¶ 1 KOE folofola  eni nae folofola aki e Jihova ki Babilone, bea moe fonua ko Kalitia, ia Jelemaia koe balofita.

2 Fakaha ki he gaahi buleaga, bea fakailo, bea hiki hake ae fuka: fakailo, bea oua naa fakafufu: fakaha kuo kaba a Babilone, kuo fakama‘i a Beli, kuo maumau‘i ke lailai a Melotaki; kuo fakama‘i ene gaahi tamabua, kuo laiki aubito hono gaahi mea fakatātā.

3 He kuo ha‘u kiate ia ae buleaga mei he tokelau, aia te ne fakalala hono fonua, bea e ikai nofo ki ai ha taha: te nau hiki, te nau alu, ae tagata moe manu fakatouoji.

¶ 4 Oku behe e Jihova, i he gaahi aho koia, bea i he kuoga koia, e ha‘u ae fānau a Isileli, ko kinautolu moe fānau a Juta fakataha, te nau alu moe tagi: te nau alu bea kumi kia Jihova ko ho nau Otua.

5 Te nau fehui ki he hala ki Saione, bea fakahaga ho nau mata ki ai, o behe, Ha‘u ke tau fakataha akitautolu kia Jihova i he fuakava taegata aia e ikai fakagalo‘i.

6 Ko hoku kakai koe faga sibi kuo mole: kuo fakahe‘i akinautolu e ho nau kau tauhi, kuo nau fakaafe akinautolu ki he gaahi mouga: kuo nau alu mei he mouga ki he mouga, kuo nau fakagalogalo‘i a ho nau mālōlōaga.

7 Nae maumau‘i akinautolu ekinautolu kotoabe nae ilo‘i akinautolu: bea nae behe e ho nau gaahi fili, Oku ikai te mau fai kovi, koeuhi kuo nau fai agahala kia Jihova, koe nofoaga oe agatonu, io kia Jihova, koe amanaki-leleiaga oe nau gaahi tamai.

8 Mou hiki i Babilone, bea alu i he fonua oe kau Kalitia, bea te mou hage koe faga koji tagata oku muomua i he faga manu.

¶ 9 Vakai, he teu laga bea omi ki Babilone, ae fakataha oe gaahi buleaga lahi mei he fonua tokelau: bea te nau teu tau kiate ia; bea te nau ave ia; koe nau gaahi gahau oku tatau moe gaahi gahau ae tagata tau oku boto; bea e ikai foki tae aoga mai ha taha.

10 Bea e hoko a Kalitia koe babaniaga; bea e fiemalie akinautolu kotoabe oku babani mei ai, oku behe e Jihova.

11 Akimoutolu ae kau fakaauha o hoku tofia, koeuhi kuo mou nekeneka, bea kuo mou fiefia, koeuhi oku mou jino o hage koe manu mui oku kai mohuku, bea tagi o hage koe faga hose malohi;

12 E bubutuu lahi a hoo mou fa‘e; e ma lahi aia nae fanau‘i akimoutolu: vakai, te ke hoko koe kimui i he gaahi buleaga, koe botu lala, koe fonua momoa, bea koe toafa.

13 E ikai fakakakai ia koeuhi koe houhau o Jihova, ka e fakalala aubito ia: e ofo akinautolu kotoabe oku alu i Babilone, bea fakaiseisa koeuhi ko hono gaahi tautea.

14 Mou teu tau ki Babilone o kabui ia: ko kimoutolu kotoabe oku faa teke ae kaufana, fana‘i ia, bea oua naa taofi ae gaahi gahau: koeuhi kuo ne fai agahala kia Jihova.

15 Kalaga akimoutolu oku takatakai ia: kuo ne tuku mai hono nima: kuo higa hono gaahi tuuga, kuo holoki hifo hono gaahi a: koeuhi koe houhau ia o Jihova: mou totogi kiate ia; fai kiate ia, o hage ko ene fai eia.

16 Tuuji ae tagata tūtū‘i mei Babilone, bea mo ia oku ala ki he hele tuuji i he ututa‘u: he koe manavahe ki he heleta oe fakaauha, te nau taki taha afe ai ki hono kakai, bea te nau taki taha hola ki hono fonua.

¶ 17 Koe sibi he a Isileli; kuo fakahe‘i ia e he faga laione: kuo tomua keina ia e he tu‘i o Asilia; bea muimui a Nebukanesa ni koe tu‘i o Babilone kuo ne feji‘i hono gaahi hui.

18 Koia oku behe e Jihova oe gaahi kau tau, koe Otua o Isileli; Vakai, teu tautea ae tu‘i o Babilone bea mo hono fonua, o hage ko eku tautea ae tu‘i o Asilia.

19 Bea teu toe omi a Isileli ki hono nofoaga, bea e fafaga ia i Kameli mo Besani, bea e makona hono laumalie i he mouga ko Ifalemi mo Kiliati.

20 Oku behe e Jihova, I he gaahi aho koia, bea i he kuoga koia e kumi ki ha agahala a Isileli, ka e ikai ilo ia; bea moe agahala a Juta, ka e ikai iloa: he teu fakamolemole akinautolu aia kuou fakatoe.

¶ 21 Alu hake ki he fonua oe kau agatonu, teu tau kiate ia, moe kakai o Bikote: oku behe e Jihova, gaohi ke lala mo fakaauha a ho nau hako, bea fai o hage koe mea kotoabe kuou fekau kiate koe.

