolu.