¶ 1 OKU nau behe, Kabau e tukuage e ha tagata a hono unoho, bea te ne alu iate ia, bea unoho moe tagata kehe, te ne toe ha‘u kiate ia? ikai oku uli lahi ai ae fonua koia? ka kuo ke fai agahala moe mamana toko lahi: ka oku kei behe, e Jihova, Tafoki mai kiate au.

2 Haga hake ho mata ki he gaahi botu maoluga, bea vakai ha botu nae ikai te ke agahala ai. Kuo ke tatali kiate kinautolu i he gaahi hala, o hage koe Alebea i he toafa; kuo ke fakauli‘i ae fonua i hoo agahala, mo hoo fai kovi.

3 Koia kuo taofi ai ae uha tuu mo to, bea nae ikai ai ae uha mui; kuo ke ma‘u ae foi la‘e oe fefine agahala, bea koia oku ikai te ke ma ai.

4 E ikai te ke tagi behe mai kiate au o fai mei he aho ni, Ko eku tamai koe, ko hoku fakahinohino i he eku jii?

5 Bea e mau a hono houhau o taegata? te ne kuku mau ia o a‘u ki he gataaga? vakai, kuo ke lea mo fai ae gaahi mea kovi o hage ko hoo faa fai.

¶ 6 Bea nae behe foki e Jihova kiate au i he gaahi aho o Josaia koe tu‘i, Kuo ke mamata aia kuo fai e Isileli fakaholomui? kuo ne alu hake ki he gaahi mouga maoluga kotoabe, bea fai agahala, i he lolo akau mata kotoabe.

7 Bea hili ene fai ae gaahi mea ni kotoabe, naaku behe, Ke ke tafoki kiate au. Ka nae ikai te ne tafoki. Bea nae mamata ki ai a hono tokoua kākā ko Juta.

8 Be neu mamata, i he eku tukuage a Isileli fakaholomui beau atu kiate ia ae tohi fakamavae, koe mea i he ene gaahi fai hala, ka nae ikai ke manavahe ai a hono tokoua kākā ko Juta, ka naa ne toe alu mo ia o fai agahala foki.

9 Bea koe mea i he ogoogo o ene feauaki nae uli‘i ai ae fonua, o ne fai agahala moe gaahi maka, bea moe gaahi akau.

10 Ka oku behe e Jihova, Nae ikai aubito tafoki kiate au aki hono loto kotoa a hono tokoua kākā ko Juta, ka naa ne kākā ai be.

11 Bea nae behe e Jihova kiate au, Ko Isileli fakaholomui kuo ne fakatonuhia eia ia o lahi hake ia Juta kākā.

¶ 12 Alu o fakaha ae gaahi lea ni ki he botu tokelau, o behe, oku behe e Jihova, Tafoki mai, akoe ko Isileli fakaholomui; bea teu fakaafe eku houhau meiate kimoutolu: he, oku behe e Jihova, Oku ou aloofa, bea e ikai teu fakatologa taegata hoku houhau.

13 Ke vete be hoo hia, aia kuo ke fai kia Jihova ko ho Otua, bea moe fakauli a hoo ulugaaga moe kau muli i he lolo akau mata kotoabe, bea oku behe e Jihova, nae ikai te mou talagofua ki hoku le‘o.

14 Oku behe e Jihova, E fānau fakaholomui tafoki mai; he kuou fakamau mo kimoutolu: bea teu too akimoutolu koe taki toko taha i ha kolo, bea moe toko ua i ha faahiga, bea teu omi akimoutolu ki Saione.

15 Bea teu foaki kiate kimoutolu ae kau tauhi o hage ko hoku loto, bea te nau fafaga aki akimoutolu ae boto moe ilo.

16 Bea e hoko i he gaahi aho koia, oka mou ka tubu o toko lahi i he fonua, oku behe e Jihova, E ikai te nau toe behe, Koe buha oe fuakava o Jihova; bea e ikai hoko ia ki ho nau loto: bea e ikai te nau manatu ki ai; be aahi ki ai; bea e ikai toe gaohi ia.

17 Bea i he gaahi aho koia te nau ui a Jelusalema koe afioaga o Jihova; bea e fakataha ae kakai kotoabe ki ai, ki Jelusalema, ki he huafa o Jihova: bea e ikai te nau toe muimui ki he fakakaukau kovi a ho nau loto.

18 E ha‘u ae fale o Juta i he gaahi aho koia o aeva moe fale o Isileli, bea te na omi fakataha mei he fonua i ho tokelau ki he fonua aia kuou foaki koe tofia ki hoo mou gaahi tamai.

19 Bea naaku behe, E fefe eku fakataha koe moe fonua, bea foaki kiate koe ae fonua lelei, moe tofia lelei oe kakai toko lahi? bea naaku behe, Ke ke ui au, Ko hoo tamai; bea e ikai te ke tafoki meiate au.

¶ 20 Oku behe e Jihova, E fale o Isileli, koe mooni kuo mou fai kākā kiate au, o hage koe fefine kākā kuo liaki hono unoho.

21 Nae ogo‘i ae le‘o i he gaahi botu maoluga, koe tagi moe tagilāulāu ae fānau a Isileli: he kuo nau fakakovi‘i ho nau hala, bea kuo nau fakagalogalo‘i a Jihova ko ho nau Otua.

22 Ae fānau fakaholomui, mou tafoki, bea teu fakamoui hoo mou fakaholomui. Vakai, oku mau ha‘u kiate koe; he ko koe ko Jihova ko ho mau Otua.

23 Koe mooni oku taeaoga  ke amanaki ae fakamoui mei he gaahi botu maoluga, bea mei he gaahi mouga: koe mooni oku ia Jihova ko ho tau Otua ae fakamoui o Isileli.

24 He kuo fakaauha i he tamabua fakama ae gaue ae tau gaahi tamai talu e mau tubu; koe nau faga sibi moe faga manu, ko ho nau gaahi foha, bea moe ofefine.

25 Oku tau tokoto i he ma, bea oku ufiufi akitautolu e he fakama: koeuhi kuo tau fai kovi kia Jihova ko ho tau Otua, ko kitautolu moe tau gaahi tamai, talu e tau kei jii o a‘u ki he aho ni, bea nae ikai te tau talagofua ki he le‘o Jihova ko ho tau Otua.