¶ 1 OKU behe e Jihova, I he kuoga koia, teu hoko koe Otua ki he gaahi faahiga kotoabe o Isileli, bea ko hoku kakai akinautolu.

2 Oku behe e Jihova, Koe kakai nae hao i he heleta nae ilo ae ofa i he toafa; io ko Isileli, naaku fai ke autaki ia ki he mālōlō.

3 Talu mei mua kuo ha mai kiate au a Jihova, o behe, Koe mooni, kuou ofa aki kiate koe ae ofa taegata: koia kuou toho aki koe ae ofa ogogofua.

4 Bea teu toe laga koe, bea e laga hake koe, E taahine o Isileli: e toe teuteu aki koe ho gaahi mea faiva, bea te ke alu koe ke mee mo kinautolu oku fiefia.

5 Te ke toe to ae gaahi vaine i he gaahi mouga o Samelia: e to ia e he kau goue, bea e kai ia o hage koe gaahi mea gofua.

6 Bea e hokojia ae aho, e kalaga ai ae kau tagata leo i he mouga ko Ifalemi, Mou tuu hake, bea ke tau alu hake ki Saione, kia Jihova ko ho tau Otua.

7 He oku behe e Jihova; Mou hiva aki ae fiefia kia Jekobe, bea kalaga i he lotolotoga oe gaahi kakai lahi: mou fakaha, mou fakafetai, o behe, E Jihova, fakamoui a hoo kakai, ae toega  kakai o Isileli.

8 Vakai, teu omi akinautolu mei he fonua i he tokelau, bea tanaki akinautolu mei he gaahi gataaga o mamani, ko kinautolu moe kui bea moe bibiki, moe fefine feitama, bea mo ia oku laga: e liliu mai ki heni ae fuu toko lahi.

9 Te nau ha‘u moe tagi, bea i he lotu tāumau teu tataki akinautolu: teu fakaeveeva akinautolu i he gaahi vee vaitafe i he hala toka lelei, aia e ikai te nau tūkia ai: he koe tamai au ki Isileli, bea ko eku uluaki fanau a Ifalemi.

¶ 10 Fanogo ki he folofola a Jihova, akimoutolu ae gaahi buleaga, bea fakaha ia i he gaahi motu mamao, o behe, Koia nae fakamovetevete a Isileli te ne toe tanaki ia, bea leohi ia, o hage koe tauhi ki he ene faga manu.

11 He kuo huhui e Jihova a Jekobe, bea huhui ia mei he nima oia nae malohi kiate ia.

12 Koia te nau ha‘u o hiva i he gaahi botu maoluga o Saione, bea te nau fakataha ki he agalelei a Jihova, ki he uite, moe uaine, moe lolo, moe uhiki oe faga sibi, bea moe manu: bea e tatau ho nau laumalie moe goue kuo fakaviviku; bea e ikai aubito te nau toe mamahi.

13 Bea e toki fiefia ae taahine i he mee, koe talavou moe motua fakataha: he teu liliu e nau mamahi koe fiefia, bea teu fakafiemalie‘i akinautolu bea fakafiefia‘i akinautolu i he hili e nau mamahi.

14 Bea teu fakamakona aki ae gako ae laumalie oe kau taulaeiki, bea e makona a hoku kakai i he eku agalelei, oku behe e Jihova.

¶ 15 Oku behe e Jihova; Nae ogo‘i i Lama ae le‘o koe tagi, moe tagilāulāu; koe tagi a Lejieli i he ene fānau bea e ikai te ne tali ae fiemalie koeuhi ko ene fānau, he kuo ikai akinautolu.

16 Oku behe e Jihova; taofi ho le‘o mei he tagi, bea mo ho mata mei he loimata: he oku behe e Jihova, e totogi hoo gaue; bea te nau toe ha‘u mei he fonua oe fili.

17 Oku behe e Jihova, Oku ai ae amanaki i ho ikuaga, koeuhi e toe omi a hoo fānau ki ho nau fonua.

¶ 18 Koe mooni kuou fanogo kia Ifalemi oku ne fakamamahi eia ia, o behe; Kuo ke valoki mai bea kuo valoki‘i au o hage koe bulu oku tae maheniai moe haamoga: fakatafoki au bea teu tafoki; he ko koe ko Jihova ko hoku Otua.

19 Bea hili eku tafoki naaku fakatomala mooni; beau ta‘i hoku tega i he hili hoku akonaki‘i: naaku ma, io mo bubutuu, koeuhi kuou fua ae ogoogo kovi o eku kei jii.

20 Ikai ko hoku foha ofeina a Ifalemi? Ikai koe tamajii fakaofoofa ia? he kuo talu eku lea kiate ia, oku ou kei manatu lahi kiate ia: koia oku mamahi boku fatu koeuhi ko ia; koe mooni teu ofa kiate ia, oku behe mai a Jihova.

