Mga Kuwento sa mga Banal na Kasulatan
Ang Kirtland Temple
Sinabi ng Diyos kay Joseph Smith na magtayo ng templo. Ito ay magiging tahanan ng Diyos.
Nagtulungan ang mga Banal sa pagtatayo ng templo. Ang mga kalalakihan ay nagtayo ng matatayog na pader. Ang mga kababaihan naman ay tumahi ng mga kurtina at alpombra. Tumulong ang mga bata sa pagdadala ng mga kagamitan at tubig sa mga manggagawa.
Nang matapos ang templo, pumasok rito ang mga Banal. Umawit sila ng isang himno at sumigaw ng “Hosana!” Nanalangin si Joseph para ilaan (basbasan) ang templo.
Makaraan ang isang linggo, binisita ni Jesucristo sina Joseph Smith at Oliver Cowdery sa templo. Sinabi ni Jesus na tinanggap Niya ang templo bilang Kanyang tahanan.
May mga templo ngayon sa buong mundo! Ang bawat templo ay isang banal na lugar. Balang-araw ay papasok ako sa loob at gagawa ng mga pangako sa Diyos.
Mga paglalarawan ni Apryl Stott