¶ 1 MOU felele aki i he gaahi hala o Jelusalema, bea mamata, mo ilo, bea kumi i hono gaahi botu laulahi, kabau te mou faa ilo‘i ha tagata, bea kabau oku i ai ha taha oku fakamāu totonu, aia oku kumi ki he mooni; bea teu fakamolemole ia.

2 Bea kabau oku nau behe, Oku moui a Jihova; koe mooni oku nau fuakava kākā be.

3 E Jihova ikai oku haga ki he mooni a ho fofoga? kuo ke ta‘i akinautolu, ka nae ikai te nau mamahi; kuo ke fakaauha akinautolu, ka nae ikai te nau tokaga ki he tautea: kuo nau fakafefeka hake ho nau mata i ha maka; oku ikai te nau fie tafoki.

4 Koia naaku behe, Koe mooni oku nau majiva: oku nau vale: he oku ikai te nau ilo ae hala o Jihova, bea moe fakamāu a ho nau Otua.

5 Teu alu ki he kau tagata boto, bea teu lea kiate kinautolu; he kuo nau ilo ae hala o Jihova, bea moe fakamāu a ho nau Otua; ka ko kinautolu ni kuo nau maumau‘i aubito ae haamoga, bea motuhi ae gaahi ha‘i.

6 Koia e tamate‘i akinautolu e he laione mei he vao, bea e maumau‘i akinautolu e he ulofi oe efiafi, bea e leo ki ho nau gaahi kolo e he lebate: koia kotoabe e alu atu i ai e haehae ke iki; koeuhi koe nau gaahi agahala oku lahi, bea oku tubu e nau gaahi fakaholomui.

¶ 7 E fefe eku fakamolemole koe koeuhi koe mea ni? kuo jiaki au e hoo fānau, bea fuakava iate kinautolu oku ikai koe gaahi otua: hili eku fafaga akinautolu ke makona, naa nau fai agahala, bea nau fakataha o toko lahi i he gaahi fale oe kau faa feauaki.

8 Bea naa nau hage koe faga hose tau kuo fafaga i he bogibogi: bea naa nau taki taha holi ki he unoho o hono kaugaabi.

9 Oku behe e Jihova, Ikai teu tautea koeuhi koe gaahi mea ni? bea ikai e totogi e hoku laumalie ki he buleaga behe?

¶ 10 Mou alu hake ki hono gaahi a, bea fakaauha; kae oua naa fakaoji aubito; ave a hono gaahi vaa; he oku ikai o Jihova akinautolu.

11 He oku behe, e Jihova, Kuo fai kākā aubito kiate au, e he fale o Isileli bea moe fale o Juta.

12 Kuo nau fakafijiga‘i a Jihova, o nau behe, Oku ikai koia ia; e ikai hoko ha kovi kiate kitautolu bea e ikai te tau mamata ki he heleta be ha hoge.

13 Bea e hoko ae kau balofita o hage koe matagi, bea oku ikai iate kinautolu ha lea: e hoko o behe kiate kinautolu.

14 Koia oku behe mai e Jihova koe Otua oe gaahi kau tau, Koeuhi kuo mou lea aki ae lea ni, vakai, teu gaohi eku gaahi lea ke hage koe afi i ho gutu, bea koe kakai ni ke hage koe akau, bea te ne fakaauha akinautolu.

15 Bea oku behe e Jihova, Vakai, Teu omi ha kakai mei he mamao kiate kimoutolu, E fale o Isileli, koe kakai malohi, koe kakai mua be, koe kakai e ikai te ke boto i he e nau lea, be ilo‘i aia oku nau lea aki.

16 Oku tatau ho nau hofagahau moe fonualoto kuo matagaki, koe kau tagata malohi akinautolu kotoabe.

17 Bea te nau kai o oji a ho mou ta‘u, bea mo hoo mou ma, aia oku totonu ke kai e ho gaahi foha mo ho gaahi ofefine: te nau kai ke oji hoo faga sibi mo hoo faga manu: te nau kai ke oji hoo gaahi vaine moe gaahi akau koe fiki: te nau fakamajiva aki ae heleta a ho gaahi kolo malohi, aia naa ke falala ki ai.

18 Oku behe e Jihova, Ka e ikai teu fakaoji aubito akimoutolu, i he gaahi aho koia.

19 Bea e hoko o behe, oka mou ka behe, Koeha oku fai ai e Jihova ko ho tau Otua ae gaahi mea ni kotoabe kiate kitautolu? bea te ke toki lea behe kiate kinautolu, O hage kuo mou liaki au, bea tauhi ki he gaahi otua kehe o ho mou fonua, e behe hoo mou tauhi ki he kakai muli i he fonua oku ikai omoutolu.

20 Fakaha ae mea ni i he fale o Jekobe, bea fakaha ia ia Juta, o behe,

21 Fanogo, ki he mea ni, Ae kakai vale, bea tae loto; akimoutolu oku mata, ka oku ikai mamata; akimoutolu oku teliga ka oku ikai ogo‘i.

22 Oku behe mai e Jihova, Ikai te mou manavahe kiate au? E ikai te mou tetetete i hoku ao? Kuou ai ae oneone koe fakagatagata oe tahi i he fono taegata, aia e ikai te ne faa laka ai; kabau e hake hono gaahi beau, e ikai te nau malohi; kabau te nau uulu, ka e ikai te nau faa laka ai.

23 Ka oku ma‘u e he kakai ni ae loto tafoki mo agatuu; kuo nau tafoki bea alu.

24 Bea nae ikai te nau behe i ho nau loto, Koeni, ke tau manavahe kia Jihova ko ho tau Otua, aia oku ne foaki kiate kitautolu ae uha mua moe uha mui, i hono aho totonu: bea kuo ne tauhi ma atautolu ae gaahi uike tuutuuni ki he ututa‘u.

25 Kuo fakaafe ae gaahi mea ni meiate kimoutolu e hoo mou gaahi agahala, bea kuo taofi ae gaahi mea lelei meiate kimoutolu e hoo mou gaahi hia.

26 He oku ai ae kau agakovi i hoku kakai: oku nau toitoi, o hage koia oku tautau ae gaahi hele; oku nau ai ae tauhele, ke nau moua ai ae kau tagata.

27 Bea oku bito ho nau gaahi fale i he kākā, o hage oku bito ae finaki i he gaahi manu buna: koia kuo nau hoko ai ke lahi, bea ma‘umea.

28 Kuo nau hoko ke jino, bea gigila; io, kuo nau kovi lahi hake i he kau agahala: oku ikai te nau fakamāu ae mea, koe mea ae tamai mate; bea oku ikai te nau fakamāu ae mea totonu ae majiva, ka oku nau monuia.

29 Oku behe e Jihova; Ikai teu tautea koeuhi koe gaahi mea ni? bea ikai e totogi e hoku laumalie ki he buleaga behe?

¶ 30 Kuo fai ha mea fakaofo mo fakailifia i he fonua.

31 Oku kikite kākā ae kau balofita, bea oku kau taha mo kinautolu ae kau taulaeiki; bea oku loto a hoku kakai ke behe be ia: bea koeha te mou fai i hono ikuaga?