¶ 1 OKU behe e Jihova; Vakai, teu fakatubu ha matagi fakaauha ki Babilone, bea mo kinautolu oku nofo i ai, akinautolu oku agatuu kiate au;

2 Bea teu fekau ki Babilone ae kau tagata vahevahe kafukafu, bea te nau aloalo ia, bea te nau fakamaha hono fonua: he te nau nofo takatakai iate ia i he aho oe mamahi.

3 Bea e teke ae kaufana ae tagata fakakaufana ki he tagata fakakaufana, bea kiate ia oku hiki hake ia i hono kofu tau: bea oua naa mamae ki hono kau talavou; fakaauha aubito a ene kau tau kotoabe.

4 E to behe ae teia i he fonua o Kalitia, bea mo kinautolu kuo hoka‘i ke aji i he gaahi hala.

5 He nae ikai liaki a Isileli, be ko Juta e hono Otua, ko Jihova oe gaahi kau tau; ne ogo hono bito ho nau fonua i he agahala ki he Toko Taha Maonioni o Isileli.

6 Mou hola mei loto Babilone, bea fakahaofi e he tagata taki taha a ene moui: ke oua naa fakaauha akimoutolu i he ene hia: he koe kuoga eni oe houhau o Jihova: te ne atu kiate ia ae totogi.

7 Ko Babilone koe ibu koula i he nima o Jihova, aia nae fakakona a mamani kotoabe: kuo inu ae gaahi buleaga ki he ene uaine; koia kuo faha ai ae gaahi buleaga.

8 Kuo higa bea auha fakafokifa a Babilone: mou tagi kalaga koeuhi koia; bea age ae feau koeuhi ko ene mamahi, hei ilo e fakamoui ia.

9 Naa mau fie fakamoui a Babilone, ka oku ikai te ne moui: liaki ia, bea ke tau taki taha alu ki hono fonua: he kuo a‘u a hono tautea ki he lagi, bea kuo hiki hake ia ki he gaahi ao.

10 Kuo fakaha e Jihova e tau agatonu: ha‘u ke tau fakaha i Saione ae gaue a Jihova ko ho tau Otua.

11 Fakagigila ae gaahi gahau, bea tanaki ae gaahi fakaū: kuo ue‘i e Jihova ae laumalie oe gaahi tu‘i o Mitia: he kuo ne tokaga ki Babilone ke fakaauha ia; koeuhi koe houhauia o Jihova, koe totogi koeuhi ko hono fale tabu.

12 Fokotuu ae fuka ki he gaahi a o Babilone, fokotuu ae kau leo malohi, fakanofo ae kau tagata leo, teuteu ae gaahi malumu: he kuo tokaga a Jihova bea kuo fai aia naa ne folofola aki ki he kakai o Babilone.

13 Akoe oku ke nofo i he gaahi vai lahi, bea mohu koloaia, kuo hokojia ho gataaga, bea moe fuofua o hoo manumanu.

14 Kuo fuakava a Jihova oe gaahi kau tau iate ia be, o behe, Koe mooni teu fakabito aki koe ae kau tagata, o hage koe faga unufe; bea te nau fai ae kalaga kiate koe.

15 Kuo ne gaohi ae kelekele aki hono malohi, bea kuo ne fokotuu mau a mamani i he ene boto, bea kuo ne folahi atu ae gaahi lagi i he ene iloilo.

16 Oka hiki hake eia hono le‘o oku ai ae vai lahi i he lagi; bea oku ne bule ke alu hake ae gaahi kakabu mei he gaahi gataaga o mamani: oku ne gaohi ae uhila moe uha, bea omi ae matagi mei hono gaahi feleoko.

17 Oku vale ae tagata taki taha i he ene ilo; oku ma ae tufuga taki taha i he ene mea fakatātā kuo ta: he koe fakatātā kuo haka koe lo ia, bea oku ikai ha mānava iate kinautolu.

18 Koe vaiga akinautolu, koe gaue ae kāu he: e auha akinautolu i he aho o ho nau aahi.

19 Oku ikai tatau mo kinautolu ae inaji o Jekobe; he oku mua ia i he gaahi mea kotoabe: bea koe tokotoko o hono tofia a Isileli: ko Jihova oe gaahi kau tau hono huafa.

20 Ko koe ko hoku toki ke tau aki mo eku mahafu tau: he teu laiki aki koe ke momo ae gaahi fonua, bea teu fakaauha aki koe ae gaahi buleaga;

21 Bea teu laiki aki koe ae hose moe tagata oku heka ai; bea teu laiki aki koe ae saliote moe tagata oku heka ai;

22 Bea teu laiki aki koe foki ae tagata moe fefine; bea teu laiki aki koe aia oku motua moe tamajii; bea teu laiki aki koe ae talavou bea moe taahine.

