Koe Tohi a Isikieli

Ngaahi Folofolá

Fuakava Motuʻá

Koe Tohi a Isikieli

Vahe 1
1 Koe kuoga oe kikite a Isikieli i Kiba. 4 Ko ene mamata ki he Jelubimi e toko fa, 15 moe teka e fa, 26 moe nāunāu oe Otua.
Vahe 2
1 Koe fekau kia Isikieli. 6 Hono akonaki‘i. 9 Koe tohi takai oe kikite mamafa.
Vahe 3
1 Oku kai e Isikieli ae takaiga tohi. 4 Oku tokoni ia e he Otua. 15 Oku fakaha kiate ia e he Otua ae aga oe kikite. 22 Oku matoo mo tabuni e ke Otua ae gutu oe balofita.
Vahe 4
1 Koe fakatātā ki ke tau oku kabui ha kolo oku fakaha ai hono fuoloa oe nau bobula. 9 Oku fakaha hono lahi oe hoge i he faigataa ae ma‘u mea kai.
Vahe 5
1 Koe fakatātā ki he louulu, 5 oku ha mei ai ae tautea o Jelusalema koeuhi ko ene agatuu, 12 i he hoge, moe heleta, moe fakahe‘i.
Vahe 6
1 Koe tautea o Isileli i he ene fai kovi. 8 Koe monuia ha toega i ai. 11 Oku eginaki ae maonioni ke tegihia a ene gaahi mamahi.
Vahe 7
1 Koe fakaauha fakaoji o Isileli. 16 Ae mamahi moe fakatomala anautolu e hao. 20 Oku fakalielia‘i ae botu tabu e he gaahi fili koeuhi koe fai kovi a Isileli. 23 Koe fakatātā oe maea ukamea oku fakaha ai e nau bobula mamahi.
Vahe 8
1 Koe mea ha mai mei he Otua kia Isikieli i Jelusalema. 5 Ae fakatātā oe fuaa. 7 Ae gaahi botu fale oku fonu i he fakatātā. 13 Koe kau tagilāulāu koeuhi ko Temuse. 15 Ae hu ae kakai ki he laa. 18 Ae houhau oe Otua koeuhi koe nau tauhi tamabua.
Vahe 9
1 Koe mea ha mai oku fakaha ai ae fakamoui o ha niihi, 5 moe fakaauha a hono toe. 8 E ikai aoga ki he Otua hono hufia akinautolu.
Vahe 10
1 Koe mea ha mai, koe malalai afi ke fakamokulu ki he kolo. 8 Koe ha mai ae Jelubimi.
Vahe 11
1 Koe fielahi ae houeiki. 4 Koe nau agahala mo hono fakamāu‘i. 13 I he tagi a Isikieli oku fakaha e he Otua a ene fakamoui ha toega, 21 moe tautea oe kau agahala. 22 Oku mahui ae nāunāu oe Otua mei he kolo. 24 Oku toe ave a Isikieli ki he fakabobula.
Vahe 12
1 Koe fakatātāu oe hiki a Isikieli. 8 Oku ha ai ae fakabobula‘i a Setikia. 17 Oku fakaha i he tetetete a Isikieli ae fakaauha oe kakai Jiu. 21 Oku valoki‘i ae lea fielahi ae kakai Jiu. 28 Hono hoko vave ae kikite.
Vahe 13
1 Koe valoki ki he kau kikite loi. 10 Koe lahe taebibiki. 17 Koe kau kikite fefine moe nau gaahi faakiaga.
Vahe 14
1 Oku tali e he Otua ae kau tauhi tamabua o hage ko ho nau loto. 6 Oku eginaki‘i kinautolu ke fakatomala telia ae gaahi malaia i he kau kikite kuo kākā‘i. 12 Ae tuutuuni fakababau e he Otua ae hoge, 15 ae faga manu fekai, 17 moe heleta, 19 moe mahaki fakaauha. 22 E tuku ha toega kakai koe valoki ki he niihi kehe.
Vahe 15
1 Koe tala fakatātā ki hono taeaoga aubito oe vaa oe vaine. 6 Koe fakaha ai ae liaki‘i o Jelusalema.
Vahe 16
1 Oku fakatātā ae aga fakakakano a Jelusalema ki he faele‘i kovi ha tamajii. 6 Ae ofa lahi aubito ae Otua kiate ia. 15 A ene feauaki fakalielia. 35 Hono tautea fakamanavahe. 44 Koe mea i he lahi tatau a ene agahala mo ia nae fai e he ene fa‘e ko Sotoma, bea lahi hake i he agahala a Samelia ko hono tuofefine, koia oku tagi ai ia ki he fai ae tautea. 60 Koe i ai ae aloofa kiate ia i he kuoga fakamui.
Vahe 17
