¶ 1 KOE lea aia nae hoko kia Jelemaia ki he kau Jiu kotoabe oku nofo i he fonua ko Ijibite, bea i Mikitoli, mo Tabanesi, mo Nofe, bea moe gaahi botu o Batalosi, o behe,

2 Oku behe e Jihova oe gaahi kau tau, koe Otua o Isileli; Kuo mou mamata ki he kovi kotoabe kuou omi ki Jelusalema, bea moe gaahi kolo o Juta; bea, vakai, kuo nau lala i he aho ni, bea oku ikai nofo ai ha tagata,

3 Koeuhi koe nau agahala aia naa nau fai ke fakatubu ai eku tubutamaki, koe mea i he e nau tutu ae mea namu kakala, bea tauhi ki he gaahi otua kehe, aia nae ikai te nau ilo, ekinautolu, be ko kimoutolu, be ko hoo mou gaahi tamai.

4 Koia naaku fekau ai kiate kimoutolu, eku kau tamaioeiki koe kau balofita, o tuu hegihegi hake be o fekau‘i akinautolu, o behe, Oiaue, oua naa fai ae mea fakalielia ni aia oku ou fehia ki ai.

5 Ka nae ikai te nau tokaga, be fakafanogo ho nau teliga ke tafoki mei he e nau agahala, ke oua naa tutu ae mea namu kakala ki he gaahi otua kehe.

6 Koia nae liligi atu ai hoku houhau mo eku tubutamaki, bea nae tutu ia i he gaahi kolo o Juta moe gaahi hala o Jelusalema; bea kuo lala mo liaki ia, o hage koe aho ni.

7 Koia oku behe e Jihova, koe Otua oe gaahi kau tau, koe Otua o Isileli; Koeha oku mou fai ai ae kovi lahi ni ki ho mou laumalie, ke tuuji ai meiate kimoutolu ae tagata moe fefine, ae tamajii moe kei huhu, i Juta, ke oua naa toe ha taha iate kimoutolu;

8 Koe mea i hoo mou fakahouhau aki au ae gaahi gaue a ho mou nima, i he tutu ae mea namu kakala ki he gaahi otua kehe i he fonua ko Ijibite, aia naa mou alu ke nofo ki ai, koeuhi ke mou kabuji akimoutolu, bea te mou hoko koe fakamalaia moe ogoogokovi ki he gaahi buleaga kotoabe o mamani?

9 Kuo galo iate kimoutolu ae gaahi agahala a hoo mou gaahi tamai, moe agahala ae gaahi tu‘i o Juta, moe agahala a ho nau gaahi unoho, mo hoo mou agahala amoutolu, moe agahala a ho mou unoho, aia kuo nau fai i he fonua o Juta, bea i he gaahi hala o Jelusalema?

10 Bea oku ikai fakavaivai‘i akinautolu o a‘u ki he aho ni, bea oku ikai te nau manavahe, be eveeva i he eku fono, mo eku gaahi tuutuuni, aia kuou tuku i ho nau ao, bea moe ao oe nau gaahi tamai.

¶ 11 Koia oku behe e Jihova oe gaahi kau tau, koe Otua o Isileli; Vakai, teu fakahagatonu atu hoku fofoga kiate kimoutolu ki he kovi, bea ke motuhi a Juta kotoabe.

12 Bea teu ave ae toega o Juta, ko kinautolu kuo fakahagatonu atu ho nau mata ke alu ki he fonua ko Ijibite ke aunofo ai, bea te nau to i he fonua ko Ijibite bea e auha kotoabe; io, e fakaauha akinautolu aki ae heleta bea moe hoge: te nau mate i he heleta moe hoge, o fai mei he iki o a‘u ki he lalahi: bea te nau hoko koe fehianekina, moe fakaofo, moe fakamalaia, bea moe ogoogokovi.

13 He teu tautea akinautolu oku nofo i he fonua ko Ijibite, o hage ko eku tautea a Jelusalema, aki ae heleta, moe hoge, bea moe mahaki fakaauha:

14 Koeuhi ke oua naa hao be toe ha taha i he toega o Juta, aia kuo alu ki he fonua ko Ijibite ke aunofo ai, be te ne toe foki ki he fonua ko Juta, aia oku nau fie foki ke nofo ai: ka koe toko jii be e hola te nau foki mai.

¶ 15 Bea koe kau tagata kotoabe kuo ilo kuo tutu e ho nau gaahi unoho ae mea namu kakala ki he gaahi otua kehe, bea moe kau fefine kotoabe nae tutuu ai, koe toko lahi, io, koe kakai kotoabe oku nofo ki he fonua ko Ijibite, i Batalosi, naa nau tali kia Jelemaia, o behe,

16 Koe mea i he lea kuo ke lea aki kiate kimautolu i he huafa o Jihova, e ikai te mau fanogo kiate koe.

17 Ka te mau fai mooni ki he mea kotoabe kuo alu atu i ho mau gutu, ke tutu ae mea namu kakala ki he eiki fefine oe lagi, bea liligi e mau feilaulau inu kiate ia, o hage koia naa mau fai, akimautolu moe mau gaahi tamai, mo ho mau gaahi tu‘i, mo ho mau houeiki, i he gaahi kolo o Juta, bea i he gaahi hala o Jelusalema: he naa mau ma‘u ai ae mea kai lahi, bea naa mau lelei, bea ikai mamata ki he kovi.

