Kom, fylg mér – Verkefni

Fyrir heimiliskvöld eða ritningarnám – eða bara til ánægju!

Ganga í fótspor hans

Fyrir Mósía 4–6.

Mósía konungur hélt boðorðin og „gekk á vegum Drottins“ (Mósía 6:6). Dragið útlínur fótar ykkar á blað og klippið síðan út. Skrifið á fótsporið eitthvað sem þið getið gert til að fylgja Jesú. Setjið fótspor ykkar þar sem þið getið munað eftir því að fylgja fordæmi Jesú Krists.

Fyrir yngri börnin: Farið í göngutúr. Fáið barn ykkar til að stíga í fótspor ykkar. Talið um það hvernig við getum fylgt Jesú Kristi með því að gera það sem hann gerði, eins og að hjálpa öðrum, og láta skírast.

Fylgið spámanninum

Fyrir Mósía 7–10.

Ammon kenndi að spámenn geti séð óséða hluti (sjá Mósía 8:16–17). Flettið á blaðsíðu 2 til að lesa boðskap Nelsons forseta frá aðalráðstefnu. Hvað kenndi hann okkur? Teiknið mynd af því og sendið okkur hjá Barnavini.

Fyrir yngri börnin: Syngið „Fylgið spámanninum“ (Barnasöngbókin, 58) með börnum ykkar. Í hvert sinn sem þið syngið orðið spámaður, bendið þá á mynd af spámanninum.

Ljós í myrkrinu

Fyrir Mósía 11–17

Abinadí kenndi að Jesú Kristur er „óendanlegt ljós, sem aldrei getur myrkvast“ (Mósía 16:9). Felið hlut í húsinu. Slökkvið öll ljós og hvetjið þau til að finna hann í myrkrinu. Felið síðan hlutinn og reynið að finna hann með ljósin kveikt eða með vasaljós. Hvort var auðveldara? Hvernig hjálpar Jesús okkur eins og ljósin hjálpuðu ykkur?

Fyrir yngri börnin: Fáið börn ykkar til að æfa sig í að kveikja og slökkva á vasaljósi eða lampa. Talið síðan um það hvernig Jesús Kristur er ljós sem er aldrei hægt að fela eða slökkva á.

Hjörtu fléttuð í einingu

Fyrir Mósía 18–24.

Alma kenndi okkur að „hjörtu [okkar] skyldu tengd böndum einingar og elsku“ (Mósía 18:21). Það þýðir að við ættum að vinna saman og sýna hvert öðru elsku. Búið til hjartakeðju til að minna ykkur á! Klippið út nokkur pappahjörtu og skrifið nöfn fjölskyldumeðlima á hvert og eitt þeirra. Gerið gat í hvert hjarta og þræðið band í gegnum þau svo að hjörtun séu tengd. Hengið upp hjartakeðjuna þar sem þið getið séð hana oft!

Fyrir yngri börnin: Spyrjið barn ykkar um eitt atriði sem þau elska varðandi hvern einstakling í fjölskyldunni. Segið barni ykkar frá einhverju sem það gerir sem sýnir elsku þess til annarra!

Myndskreyting: Katy Dockrill