1 Koe fakatātā ki he ikale e ua bea moe vaine. 11 Koe fakaha ai ae tautea mei he Otua ki Jelusalema i he ene tafoki mei Babilone ki Ijibite. 22 Oku talaofa ae Otua e to ae sita ogoogolelei.
Vahe 18
1 Oku valoki e he Otua ae fakatātā taetotonu oe kalebi mahi. 5 Oku ne fakaha ae mea oku ne fai ki he tamai oku fai totonu: 10 moe ia oku fai ki he foha agahala oe tamai agatonu: 14 moe foha agatonu oe tamai agahala: 19 ae tagata agahala oka fakatomala: 24 ae tagata fai lelei oka fakaholomui. 25 Oku fakamatala ene fai totonu. 31 Koe eginaki ki he fakatomala.
Vahe 19
1 Koe tegihia ae houeiki o Isileli koe mea i he fakatātā ki he laione mo hono uhiki oku fakato ki he luo, 10 bea koeuhi ko Jelusalema, i he fakatātā oe vaine kuo mae.
Vahe 20
1 Oku behe e he Otua e ikai te ne tali ae fakafehui ae kau mātua o Isileli. 5 Oku ne fakamatala ae nau agatuu i Ijibite, 10 bea i he toafa, 27 bea i he fonua. 33 Oku talaofo ia o behe e tanaki akinautolu i he kuoga oe ogoogolelei. 45 Oku fakaha ae fakaauha o Jelusalema i he tala fakatātā ki he vao akau.
Vahe 21
1 Oku kikite a Isikieli ki Jelusalema moe fakailoga oe to‘eto‘e. 8 Ae heleta gigila mo majila, 13 koe mea ki Jelusalema. 25 Ki he buleaga, 28 bea ki he kakai Amoni.
Vahe 22
1 Koe fakamatala ae gaahi agahala a Jelusalema. 13 E tutu ia e he Otua o hage koe efinaga mea i he afi. 23 Ae hoko o fakalielia kotoabe ae kau kikite moe kau taulaeiki, moe houeiki, bea moe kakai.
Vahe 23
1 Koe fai agahala a Ahola mo Aholiba. 22 Kuo tonu ke fakamamahi‘i a Aholiba e he ene kau mamana. 36 Oku fakatouvaloki e he tagata kikite a ena agahala, 45 mo ne fakaha eia ho na tautea.
Vahe 24
1 Koe fakatātā oe kulo kuo fakalili. 6 Koe fakaha ai ia ae fakaauha aubito o Jelusalema. 15 Koe fakatātā oe ikai fai e Isikieli ha tagilāulāu koeuhi koe bekia a hono unoho. 19 Koe fakaha ai ia koe mamahi e hoko ki he kakai Jiu oku tae faa fakamatala.
Vahe 25
1 Ae fai totogi e he Otua ki he kau Amoni koeuhi koe nau fielahi ki he kakai Jiu, 8 ki Moabe mo Seia, 12 ki Itomi, 15 moe kau Filisitia.
Vahe 26
1 Oku valoki mai a Taia koe mea i he ene fai kovi ki Jelusalema. 7 Koe tau‘i ia e he malohi o Nebukanesa. 15 Ae tagi moe mamahi mei he botu tahi kotoabe i he ene higa.
Vahe 27
1 Ae koloaia a Taia. 26 Hono matuaki fakatokilalo aubito.
Vahe 28
1 Ae fai totogi e he Otua ki he tu‘i o Taia koe mea i he ene fielahi. 11 Koe tagi mamahi koeuhi kuo fakalielia‘i i he agahala a hono nāunāu. 20 Ae tautea ki Saitone. 24 Ae toe fakamoui o Isileli.
Vahe 29
1 Ae tautea o Felo i he ene kākā ki Isileli. 8 Ae fakaauha o Ijibite. 13 Hili ae ta‘u e fagofulu e toe laga hake ia. 17 Koe foaki o Ijibite kia Nebukalesa. 21 E toe fakamoui a Isileli.
Vahe 30
Koe auha a Ijibite mo ene kau tokoni. 20 E fakamalohi‘i ae nima o Babilome ke ne feji‘i ae nima o Ijibite.
Vahe 31
1 Koe tala oku kau kia Felo. 3 Ae ogoogolelei o Asilia, 10 bea mo ene higa i he fielahi. 18 Ae higa behe foki a Ijibite.
Vahe 32
1 Koe tagilāulāu koeuhi koe higa fakamanavahe a Ijibite. 11 E fakaauha ia e he heleta a Babilone. 17 E o hifo ia ki heli fakataha moe gaahi buleaga teakamu kotoabe.
Vahe 33