22 Oku ai ae logologo tau i he fonua, bea moe fakaauha lahi.

23 Hono ikai tuuji mo maumau‘i ae hamala o mamani kotoabe! Hono ikai hoko a Babilone koe mea fakaofo i he gaahi buleaga!

24 E Babilone kuou ai ae tauhele kiate koe, bea kuo ke moua foki, bea nae ikai te ke ilo: kuo ilo koe, bea kuo ma‘u koe foki, koeuhi kuo ke agatuu kia Jihova.

25 Kuo fakaava e Jihova hono fale mahafu tau, bea kuo omi mei ai ae gaahi mahafu o hono houhau: he koe gaue eni a Jihova koe Otua oe gaahi kau tau i he fonua oe kau Kalitia.

26 Ha‘u kiate ia mei he gaahi botu mamao, fakaava a hono gaahi feleoko: bea laku hake ia ke hage koe gaahi tafugofuga, bea fakaauha ia; oua naa fakatoe ha mea jii kiate ia.

27 Tamate‘i ene faga bulu kotoabe; tuku ke nau alu hifo ki he tamate‘i: e malaia akinautolu! he kuo hokojia ho nau aho, koe kuoga o ho nau aahi.

28 Koe le‘o okinautolu oku hola bea hao mei he fonua o Babilone, ke fakaha i Saione ae houhau o Jihova ko ho tau Otua, koe totogi koeuhi ko hono fale tabu.

29 Ui ke fakataha ae kau tagata fakakaufana ki Babilone: ko kimoutolu kotoabe oku teke ae kaufana, mou nofo takatakai ki ai; ke oua naa hao ha taha mei ai: totogi kiate ia o hage ko ene gaue; fai kiate ia o hage koe mea kotoabe kuo ne fai, koeuhi kuo ne fielahi kia Jihova, ki he Toko Taha Maonioni o Isileli.

30 Koia e to ai a hono kau talavou i he hala, bea e tuuji a hono kau tagata tau i he aho koia, oku behe e Jihova.

31 Oku behe e Jihova koe Otua oe gaahi kau tau, Vakai oku ou fili aki koe, akoe koe fielahi, he kuo hokojia mai ho aho, bea moe kuoga teu aahi ai kiate koe.

32 Bea e tohumu o higa ae fielahi, bea e ikai fokotuu hake ia e ha taha: bea teu tutu ae afi i hono gaahi kolo, bea te ne fakaauha takatakai kotoabe ia.

¶ 33 Oku behe e Jihova oe gaahi kau tau; nae taomia fakataha ae fānau a Isileli bea moe fānau a Juta: bea kuku mau ekinautolu kotoabe nae ave bobula akinautolu; bea nae ikai te nau loto ke tukuage akinautolu.

34 Oku malohi a ho nau Huhui; ko hono huafa ko Jihova oe gaahi kau tau: te ne lagomaki‘i aubito akinautolu, koeuhi ke ne foaki ae fiemalie ki he fonua, bea moe maveuveu ki he kakai o Babilone.

¶ 35 Oku behe e Jihova, E hoko ae heleta ki he kau Kalitia, moe kakai o Babilone, moe houeiki, bea mo hono kau tagata boto.

36 Bea e hoko ae heleta ki he kau kākā; bea te nau loto vale: bea e hoko ae heleta ki hono kau malohi; bea te nau manavahe.

37 Bea e hoko ae heleta ki he e nau faga hose, moe nau gaahi saliote, moe kakai kehekehe oku iate ia; bea te nau liliu o hage koe kau fefine: e hoko ae heleta ki he ene koloa; bea e kaihaajia akinautolu.

38 E laaina a hono gaahi vai; bea te nau maha: he koe fonua ia oe mea fakatātā kuo ta, bea oku nau vikiviki i he gaahi tamabua.

39 Koia e nofo ai ae faga manu hehegi oe toafa, bea moe faga manu hehegi oe gaahi motu, bea e nofo ai ae faga lulu; bea e ikai fakakakai ia o taegata; bea e ikai ha toe nofo e fai ai mei he toutagata ki he toutagata.

40 E tatau ia moe fakaauha e he Otua a Sotoma mo Komola, bea moe gaahi kolo ofi ki ai, oku behe e Jihova; e ikai nofo ai ha tagata, bea e ikai aunofo ki ai ae foha oe tagata.

41 Vakai, e ha‘u ae kakai mei he tokelau, koe buleaga lahi, bea e tuu hake ae gaahi tu‘i mei he gaahi fonua mamao.

42 Te nau kuku ki he kaufana moe tao: te nau ita, bea e ikai fai aloofa: e logoaa ho nau le‘o o hage koe tahi, bea te nau heka ki he faga hose, bea e teu tau taki taha, o hage koe tagata tau kiate koe, E taahine o Babilone.

43 Nae fanogo ki he e nau ogoogo e he tu‘i o Babilone, bea kuo hoko o vaivai hono nima: bea kuo ma‘u ia e he mamahi, moe feiga o hage koe fefine oku laga.

44 Vakai te ne alu hake o hage koe laione mei he fonu mahakehake o Joatani ki he nofoaga oe malohi: ka teu bule ke nau hola fakafokifa meiate ia: bea kohai ha tagata kuo fili koeuhi keu tuutuuni ke bule‘i ia? he kohai oku tatau mo au? bea kohai te ne akonaki‘i au? bea kohai ae tauhi koia ke ne tuu i hoku ao?

45 Koia mou fanogo ki he fakakaukau a Jihova aia kuo ne tuutuuni ki Babilone; bea moe tuutuuni kuo ne tuutuuni ki he kakai o Kalitia: koe mooni e ave akinautolu e he jii hifo: koe mooni te ne gaohi ho nau nofoaga koe botu liaki iate kinautolu.

46 Oku galulu ae kelekele i he logoaa oe kaba o Babilone, bea e ogo atu ene tagi ki he kakai kotoabe.