21 Ke ke fokotuu ae gaahi fakailoga oe hala, fokotuu ae gaahi fakailoga maoluga: fakahaga ho loto ki he hala lahi, ke ke liliu mai i he hala naa ke alu ai, E taahine o Isileli, ke ke liliu mai ki hoo gaahi kolo ni.

¶ 22 E ofefine fakaholomui, e fefe hono fuoloa a hoo alu fano? He kuo fakatubu e Jihova ha mea foou i he fonua, e auna e he fefine ae tagata malohi.

23 Oku behe e Jihova oe gaahi kau tau, koe Otua o Isileli; Te nau lea aki ae lea ni i he fonua o Juta bea i hono gaahi kolo, o kau ka fakatafoki e nau bobula; Ke tabuaki‘i koe e Jihova, akoe koe nofoaga oe agatonu, bea koe mouga oe maonioni.

24 Bea e nofo i Juta mo hono gaahi kolo kotoabe, ae kau tagata tauhi, mo kinautolu oku alu atu moe nau faga manu.

25 He kuou fakainu ae laumalie oku vaivai, bea kuou fakamakona ae laumalie kotoabe oku mamahi.

26 Bea naaku a i he mea ni, be au vakai bea nae lelei kiate au eku mohe.

¶ 27 Oku behe e Jihova, Vakai, oku ha‘u ae gaahi aho, aia teu tūtū‘i ai ae hako oe tagata moe hako oe manu ki he fale o Isileli bea moe fale o Juta.

28 Bea e hoko o behe, o hage naaku leohi akinautolu, ke taaki fuu hake, mo feji‘i hifo, bea li ki lalo, mo fakaauha, mo fakamamahi; e behe eku leohi akinautolu, ke laga, mo to, oku behe e Jihova.

29 Bea e ikai te nau toe lea behe i he aho koia, kuo kai e he gaahi tamai ae kalebi mahi, bea kuo maninia ae nifo oe fānau.

30 Ka e mate ae tagata taki taha i he ene hia aana: e maninia ae nifo oe tagata taki taha oku kai ki he kalebi mahi.

¶ 31 Oku behe e Jihova, Vakai, e hoko mai ae gaahi aho, teu fai ai ae fuakava foou moe fale o Isileli, bea moe fale o Juta:

32 O ikai tatau moe fuakava aia neu fai moe nau gaahi tamai, i he aho koia naaku buke ai ho nau nima ke tataki akinautolu mei he fonua ko Ijibite; aia koe fuakava aaku naa nau maumau‘i; ka oku behe e Jihova, neu hage koe unoho kiate kinautolu.

33 He ko eni ae fuakava aia teu fai moe fale o Isileli; oka hiliage ae gaahi aho koia, oku behe e Jihova, Teu ai eku fono ki ho nau loto, bea teu tohi ia i ho nau laumalie; bea teu hoko ko ho nau Otua, bea e hoko akinautolu ko hoku kakai.

34 Bea e ikai te nau taki taha ako ki hono kaugaabi, mo taki taha ki hono kaiga, o behe Ke ilo a Jihova: he te nau ilo kotoabe au, mei he iki o a‘u ki he lalahi iate kinautolu, Oku behe e Jihova: he teu fakamolemole e nau hia, bea e ikai teu toe manatu ki he e nau agahala.

¶ 35 Oku behe e Jihova, aia oku ne foaki ae laa koe māma ki he aho, bea kuo tuutuuni ae mahina moe gaahi fetuu koe māma ki he bo, aia oku ne vahevahe ae tahi i he uulu a hono gaahi beau; ko Jihova oe gaahi kau tau ko hono huafa.

36 Oku behe e Jihova, Kabau e mole i hoku ao ae gaahi tuutuuni ni, bea e toki fakagata ae buleaga oe hako o Isileli i hoku ao o taegata.

37 Oku behe e Jihova; Kabau oku faa fuofua ae lagi i oluga, bea faa hakule ae gaahi tuuga i lalo o mamani, teu toki liaki foki ae hako kotoabe o Isileli, koeuhi koe mea kotoabe aia kuo nau fai, oku behe e Jihova.

¶ 38 Oku behe e Jihova, Vakai, oku ha‘u ae gaahi aho, aia e laga ai ae kolo kia Jihova mei he botu fale leo o Hananili ki he mataba oe tuliki.

39 Bea e falo totonu ae mea fuofua iate ia, ki he mouga ko Kalebi, bea e takai aki ki Koate.

40 Bea e maonioni kia Jihova ae telea oe gaahi agaaga, bea moe efu, bea moe gaahi goue kotoabe o a‘u ki he vaitafe ko Kitiloni, o a‘u ki he tuliki oe mataba hose oku haga ki he tokelau, bea e ikai toe taaki ia, be toe li ki lalo o taegata.