« ខ្ជាប់ខ្ជួននៅកណ្ដាលខ្យល់ព្យុះ » ដើម្បីកម្លាំងនៃយុវជន ខែ ឧសភា ឆ្នាំ ២០២២ ។
សម័យប្រជុំព្រឹកថ្ងៃសៅរ៍
ខ្ជាប់ខ្ជួននៅកណ្ដាលខ្យល់ព្យុះ
ការដកស្រង់
សម្រាប់យើងទាំងអស់គ្នាណាដែលព្រួយបារម្ភចំពោះខ្លួនឯង និងចំពោះមនុស្សដែលយើងស្រឡាញ់ នោះមានសេចក្ដីសង្ឃឹមនៅក្នុងការសន្យាដែលព្រះបានប្រទានមក អំពីកន្លែងដែលមានសុវត្ថិភាពនៅកណ្ដាលខ្យល់ព្យុះខាងមុខនេះ ។ …
ព្រះបន្ទូលក្នុងនាមជាព្យាការីរបស់ស្ដេចបេនយ៉ាមីនអនុវត្តបានចំពោះពួកយើងនៅជំនាន់យើងនេះ ។ …
ទ្រង់បានអញ្ជើញប្រជាជនរបស់ទ្រង់ និងយើងឲ្យសង់នៅលើសិលានៃសុវត្ថិភាពដ៏រឹងមាំតែមួយគត់ ដែលជាព្រះអង្គសង្គ្រោះ ។ ទ្រង់បានបញ្ជាក់ច្បាស់ថា យើងមានសេរីភាពក្នុងការជ្រើសរើសរវាងត្រូវ និងខុស ប៉ុន្ដែយើងមិនអាចចៀសវាងពីលទ្ធផលនៃជម្រើសរបស់យើងបានទេ ។ …
និស្ស័យធម្មជាតិរបស់យើងផ្លាស់ប្ដូរដើម្បីក្លាយដូចជាកូនក្មេងតូចម្នាក់ ដែលគោរពប្រតិបត្តិតាមព្រះ និងមានសេចក្ដីស្រឡាញ់កាន់តែខ្លាំងឡើង ។ ការផ្លាស់ប្ដូរនោះនឹងធ្វើឲ្យយើងស័ក្ដិសមដើម្បីរីករាយនឹងអំណោយទាន ដែលកើតមានតាមរយៈព្រះវិញ្ញាណបរិសុទ្ធ ។ ការមានភាពជាដៃគូនៃព្រះវិញ្ញាណនឹងលួងលោម ដឹកនាំ និងពង្រឹងយើង ។ …
នៅពេលមានខ្យល់ព្យុះក្នុងជីវិតកើតឡើង បងប្អូនអាចនៅខ្ជាប់ខ្ជួនបាន ដោយសារបងប្អូនកំពុងឈរនៅលើសិលានៃសេចក្ដីជំនឿរបស់បងប្អូនលើព្រះយេស៊ូវគ្រីស្ទ ។ សេចក្ដីជំនឿនោះនឹងដឹកនាំបងប្អូនឲ្យប្រែចិត្តជារៀងរាល់ថ្ងៃ ហើយខ្ជាប់ខ្ជួនក្នុងការរក្សាសេចក្ដីសញ្ញា ។ បន្ទាប់មក បងប្អូននឹងចងចាំទ្រង់ជានិច្ច ។ ហើយពេលបងប្អូនឆ្លងកាត់ខ្យល់ព្យុះនៃសេចក្តីស្អប់ និងអំពើទុច្ចរិត នោះបងប្អូននឹងមានអារម្មណ៍នឹងនរ និងពេញដោយក្ដីសង្ឃឹម ។ …
… ដូចជាកូនក្មេងដ៏ស្លូតបូត និងពេញដោយក្ដីស្រឡាញ់ សូមទទួលយកជំនួយរបស់ទ្រង់ ។ សូមចុះ និងរក្សាសេចក្ដីសញ្ញាដែលទ្រង់ប្រទានមកនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ សេចក្ដីសញ្ញាទាំងនោះនឹងពង្រឹងបងប្អូន ។ ព្រះអង្គសង្គ្រោះញាណដឹងពីខ្យល់ព្យុះ និងកន្លែងដែលមានសុវតិ្ថភាពនៅលើផ្លូវទៅផ្ទះទៅរកទ្រង់ និងព្រះវរបិតាសួគ៌យើងវិញ ។ ទ្រង់ស្គាល់ផ្លូវនោះ ។ ទ្រង់គឺជាផ្លូវ ។