23 Bea teu laiki aki koe ae tauhi mo ene faga sibi; bea teu laiki aki koe ae tagata goue mo ene faga manu; bea teu laiki aki koe ae houeiki moe kau bule.

24 Bea teu totogi ki Babilone bea moe kakai kotoabe o Kalitia ae kovi kotoabe kuo nau fai ki Saione i ho mou ao, oku behe e Jihova.

25 E mouga faa fakaauha, vakai, oku ou tuu kiate koe, oku behe e Jihova, akoe oku fakaauha a mamani kotoabe: bea teu mafao atu hoku nima kiate koe, bea fakateka koe ki lalo mei he gaahi makatuu, bea teu gaohi koe koe mouga vela.

26 Bea e ikai te nau too meiate koe ae maka ke tuliki aki, he ha maka ke tuuga aki; ka te ke lala be o taegata, oku behe e Jihova.

27 Mou fokotuu ae fuka i he fonua, ifi ae mea lea i he gaahi buleaga, teuteu ae kakai ke tau‘i ia, ui ke fakataha kiate ia ae gaahi buleaga ko Alalate, mo Minai, mo Asikenasi; fakanofo kiate ia ae bule; fekau ke ha‘u kiate ia ae faga hose o hage koe faga unufe felefele.

28 Teuteu kiate ia ae gaahi buleaga, moe gaahi tu‘i o Mitia, mo hono gaahi eiki tau, mo hono kau bule kotoabe, bea moe fonua kotoabe o ho nau buleaga.

29 Bea e tetetete ae fonua bea mamahi ia: koeuhi e fakahoko ki Babilone ae tuutuuni kotoabe a Jihova, ke gaohi ae fonua ko Babilone ke lala tae hano kakai.

30 Oku ikai tau ae kau tagata malohi o Babilone, kuo nau nofo i ho nau gaahi botu malohi: kuo mole e nau malohi; kuo nau liliu o hage koe kau fefine: kuo tutu ho nau gaahi nofoaga; kuo feji‘i ho nau gaahi fakamau.

31 E lele ae tagata talafekau ke fakafetaulaki moe tagata talafekau e taha, bea e fakafetaulaki ae tagata ogoogo moe tagata ogoogo, ke tala ki he tu‘i o Babilone, kuo lava‘i ene kolo mei hono gataaga,

32 Bea kuo tabuni ae gaahi hala, bea kuo tutu ae kaho aki ae afi, bea kuo ilifia ae kau tagata tau.

33 He oku behe e Jihova oe gaahi kau tau, koe Otua o Isileli; Oku tatau ae taahine o Babilone moe hahaaga; kuo hokoji ae aho ke haha ia: e toetoe jii bea e hoko kiate ia hono ututa‘u.

34 Kuo kai o oji au, bea kuo fakaauha au e Nebukanesa koe tu‘i o Babilone, kuo ne gaohi au koe ibu maha, kuo ne folo o oji au o hage koe talakone, kuo ne fakabito hono kete aki eku gaahi mea lelei, kuo ne li au kitua.

35 E behe e he kakai o Saione, E hoko ki Babilone, ae fakamalohi kuo fai kiate au mo hoku kakano: bea e behe e Jelusalema, Ke i he kakai o Kalitia a hoku toto.

36 Koia oku behe e Jihova, Vakai, teu lagomaki‘i koe, bea teu tautea koeuhi ko koe; bea teu fakatafe ke maha hono tahi, bea teu fakamaha hono gaahi mata vai.

37 Bea e hoko a Babilone koe botu tokatamaki, koe nofoaga oe faga talakone, koe mea fakaofo, koe mea fakaiseisa, bea e ikai i ai ha kakai.

38 Bea te nau gugulu fakataha o hage koe faga talakone; bea te nau ue‘i akinautolu, o hage koe faga uhiki‘i laione.

39 Bea i he e nau holi e teuteu e au e nau gaahi katoaga, bea teu fakakona‘i akinautolu, koeuhi ke nau nekeneka, bea mohe i he mohe taegata, bea oua naa toe a, oku behe e Jihova.

40 Bea teu omi akinautolu o hage koe faga lami ki he tamate‘i, o hage koe faga sibi tagata fakataha moe faga koji.

41 Hono ikai lavai a Sisake i bea kuo fefe ae labaji oia nae ogoogo i mamani kotoabe i kuo hoko fefe a Babilone koe fakatumutumuaga i he gaahi buleaga!

42 Kuo hake ae tahi ki Babilone: kuo ufiufi ia aki hono gaahi beau lahi.

43 Kuo hoko hono gaahi kolo koe botu lala, koe fonua momoa, bea koe toafa, koe fonua oku ikai nofo ai ha tagata, bea oku ikai alu ai ae foha oe tagata.

