« ការប្រែចិត្តជឿតាមព្រះហឫទ័យរបស់ព្រះ » ដើម្បីកម្លាំងនៃយុវជន ខែ ឧសភា ឆ្នាំ ២០២២ ។
សម័យប្រជុំរសៀលថ្ងៃសៅរ៍
ការប្រែចិត្តជឿតាមព្រះហឫទ័យរបស់ព្រះ
ការដកស្រង់
ចេញពីការបម្រើ និងបទពិសោធន៍ខាងវិញ្ញាណពេញមួយជីវិតនេះ ខ្ញុំបានយល់ថា ការប្រែចិត្តជឿដ៏ពិតគឺជាលទ្ធផលនៃការទទួលយកព្រះទ័យរបស់ព្រះដោយសតិសម្បជញ្ញៈ ហើយថាព្រះវិញ្ញាណបរិសុទ្ធអាចដឹកនាំសកម្មភាពរបស់យើងបាន ។ …
តើអ្វីខ្លះជាកាតព្វកិច្ចដែលមានបន្ទាប់ពីការប្រែចិត្តជឿ ? …
… ព្រះអង្គសង្គ្រោះអញ្ជើញយើងដោយព្រះទ័យមេត្តា ឲ្យធ្វើជាព្រះសូរសៀង និងជាព្រះហស្ដរបស់ទ្រង់ ។ សេចក្ដីស្រឡាញ់របស់ព្រះអង្គសង្គ្រោះនឹងជាពន្លឺនាំផ្លូវរបស់យើង ។ ព្រះអង្គសង្រ្គោះបានបង្រៀនពួកសិស្សរបស់ទ្រង់ថា « ដូច្នេះ ចូរទៅបញ្ចុះបញ្ចូលឲ្យមានសិស្សនៅគ្រប់ទាំងសាសន៍ » [ ម៉ាថាយ ២៨:១៩ ] ។ ហើយទ្រង់បានប្រកាសប្រាប់យ៉ូសែប ស្ម៊ីធ ថាត្រូវ « ផ្សាយដំណឹងល្អរបស់យើងដល់សត្វលោកគ្រប់រូបណា ដែលពុំទាន់បានទទួលនៅឡើយ » [ គោលលទ្ធិ និង សេចក្ដីសញ្ ១១២:២៨ ] ។ …
ដើម្បីធ្វើឲ្យការបង្គាប់របស់ព្រះអង្គសង្គ្រោះឲ្យចែកចាយដំណឹងល្អក្លាយទៅជាផ្នែកមួយនៃខ្លួនយើង នោះយើងត្រូវ ប្រែចិត្តជឿ តាមព្រះទ័យរបស់ព្រះ យើងត្រូវ ស្រឡាញ់ អ្នកជិតខាងរបស់យើង ចែកចាយ ដំណឹងល្អដែលបានស្ដារឡើងវិញរបស់ព្រះយេស៊ូវគ្រីស្ទ ហើយ អញ្ជើញ មនុស្សទាំងអស់ឲ្យមកមើល ។ …
ការប្រែចិត្តជឿផ្ទាល់ខ្លួនរបស់យើងរួមមានការទទួលខុសត្រូវ ដើម្បីចែកចាយដំណឹងល្អរបស់ព្រះយេស៊ូវគ្រីស្ទជាមួយនឹងពិភពលោកនេះ ។
ពរជ័យនៃការចែកចាយដំណឹងល្អរួមមាន ការបង្កើនការប្រែចិត្តជឿរបស់យើងទៅតាមព្រះទ័យនៃព្រះ និងទុកឲ្យព្រះឈ្នះនៅក្នុងជីវិតរបស់យើង ។ យើងផ្ដល់ពរជ័យដល់មនុស្សដទៃឲ្យទទួលបទពិសោធន៍នៃ « ការផ្លាស់ប្ដូរដ៏ធំ » នៅក្នុងដួងចិត្ត [ អាលម៉ា ៥:១៤ ] ។ មានអំណរដ៏អស់កល្បយ៉ាងពិតប្រាកដ ពេលយើងជួយនាំព្រលឹងមកកាន់ព្រះគ្រីស្ទ ។ ការខិតខំធ្វើការដើម្បីប្រែចិត្តជឿសម្រាប់ខ្លួនឯង និងអ្នកដទៃគឺជា កិច្ចការ ដ៏ថ្លៃថ្នូរ ។