¶ 1 KOE folofola nae hoko kia Jelemaia mei a Jihova, o behe,

2 Mou fanogo ki he gaahi lea oe fuakava ni, bea ke lea ki he kau tagata o Juta, bea moe kakai o Jelusalema;

3 Bea ke behe kiate kinautolu, oku behe mai e Jihova koe Otua o Isileli; E malaia ae tagata aia oku ikai talagofua ki he gaahi lea oe fuakava ni,

4 Aia naaku fekau ki hoo mou gaahi tamai i he aho naaku omi ai akinautolu mei he fonua ko Ijibite, mei he tutuaga ukamea, o behe, Mou talagofua ki hoku le‘o, bea fai o hage koe mea kotoabe oku ou fekau kiate kimoutolu: koia te mou hoko ai ko hoku kakai, bea teu hoko ko ho mou Otua:

5 Koeuhi keu fakamooni ae fuakava aia naaku fuakava aki ki hoo mou gaahi tamai, ke foaki kiate kinautolu ae fonua oku mahu i he hua huhu moe honi, o hage koia he aho ni. Bea neu toki lea, o behe, Ke behe be, E Jihova.

6 Bea nae toki behe e Jihova kiate au, Ke ke fakaha ae gaahi lea ni kotoa ki he gaahi kolo o Juta, moe gaahi hala i Jelusalema, o behe, Mou fanogo ki he gaahi lea oe fuakava ni, bea fai ki ai.

7 He naaku ako lahi ki hoo mou gaahi tamai, i he aho naaku omi ai akinautolu mei he fonua ko Ijibite, o a‘u ki he aho ni, o tuu hegihegi hake be o ako, o behe, Mou talagofua ki hoku le‘o.

8 Ka nae ikai te nau talagofua, be fakatokaga‘i ho nau teliga, ka naa nau taki taha muimui ki he holi a hono loto kovi; koia teu omi ai kiate kimoutolu ae gaahi lea kotoabe oe fuakava ni, aia naaku fekau ke nau fai; ka nae ikai te nau fai ki ai.

9 Bea nae behe e Jihova kiate au, Oku i he kakai o Juta moe kau nofoaga o Jelusalema ae buleaki.

10 Kuo nau foki ki mui ki he hia oe nau mātua i mua, akinautolu nae ikai te nau tokaga ki he eku lea; bea naa nau muimui ki he gaahi otua kehe mo tauhi ki ai: kuo maumau‘i eku fuakava e he fale o Isileli moe fale o Juta aia neu fai moe nau gaahi tamai.

¶ 11 Koia, oku behe e Jihova, Vakai, teu omi ae kovi kiate kinautolu, aia e ikai te nau faa hao mei ai; bea kabau te nau tagi kiate au, e ikai teu fanogo kiate kinautolu.

12 Bea e toki alu ae gaahi kolo o Juta, moe kakai o Jelusalema, o tagi ki ho nau gaahi otua aia naa nau atu ki ai ae mea namu kakala: ka e ikai jii te nau fakamoui akinautolu i he aho oe nau mamahi.

13 He oku hage ko hono toko lahi o ho gaahi kolo, oku behe hono toko lahi o ho gaahi otua, E Juta; bea hage koe lau oe gaahi hala i Jelusalema kuo mou fokotuu ae feilaulauaga ki he mea fakama, io ae gaahi feilaulauaga ke tutu ai ae mea namu kakala kia Beali.

14 Koia oua te ke hufia ae kakai ni; be hiki hake ha tagi be hu koeuhi ko kinautolu: koeuhi e ikai teu fanogo kiate kinautolu i he aho te nau tagi ai kiate au i he e nau mamahi.

15 Koeha oku kei nofo ai a hoku ofaaga i hoku fale, ka kuo fai kovi ia moe toko lahi? e ma‘u meiate koe ae fuakava moe kakano maonioni? i hoo fai mea kovi naa ke fiefia ai.

16 Bea nae ui ho higoa e Jihova, koe olive mata, oku matamata lelei, bea fua lelei: kuo ne tutu aki ia ae afi i he logoaa lahi, bea kuo vela hono gaahi vaa.

17 He ko Jihova oe gaahi kau tau, aia naa ne to koe, kuo ne fakaha kiate koe ae kovi, koeuhi koe kovi ae fale o Isileli, bea moe fale o Juta, aia kuo nau fai ke fakahouhau aki au i he e nau feilaulau aki ae mea namu kakala kia Beali.

¶ 18 Bea kuo fakailo ia kiate au e Jihova, bea oku ou ilo ia: bea naa ke fakaha kiate au e nau gaahi faiaga.

19 Ka naaku hage koe lami be ha bulu aia oku omi ke tamate‘i; bea nae ikai teu ilo‘i kuo nau fakakaukau ae tauhele kiate au, o behe, Ke tau fakaauha ae akau mo hono fua, bea ke tau tuuji ia mei he fonua oe moui, ke oua naa toe manatu‘i a hono higoa.

20 Ka ko koe, E Jihova oe gaahi kau tau, akoe oku ke fakamāu totonu, mo hakule ae gaahi holi moe loto, tuku keu mamata ki ho houhau kiate kinautolu: he kuou fakaha eku mea kiate koe.

21 Koia oku behe e Jihova ki he kau tagata o Anatoti, akinautolu oku kumi hoo moui, o nau behe, Oua te ke kikite i he huafa, o Jihova, telia naa ke mate koe i ho mau nima:

22 Koia oku behe mai e Jihova oe gaahi kau tau, Vakai, teu tautea akinautolu: e mate ho nau kau talavou i he heleta; bea e mate ho nau gaahi foha, mo ho nau gaahi ofefine i he hoge:

23 Bea e ikai kei toe ha kakai iate kinautolu: he teu omi ae kovi ki he kakai o Anatoti, io koe ta‘u oe aah, kiate kinautolu.