44 Bea teu tautea a Beli i Babilone, bea teu omi mei hono gutu aia kuo ne folo hifo: bea e ikai toe fakataha kiate ia ae gaahi buleaga: io, e higa ae a o Babilone.

45 E hoku kakai, mou alu atu mei he lotolotoga oia, bea taki taha fakamoui a hono laumalie mei he houhau kakaha o Jihova.

46 Bea telia naa vaivai ho mou loto, bea mou manavahe koeuhi koe ogoogo aia e ogo‘i i he fonua; koeuhi e hoko mai ae ogoogo i he ta‘u e taha, bea hili ia e toe hoko moe ogoogo i he ta‘u e taha, moe fakamalohi i he fonua, koe bule ki he bule.

47 Koia, vakai, oku ha‘u ae gaahi aho, teu tautea ai ae gaahi tamabua o Babilone: bea e maveuveu hono fonua kotoabe, bea e to i he lotolotoga oia a hono kakai mate kotoabe.

48 Bea e toki hiva ki Babilone ae gaahi lagi bea mo mamani, bea moe mea kotoabe i ai: e ha‘u kiate ia ae kau maumau mei he tokelau, oku behe e Jihova.

49 Hage kuo to ae mate o Isileli i Babilone e to behe i Babilone ae tamate‘i kotoabe o mamani.

50 Alu akimoutolu kuo hao i he heleta, bea oua naa veetoohi: fakamanatu kia Jihova mei he mamao, bea manatu i ho mou loto ki Jelusalema.

51 Kuo mau bubutuu, koeuhi kuo mau fanogo ki he ogoogokovi: kuo ufiufi ho mau mata aki ae ma: koeuhi kuo hu mai ae kau muli ki he gaahi botu tabu oe fale o Jihova.

52 Koia, oku behe e Jihova, Vakai, oku hoko ae gaahi aho, aia teu tautea ai hono gaahi tamabua kuo togi, bea e to‘eto‘e ae lavea i hono fonua kotoabe.

53 Kabau e kaka hake a Babilone ki he gaahi lagi, bea kabau te ne gaohi hono gaahi botu malohi ki oluga, ka oku behe e Jihova, E alu atu meiate au kiate ia ae kau maumau‘i.

54 Oku ogo mai ae logoaa oe tagi mei Babilone, bea moe fakaauha lahi mei he fonua oe kau Kalitia:

55 Koeuhi kuo maumau‘i e Jihova a Babilone, bea fakaauha ae logoaa lahi iate ia; oku uulu hono gaahi beau o hage koe gaahi vai lahi, koe logoaa o ho nau le‘o oku ogo:

56 Koeuhi kuo hoko ae maumau kiate ia, io, ki Babilone, bea kuo lava‘i a hono kau tagata malohi, kuo feji‘i e nau kaufana kotoabe: he ko Jihova koe Otua faa totogi, bea koe mooni te ne totogi.

57 Bea teu fakakona‘i hono houeiki, bea mo hono kau tagata boto, mo hono gaahi eiki, mo hono kau bule, bea mo hono kau tagata malohi: bea te nau mohe i he mohe taegata, bea e ikai toe a, oku behe e he tu‘i, aia ko hono huafa ko Jihova oe gaahi kau tau.

58 Oku behe e Jihova oe gaahi kau tau; E maumau aubito ae gaahi a laulahi o Babilone, bea e tutu aki ae afi hono gaahi mataba maoluga; bea e gaue taeaoga ae kakai, bea e feiga ae gaahi buleaga koeuhi koe afi.

¶ 59 Koe lea nae lea aki e Jelemaia koe balofita kia Selaia koe foha o Nelia, koe foha o Maaseia, i he ene alu mei a Setikia koe tu‘i o Juta ki Babilone i hono fa oe ta‘u o ene bule. Bea koe Selaia ni koe eiki agamalu ia.

60 Bea nae tohi i he tohi e Jelemaia ae kovi kotoabe e hoko ki Babilone, io ae lea ni kotoabe kuo tohi ki Babilone.

61 Bea behe e Jelemaia kia Selaia, Oka ke ka hoko ki Babilone, te ke mamata, bea lau ae gaahi lea ni kotoabe;

62 Bea te ke toki lea o behe, E Jihova, kuo ke folofola ki he botu ni, ke tuuji ia, koeuhi ke oua naa nofo ai ha toko taha, ha tagata be ha manu, ka e lala ia o taegata.

63 Bea e hoko ia o behe, oka oji hoo lau ae tohi ni, ke ke nootaki ki ai ae maka, bea li ia ki loto Iufaletesi.

64 Bea ke ke lea o behe, E galo behe hifo a Babilone, bea e ikai toetuu ia mei he kovi aia teu fakahoko ki ai: bea te nau fiu ai. Ko hono gata ia oe gaahi lea a Jelemaia.