¶ 1 KOE folofola a Jihova, nae hoko kia Jelemaia aia oku kau ki he hoge.

2 Oku mamahi a Juta, bea oku vaivai hono gaahi mataba; oku nau ai ae tauagaa koeuhi koe fonua; bea kuo alu hake ae tagi o Jelusalema.

3 Nae fekau e he houeiki e nau fānau iki ki he vai: kuo nau hoko ki he gaahi luo, ka oku ikai ilo ai ha vai; kuo nau liliu moe nau geeji ibu; naa nau ma aubito mo bubutuu, bea fakabulou ho nau ulu.

4 Koeuhi nae mafaafaa ae kelekele, he nae ikai ha uha ki he fonua, bea ma ae kau tagata keli, o nau fakabulou ho nau ulu.

5 Io, nae faele‘i ae manu, bea liaki hono uhiki i he goue, koeuhi nae ikai ha mohuku.

6 Bea nae tuu ae faga asi hehegi i he gaahi botu maoluga, o folo hifo ae matagi o hage koe faga talakone; nae vaivai ho nau mata, koeuhi nae ikai ha mohuku.

¶ 7 E Jihova, ne ogo kuo talatalaaki‘i akimautolu e mau agahala, ke ke gaue koe koeuhi ko ho huafa: he kuo lahi e mau fakaholomui; kuo mau fai kovi kiate koe.

8 Akoe koe falalaaga o Isileli, ko hono Fakamoui i he aho oe mamahi, koeha te ke tatau ai moe muli i he fonua, bea hage koe tagata fonoga oku afe atu ke nofo i he bo be taha?

9 Koeha oku ke hage ai koe tagata oku mohe mau, o hage koe tagata malohi oku ikai faa fakamoui? Ka ko koe, E Jihova, oku ke iate kimautolu, bea oku ui akimautolu i ho huafa; oua naa ke liaki akimautolu.

¶ 10 Oku behe e Jihova ki he kakai ni, Oku behe e nau fie alu fano be, nae ikai te nau taofi ho nau va‘e, koia oku ikai ma‘u akinautolu e Jihova; te ne manatu eni ki he e nau hia, bea aahi ki he e nau gaahi agahala.

11 Bea nae behe e Jihova kiate au, Oua naa hufia ae kakai ni ke nau lelei.

12 E ikai teu fanogo ki he e nau tagi i he e nau aukai; bea oka nau ka fai ae feilaulau tutu, be ha feilaulau uite, e ikai teu ma‘u akinautolu; ka teu fakaauha aki akinautolu ae heleta, bea moe hoge, bea moe mahaki fakaauha.

¶ 13 Bea naaku toki behe e au. Oiaue! E Eiki Jihova! Vakai, oku behe e he kau balofita kiate kinautolu, E ikai te mou mamata ki he heleta, be ki he hoge; ka teu foaki kiate kimoutolu ae fiemalie mooni i he botu ni.

14 Bea nae behe e Jihova kiate au, Oku kikite loi i hoku huafa ae kau balofita: nae ikai teu fekau akinautolu, be tala kiate kinautolu, bea nae ikai teu lea kiate kinautolu: kuo nau lea aki ae miji loi moe kikite kākā, moe mea vaiga, bea moe kākā o ho nau loto.

15 Koia oku behe ai e Jihova ki he kau balofita oku kikite i hoku huafa, bea nae ikai teu fekau akinautolu, ka oku nau behe, E ikai hoko ae heleta moe hoge ki he fonua ni; e fakaauha ae kau balofita koia i he heleta bea moe hoge.

16 Bea e li ki he gaahi hala o Jelusalema ae kakai oku nau kikite ki ai, koeuhi koe hoge bea moe heleta; bea e ikai ha taha ke tanu akinautolu, ko kinautolu mo ho nau gaahi unoho, mo ho nau gaahi foha, bea mo ho nau gaahi ofefine: he teu liligi kiate kinautolu e nau agahala.

¶ 17 Koia ke ke fakaha ae lea ni kiate kinautolu: Ke tafe hifo i he aho moe bo ae loimata mei hoku mata, bea oua naa tuku ia: koeuhi kuo maumau‘i ae ofefine tāuboou o hoku kakai aki ae maumau‘i lahi, bea moe ta mamahi aubito.

18 Kabau teu alu atu ki he goue, oku ou mamata kiate kinautolu nae tamate‘i aki ae heleta! bea kabau teu hu ki he kolo, oku ou mamata kiate kinautolu oku mate i he hoge! ka oku alu fano be i he fonua ae balofita moe taulaeiki, ke fai fakatau, o ikai  te nau tokaga.

19 Kuo ke liaki aubito a Juta? kuo fākalilia ho laumalie ki Saione? Koeha kuo ke ta‘i ai akimautolu, bea oku ikai ha fakamoui? naa mau amanaki ki he fiemalie, ka oku ikai ha lelei; ki he aho fakamoui, kae vakai koe mamahi be.

20 E Jihova, oku mau vete e mau agahala, bea moe hia ae mau gaahi tamai: he kuo mau fai agahala kiate koe.

21 Oua naa ke fākalilia kiate kimautolu, koeuhi ko ho huafa, oua naa fakaogoogokovi‘i ae afioaga o ho nāunāu: ke ke manatu‘i, bea oua naa fakataeaoga hoo fuakava mo kimautolu.

22 Oku ai ha taha i he gaahi vaiga oe hiteni te ne faa fakato ha uha? be faa foaki hifo e he gaahi lagi ae uha? ikai ko koe ia, E Jihova ko ho mau Otua? koia te mau amanaki lelei kiate koe: he kuo ke gaohi ae gaahi mea ni kotoabe.