« កុំខ្លាចឡើយ ៖ ឲ្យគ្រាន់តែជឿប៉ុណ្ណោះ ! » ដើម្បីកម្លាំងនៃយុវជន ខែ ឧសភា ឆ្នាំ ២០២២ ។
សម័យប្រជុំរសៀលថ្ងៃសៅរ៍
កុំខ្លាចឡើយ ៖ ឲ្យគ្រាន់តែជឿប៉ុណ្ណោះ !
ការដកស្រង់
គិតពីស្ថានភាពបច្ចុប្បន្ន យើងអាចយល់បាន បើយុវវ័យពុំសូវមានឧត្តមគតិនិយមដូចមុនទៀត ។ …
ថ្ងៃនេះខ្ញុំសូមអង្វរដល់យុវវ័យរបស់យើង ហើយបងប្អូនជាឪពុកម្ដាយ និងមជ្ឈិមវ័យ ដែលផ្ដល់ដំបូន្មានពួកគេថា សូមចាប់ផ្ដើមស្វែងរកសុភមង្គលតាមរយៈការឱបក្រសោបយកការណ៍ល្អដែលយើងមានរួចហើយ មកពីអង្គផ្ដល់អំណោយដ៏ល្អគ្រប់យ៉ាង ។ នៅគ្រានេះ មានមនុស្សជាច្រើនក្នុងពិភពលោកកំពុងសួរសំណួរចេញពីចិត្ត យើងគួរតែឆ្លើយជាមួយនឹង « ដំណឹងល្អ » នៃព្រះសិក្ខាបទរបស់ព្រះយេស៊ូវគ្រីស្ទ ។ សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ លើកកម្ពស់បេសកកម្ម និងសារលិខិតរបស់ព្រះអង្គសង្គ្រោះនៃពិភពលោកនេះ ហើយផ្ដល់នូវរបៀបដ៏សំខាន់អស់កល្ប ដើម្បីស្វែងរកទាំងការណ៍ល្អផង និងធ្វើការណ៍ល្អនៅគ្រាដ៏ចាំបាច់បែបនេះផង ។ …
ចំពោះយុវវ័យណាម្នាក់របស់យើងដែលកំពុងមានបញ្ហាអើយ មិនថាប្អូនៗមានកង្វល់ ឬទុក្ខលំបាកយ៉ាងណានោះទេ សេចក្ដីស្លាប់ដោយការធ្វើអត្តឃាត ពុំមែន ជាចម្លើយនោះឡើយ ។ វានឹងមិនលុបបំបាត់ការឈឺចាប់ដែលប្អូនៗកំពុងមានអារម្មណ៍ ឬដែលប្អូនៗគិតថាប្អូនៗកំពុងបង្កនោះទេ ។ នៅក្នុងពិភពលោកមួយដែលត្រូវការពន្លឺយ៉ាងខ្លាំងក្រៃលែង សូម កុំ កាត់បន្ថយពន្លឺដ៏អស់កល្បដែលព្រះបានដាក់នៅក្នុងព្រលឹង របស់ប្អូនៗ តាំងតែពីមុនប្អូនៗមកកាន់ពិភពលោកនេះឡើយ ។ សូមនិយាយប្រាប់នរណាម្នាក់ ។ សូមស្វែងរកជំនួយ ។ សូម កុំ បំផ្លាញជីវិតដែលព្រះគ្រីស្ទបានលះបង់ព្រះជន្ម ទ្រង់ ដើម្បីរក្សាជីវិតយើងនោះឡើយ ។ ប្អូនៗអាចរែកបញ្ហាជីវិតនៃជីវិតរមែងស្លាប់នេះបាន ដោយសារតែយើងនឹងជួយប្អូនៗឲ្យរែកវាបាន ។ ប្អូនៗរឹងមាំជាងអ្វីដែលប្អូនៗគិតទៅទៀត ។ ប្អូនៗ មាន ជំនួយមកពីមនុស្សដទៃ ជាពិសេសមកពីព្រះ ។ ប្អូនៗមានអ្នកស្រឡាញ់ មានតម្លៃ ហើយប្អូនៗសំខាន់ ! ពួកយើងត្រូវការប្អូនៗ ! « កុំខ្លាចឡើយ ឲ្យគ្រាន់តែជឿប៉ុណ្ណោះ » ។ …
… យើងមានអ្វីៗជាច្រើនដែលយើងត្រូវរីករាយ ។ យើងមានគ្នាទៅវិញទៅមក ហើយយើងមានទ្រង់ ។ សូមផ្ដល់ឱកាសឲ្យយើងមានវត្តមានប្អូនៗផងចុះ ។