¶ 1 KOE folofola nae hoko mei a Jihova kia Jelemaia i he gaahi aho o Jihoiakimi koe foha o Josaia koe tu‘i o Juta, o behe,

2 Alu ki he fale oe fānau a Lekabi, bea lea kiate kinautolu, bea omi akinautolu ki he fale o Jihova, ki he botu e taha i oluga, bea foaki kiate kinautolu ae uaine ke nau inu.

3 Bea naaku toki ave a Jeasania koe foha o Jelemaia, koe foha o Habasinia, mo hono kaiga bea mo hono gaahi foha kotoabe, bea moe fale kotoabe oe fānau a Lekabi;

4 Bea neu omi akinautolu ki he fale o Jihova, ki he botu fale oe gaahi foha o Hanani, koe foha o Ikitalia, koe tagata oe Otua, aia oku hoko moe gaahi botu fale oe houeiki, aia nae i oluga i he botu o Maaseia koe foha o Salumi, koe tauhi oe mataba.

5 Beau tuku i he ao oe gaahi foha oe fale oe kau Lekabi ae gaahi ibu kuo bito i he uaine, bea moe gaahi ibu, bea naaku behe kiate kinautolu, Mou inu uaine.

6 Ka naa nau behe mai, E ikai te mau inu uaine: he kuo fekau kiate kimautolu e Jonatabi koe foha o Lekabi koe mau tamai, o behe, Oua naa mou inu uaine, akimoutolu, be ko ho mou gaahi foha o taegata.

7 Bea oua naa mou laga fale, be tūtū‘i ae tega, be to ha goue vaine, be ma‘u ia: ka te mou nofo i he gaahi fale fehikitaki i he gaahi aho kotoabe o hoo mou moui; koeuhi ke mou nofo i he aho lahi i he fonua oku mou aunofo ai.

8 Koia oku behe e mau talagofua ki he le‘o o Jonatabi koe foha o Lekabi koe mau tamai i he mea kotoabe naa ne fekau ai akimautolu, ke oua naa inu uaine i he aho kotoabe oe mau moui, akimautolu, be ko ho mau gaahi unoho, be ko ho mau gaahi foha, be ko ho mau gaahi ofefine;

9 Bea ke oua naa mau laga ae gaahi fale ke nofo ai: bea oua naa mau ma‘u ae gaahi goue vaine, be ha goue, be ha tega ke to:

10 Ka kuo mau nofo i he gaahi fale fehikitaki, bea talagofua, bea fai ki he gaahi mea kotoabe kuo fekau kiate kimautolu e Jonatabi koe mau tamai.

11 Ka nae hoko ia o behe, i he ha‘u a Nebukanesa koe tu‘i o Babilone ki he fonua, naa mau behe, Ha‘u ke tau o ki Jelusalema koeuhi koe manavahe ki he kau tau oe kau Kalitia, bea koe manavahe ki he kau tau oe kakai Silia: bea koia oku mau nofo ai ni i Jelusalema.

¶ 12 Bea nae toki hoko ae folofola a Jihova kia Jelemaia, o behe,

13 Oku behe e Jihova oe gaahi kau tau, koe Otua o Isileli; Alu o tala ki he kau tagata o Juta moe kakai o Jelusalema, E ikai te mou ma‘u ae akonaki ke fanogo ki he eku gaahi lea? Oku behe mai a Jihova.

14 Koe gaahi lea a Jonatabi koe foha o Lekabi, aia naa ne fekau ki hono gaahi foha ke oua naa nau inu uaine, kuo fakamooni: oku heeki te nau inu o a‘u ki he aho ni, ka oku nau talagofua ki he fekau ae nau tamai: ka kuou folofola kiate kimoutolu, o tuu hegihegi hake be o lea; ka nae ikai te mou tokaga kiate au.

15 Bea kuou fekau foki kiate kimoutolu, a eku kau tamaioeiki koe kau balofita kotoabe o tuu hegihegi hake be o fekau‘i akinautolu, o behe, Mou tafoki ae tagata taki taha mei hono hala kovi, bea fakalelei hoo mou gaahi faiaga, bea oua naa mou muimui ki he gaahi otua kehe ke tauhi akinautolu, bea te mou nofo i he fonua aia kuou foaki kiate kimoutolu bea mo hoo mou gaahi tamai; ka nae ikai te mou fakafanogo ho mou teliga, be tokaga kiate au,

16 Koeuhi kuo fai e he gaahi foha o Jonatabi koe foha o Lekabi ae fekau ae nau tamai, aia naa ne fekau kiate kinautolu; ka oku ikai fanogo ae kakai ni kiate au:

17 Koia oku behe e Jihova koe Otua oe gaahi kau tau, koe Otua o Isileli; Vakai, teu omi ki Juta moe kakai kotoabe o Jelusalema ae kovi kotoabe kuou lea aki kiate kinautolu: koeuhi naaku lea kiate kinautolu, ka nae ikai te nau fanogo; bea kuou ui kiate kinautolu, ka nae ikai te nau tali.

¶ 18 Bea nae behe e Jelemaia ki he fale oe kau Lekabi, Oku behe e Jihova oe gaahi kau tau, koe Otua o Isileli; Koeuhi kuo mou talagofua ki he fekau a Jonatabi ko hoo mou tamai, bea tauhi ki he ene tala kotoabe, bea fai o hage ko ene fekau kotoabe kiate kimoutolu:

19 Koia oku behe e Jihova oe gaahi kau tau, koe Otua o Isileli; E ikai majiva a Jonatabi koe foha o Lekabi  i ha tagata ke tuu i hoku ao, o taegata.