1 Koe gaue totonu ae tagata leo. 7 Oku nainai a Isikieli ki he ene gaue aana. 10 Oku fakaha e he Otua hono totonu oe mea oku ne fai kiate kinautolu oku fakatomala, mo kinautolu oku agatuu be. 17 Oku ne fakamooni‘i a ene fai agatonu. 21 I he ogo mai kuo hamu a Jelusalema oku kikite eia ki he fakalala oe fonua. 30 Ae fakamalaia e he Otua ae kakai oku manuki ki he balofita.
Vahe 34
1 Koe valoki ki he kau tauhi. 7 Ae tautea mei he Otua kiate kinautolu. 11 A ene tauhi lelei a hono kakai. 20 Ae buleaga o Kalaisi.
Vahe 35
1 Ae tautea ki he mouga o Seia, koeuhi koe nau fehia ki Isileli.
Vahe 36
1 Oku fakafiemalie‘i a Isileli, i he fakaauha oe hiteni, nae fehia kiate ia. 8 Koe gaahi tabuaki mei he Otua aia oku ne talaofa ki ai. 16 Nae jiaki‘i a Isileli koe mea i he e nau agahala. 21 Koe toe fakamoui kae ikai i ha nau aoga anautolu. 25 Ae monuia e hoko mai moe buleaga o Kalaisi.
Vahe 37
1 Koe fakatātā oe toetuu ae gaahi hui momoa. 11 Ae toe moui ae amanaki lelei a Isileli. 15 Koe hoko ae ogo vaa akau. 18 Koe fakaha mei ai ae hoko o taha be a Isileli mo Juta. 20 Ae gaahi talaofa oku kau ki he buleaga o Kalaisi.
Vahe 38
Koe kau tau, 8 moe fakafajifaji a Koki. 14 Koe tautea mei he Otua kiate ia.
Vahe 39
1 Koe tautea mei he Otua kia Koki. 8 Koe lava‘i ia e Isileli. 11 Koe tanu a Koki i Hamoni‐koki. 17 Ae katoaga ae faga manu buna. 23 Hili ae fakamamahi‘i o Isileli koeuhi ko ene gaahi kovi, e toki tanaki ia mo ne ma‘u ae aloofa taegata.
Vahe 40
1 Koe kuoga, mo hono aga, mo hono hokoaga oe mea ha mai. 6 Ae fakamatala ki he mataba ki hahake, 20 Ae mataba ki he tokelau. 24 Ae mataba ki he botu toga. 32 Ae mataba ki he hahake. 35 Ae mataba tokelau. 39 Ae balebale e valu. 44 Ae gaahi botu fale. 48 Moe fale hala oe fale.
Vahe 41
1 Hono fuofua, moe vahevahe moe gaahi botu fale, moe gaohi fakasanisani oe fale tabu.
Vahe 42
1 Ae gaahi botu fale ki he kau taulaeiki. 13 Hono aoga oia. 19 Hono fuofua oe lotoa ki tua.
Vahe 43
1 Ae toe foki ae nāunāu oe Otua ki he fale tabu. 7 Oku taofi ae agahala a Isileli, koe i ai ae Otua. 10 Oku valoki‘i akinautolu e he balofita ke fakatomala mo fai ki he fono ki he fale. 13 A hono fua, 18 bea moe tuutuuni ki he feilaulauaga.
Vahe 44
1 Koe vahe‘i oe mataba ki hahake moe tu‘i. 4 Oku valoki‘i ae kau taulaeiki koeuhi koe fakalielia‘i ae botu tobutabu. 9 E ikai ha taha oku tauhi tamabua e faa fai ae gaue fakataulaeiki. 15 Oku tuku ia ki he gaahi foha o Satoki. 17 Koe gaahi mea tuutuuni ki he kau taulaeiki.
Vahe 45
1 Ae koga fonua e vahe ki he fale tabu, 6 moe tuuga oe kolo, 7 moe nofoaga oe tu‘i. 9 Koe gaahi mea kuo tuutuuni ki he tu‘i.
Vahe 46
1 Ae gaahi mea kuo tuutuuni ke fai e he tu‘i i he ene hu, 9 bea moe kakai. 16 A hono tuku fakaholo ae tofia oe tu‘i. 19 Ae gaahi lotoa e fai ai ae haka moe ta‘o mea.
Vahe 47
1 Ae mea ha mai koe gaahi vai tabu. 6 Hono aoga o ia. 13 Hono gaahi gataaga oe fonua. 22 Hono vahevahe ki he gaahi tofia.
Vahe 48
1–23 Ae gaahi botu ki he faahiga e hogofulu ma ua, 8 moe fale tabu, 15 bea moe kolo moe tua kolo, 21 bea moe tu‘i. 30 Hono fakafuofua oe gaahi mataba ki he kolo.

Paaki

Fakakau ʻa e fakaʻilongaʻi ʻo e ngaahi meʻa mahuʻingá mo e laineʻí

Hū ki loto ke fakaʻaongaʻi

Fakakau ʻa e ngaahi futinoutí