¶ 1 BEA nae toki behe e Jihova kiate au, Kabau e tuu i hoku ao a Mosese mo Samuela, e ikai teu tokaga ki he kakai ni: kabuji akinautolu i hoku ao, bea tuku ke nau alu atu.

2 Bea e hoko o behe, o kabau te nau lea kiate koe, Te mau alu ki fe? bea te ke tala kiate kinautolu, Oku behe e Jihova; Ko kinautolu, kuo tuutuuni ki he mate, te nau mate; bea ko kinautolu oku tuutuuni ki he heleta, te nau i he heleta; bea ko kinautolu oku tuutuuni ki he hoge, te nau i he hoge; bea ko kinautolu kuo tuutuuni ki he fakabobula, te nau alu ki he fakabobula.

3 Oku behe e Jihova, Teu tuutuuni kiate kinautolu ae faahiga mea e fa: koe heleta ke tamate‘i, koe faga kuli ke haehae, koe manu oe atā, bea moe gaahi manu oe fonua, ke folo hifo bea fakaauha.

4 Bea teu tukuage akinautolu ke ave ki he gaahi buleaga kotoabe o mamani, koeuhi ko Manase koe foha o Hesekaia koe tu‘i o Juta, bea koeuhi koe mea naa ne fai i Jelusalema.

5 He kohai e ofa kiate koe, E Jelusalema? be kohai e mamahi mo koe? be kohai e afe atu ke fehui be oku ke fefe?

6 Oku behe e Jihova, kuo ke fakaholomui meiate au; koia teu mafao atu hoku nima kiate koe, mo fakaauha koe; kuou fiu i he kataki.

7 Bea teu tabili aki akinautolu ae tabili i he gaahi mataba oe fonua; teu too e nau fānau, teu fakaauha a hoku kakai, koe mea i he e nau tae tafoki mei ho nau gaahi hala.

8 Kuo fakatoko lahi i hoku ao ho nau kau fefine oku mate ho nau unoho o lahi hake i he oneone oe gaahi tahi: kuou omi ki he e nau fa‘e ha toko taha oku fakaauha i he hoata: kuou bule kiate ia ke fai ia fakafokifabe, koe gaahi fakailifia ki he kolo.

9 Bea kuo vaivai ia aia kuo faele‘i ae toko fitu: kuo ne tuku hake hono laumalie; kuo to hifo hono laa i he kei aho: kuo ma ia mo bubutuu: bea ko kinautolu oku toe teu tukuage ki he heleta i he ao o ho nau gaahi fili, oku behe e Jihova.

¶ 10 A eku fa‘e, oku ou malaia, koeuhi kuo ke faele‘i au koe tagata faa fekeikei bea koe tagata fakakikihi mo mamani kotoabe! bea oku heeki ai teu no ha mea ki he totogi, bea nae ikai no kiate au e ha tagata ki he totogi; ka oku nau taki taha kabe‘i au.

11 Bea nae behe e Jihova, Koe mooni e lelei hoo hako; teu bule ki he fili ke ne fai lelei kiate koe i he aho oe kovi moe mamahi.

12 E feji‘i e he ukamea ae ukamea mei he tokelau, bea moe sitili?

13 Bea teu foaki hoo mea mo hoo koloa ke vetea tae ha totogi, koe mea i hoo gaahi agahala, i he gataaga kotoabe oe fonua.

14 Bea teu bule ke ke alu mo ho gaahi fili ki he fonua aia oku ikai te ke iloa; he kuo tutu ae afi i hoku houhau, aia e vela ai akimoutolu.

¶ 15 E Jihova oku ke afio‘i: manatu‘i au, bea aahi kiate au, bea totogi kiate kinautolu kuo fakataga‘i au; oua naa ke ave au koeuhi ko hoo kataki ofa: ke ke afio kuou kataki ae manuki koeuhi ko koe.

16 Bea nae iloa hoo gaahi lea, bea ko eku mea kai ia; bea ko hoo folofola koe fiemalie bea moe fakafiefia ki hoku loto: he kuo ui au i ho huafa, E Jihova koe Otua oe gaahi kau tau.

17 Nae ikai teu nofo i he fakataha ae kau manuki, bea nae ikai teu fiefia: ka naaku nofo toko taha be koeuhi ko ho nima: he kuo ke fakabito aki au ae tubutamaki.

18 Koeha oku behe ai be eku mamahi, mo hoku lavea tae faa fakamoui, aia oku ikai fie moui? te ke iate au o hage koe mea loi, bea o hage koe vai kuo fakaaau ke maha?

¶ 19 Koia oku behe e Jihova, kabau te ke tafoki, teu toe omi koe, bea te ke tuu i hoku ao: bea kabau te ke vahe‘i ae lelei mei he kovi, te ke hoko o hage ko hoku fofoga; tuku ke tafoki akinautolu kiate koe; kae oua naa ke tafoki koe kiate kinautolu.

20 Bea oku behe e Jihova, teu gaohi koe ki he kakai ni ke ke hage koe a balasa: bea te nau tau‘i koe, ka e ikai te nau lava‘i koe: he oku ou iate koe ke fakamoui koe, bea ke fakahaofi koe.

21 Bea teu fakahaofi koe mei he nima oe agahala, bea teu huhui koe mei he nima oe malohi.