18 Kae talu e mau tuku e mau tutu mea namu kakala ki he eiki fefine oe lagi, bea moe mau liligi feilaulau inu kiate ia, kuo mau majiva i he gaahi mea kotoabe, bea kuo fakaauha akimautolu aki ae heleta, bea moe hoge.

19 Bea i he e mau tutu ae mea namu kakala ki he eiki fefine oe lagi, bea liligi ae gaahi feilaulau inu kiate ia, naa mau gaohi ae ma maana, bea hu ki ai, mo liligi ae gaahi feilaulau inu kiate ia, tae ha mau kau tagata?

¶ 20 Bea nae toki behe e Jelemaia ki he kakai kotoabe, ki he kau tagata, moe kau fefine, bea moe kakai kotoabe nae tali aki ae lea koia, o behe,

21 Koe mea namu kakala aia kuo mou tutu i he gaahi kolo o Juta, bea i he gaahi hala o Jelusalema, akimoutolu, mo hoo mou gaahi tamai, mo ho mou gaahi tu‘i, bea mo ho mou houeiki, bea moe kakai oe fonua, ikai nae manatu a Jihova ki ai, bea ikai nae hoko ia ki hono finagalo?

22 Koia nae ikai toe faa kataki a Jihova, koeuhi koe kovi a hoo mou gaahi faiaga, bea koeuhi koe gaahi mea fakalielia kuo mou fai; koia kuo lala ai ho mou fonua, bea koe mea fakaofo, bea koe malaia, bea tae hano kakai, o hage koia i he aho ni.

23 Koeuhi kuo mou tutu ae mea namu kakala, bea koeuhi kuo mou agahala kia Jihova, bea ikai talagofua ki he le‘o o Jihova, be eveeva i he ene gaahi fono, be i he ene gaahi tuutuuni, be i he ene gaahi fakamooni; koia kuo hoko ai ae kovi ni kiate kimoutolu, o hage koe aho ni.

24 Nae lea foki a Jelemaia ki he kakai kotoabe, moe kau fefine kotoabe, Fanogo ki he folofola a Jihova, a Juta kotoabe oku i he fonua ko Ijibite:

25 Oku folofola a Jihova oe gaahi kau tau, koe Otua o Isileli, o behe, Kuo lea aki ho mou gutu omoutolu mo ho mou gaahi unoho, bea fakamooni aki ho mou nima, o behe, Te mau fakamooni e mau gaahi fuakava aia kuo mau fuakava aki ke tutu ae mea namu kakala ki he eiki fefine oe lagi, bea te mau liligi e mau gaahi feilaulau inu kiate ia: koe mooni te mou fakahoko a hoo mou gaahi fuakava, koe mooni te mou fakamooni a hoo mou gaahi fuakava.

26 Koia mou fanogo ki he folofola a Jihova, a Juta kotoabe oku nofo i he fonua ko Ijibite; Vakai, Kuou fuakava i hoku huafa lahi, oku behe e Jihova, koeuhi ke oua naa toe takua hoku huafa e he gutu o ha tagata o Juta i he fonua kotoabe o Ijibite, o behe, Oku moui ae Eiki ko Jihova.

27 Vakai, teu leohi aki akinautolu ae kovi, kae ikai ha lelei: bea e fakaauha ae kau tagata kotoabe o Juta oku i he fonua ko Ijibite aki ae heleta, moe hoge, ke oua ke oji akinautolu.

28 Ka koe toko jii be e hao mei he heleta bea liliu mai mei he fonua ko Ijibite ki he fonua ko Juta, bea e ilo e he toega kakai kotoabe o Juta kuo alu ki he fonua ko Ijibite ke aunofo i ai, be koe lea ahai e tuu mau, aaku, be anautolu.

¶ 29 Bea oku behe e Jihova Koe fakailoga eni kiate kimoutolu, teu tautea akimoutolu i he botu ni, koeuhi ke mou ilo oku mooni e tuu mau eku gaahi bea kiate kimoutolu ke mou kovi ai:

30 Oku behe e Jihova; Vakai, Teu tukuage a Felo-hofala koe tu‘i o Ijibite ki he nima o hono gaahi fili, bea ki he nau nima oku kumi ki he ene moui, o hage ko eku tuku a Setikia koe tu‘i o Juta ki he nima o Nebukanesa koe tu‘i o Babilone, ko hono fili, aia nae kumi ki he ene moui.