¶ 1 OKU behe mai e Jihova kiate au, Alu o too kiate koe ae noo oe tubenu lelei, bea ai ia ki ho koga loto, bea oua naa tuku ia ki he vai.

2 Bea naaku too ae noo o ai ia ki hoku koga loto, o hage koe folofola a Jihova.

3 Bea nae hoko ae folofola a Jihova kiate au, ko hono liuga ua, o behe,

4 Too ae noo aia oku iate koe, aia oku i ho koga loto, bea ke tuu, o alu ki Iufaletesi, bea fakafufu ia i he ana‘i maka.

5 Bea neu alu o fakafufu ia, o ofi ki Iufaletesi, o hage koe fekau a Jihova.

6 Bea nae hoko, o behe, i he hili ae gaahi aho lahi, nae behe e Jihova kiate au, Tuu, bea ke alu ki Iufaletesi, bea too mei ai ae noo, aia naaku fekau ke ke fakafufu i ai.

7 Bea neu alu ki Iufaletesi, mo keli, bea too mai ae noo mei he botu neu fakafufu ai ia: bea, vakai, kuo maumau‘i ae noo, bea nae ikai jii aoga ia.

8 Bea nae hoko ae folofola a Jihova kiate au, o behe,

9 Oku behe e Jihova, Teu maumau‘i behe ae fielahi a Juta, bea moe laukau lahi a Jelusalema.

10 Koe kakai kovi ni, oku nau fakaogo tuli ki he eku gaahi lea, bea eveeva i he mahalo vaiga o ho nau loto, bea muimui ki he gaahi otua kehe, o tauhi akinautolu, bea lotu kiate kinautolu: te nau hage koe noo ni, aia oku ikai jii aoga.

11 Koeuhi hage oku bibiki ae noo ki he koga loto oe tagata, nae behe eku fakabibiki kiate au ae fale kotoa o Isileli, bea moe fale kotoa o Juta, oku behe e Jihova: koeuhi ke nau hoko kiate au koe kakai, moe higoa, moe fakamalo moe nāunāu: ka naa nau fakaogotuli be.

¶ 12 Koia ke ke lea aki ae lea ni kiate kinautolu: Oku behe e Jihova koe Otua o Isileli, E fakabito aki ae uaine ae hina kotoabe: bea te nau behe kiate koe, Ikai oku mau ilo bau e fakabito aki ae uaine ae hina kotoabe.

13 Bea te ke toki lea behe kiate kinautolu, oku behe e Jihova, Vakai, teu fakabito aki ae kona, ae kakai kotoabe oe fonua ni, io ae gaahi tu‘i oku nofo i he nofoaga fakaeieiki o Tevita, moe kau taulaeiki, bea moe kau balofita, bea moe kakai kotoabe o Jelusalema.

14 Bea oku behe e Jihova, Teu fakafeteleni ke laiki akinautolu, koe gaahi tamai ki he gaahi foha: E ikai teu ofa, be fakamoui, be fai aloofa, ka e fakaauha akinautolu.

¶ 15 Mou fanogo, mo tokaga; bea oua naa fielahi: he kuo folofola a Jihova.

16 Mou fakaogoogolelei‘i a Jihova ko ho mou Otua, i he heeki ai te ne fakatubu ae fakabouli, bea i he heeki ai ke tūkia ho mou va‘e i he gaahi mouga oe fakabouli, bea lolotoga hoo mou amanaki ki he māma, te ne liliu ia koe bouli matolu, bea moe malumalu oe mate.

17 Bea kabau e ikai te mou fanogo ki ai e tagi hoku laumalie i he gaahi botu lilo koeuhi ko hoo mou fielahi; bea e tagi lahi hoku mata, bea e tafe hifo ae gaahi loi mata, koeuhi kuo ave fakabobula ae faga sibi a Jihova.

18 Ke ke lea ki he tu‘i moe tu‘i fefine, Mo fakavaivai akimoua, o nofo hifo: he te ne to hifo mei ho mo ulu ae tatā o ho mo nāunāu.

19 E tabuni ae gaahi kolo i he feituu toga, bea e ikai too e ha taha: E fetuku fakabobula a Juta katoa; e ave ia kotoabe o fakabobula‘i.

20 Haga hake ho mou mata, o mamata kiate kinautolu kuo ha‘u mei he tokelau: koefe ae faga sibi nae tuku kiate koe, ko hoo faga sibi matamata lelei?

21 Koeha te ke lea aki oka tautea eia akoe? He kuo ke akonaki‘i akinautolu ke nau eiki, mo bule kiate koe: ikai te ke moua i he gaahi mamahi, o hage koe laga ae fefine?

22 Bea kabau te ke behe i ho loto, Koeha kuo hoko ai ae gaahi mea ni kiate au? Koe mea i hono lahi o hoo hia, koia kuo fakatelefua‘i koe, kuo fakatelefua a ho mui va‘e.

23 E faa liliu e he Itiobea hono kili, be koe lebate hono bulebule? bea te mou toki faa fai lelei foki, akimoutolu oku maheniai i he fai kovi.

24 Koia teu fakamovetevete ai akimoutolu o hage koe mohuku oku ave e he matagi ki he toafa.

25 Ko ho inaji eni, ko ho vahe kuo fuofua meiate au, oku behe e Jihova; koeuhi kuo ke fakagalogalo‘i au, mo ke falala ki he loi.

26 Koia teu fakatelefua‘i koe, ke ha mai ai hoo ma.

27 Kuou mamata ki hoo tonotagata, mo hoo holi, mo hono lahi o hoo feauaki, mo hoo fai fakalielia i he gaahi mouga moe goue. E malaia koe, E Jelusalema! oku ikai te ke fie maa? E hoko fakakū ia?