« ស្ងើចសរសើរដល់ព្រះគ្រីស្ទ និងដំណឹងល្អរបស់ទ្រង់ » ដើម្បីកម្លាំងនៃយុវជន ខែ ឧសភា ឆ្នាំ ២០២២ ។
សម័យប្រជុំរសៀលថ្ងៃអាទិត្យ
ស្ងើចសរសើរដល់ព្រះគ្រីស្ទ និងដំណឹងល្អរបស់ទ្រង់
ការដកស្រង់
ខ្ញុំបានសញ្ជឹងគិតថា តើមានភាពអស្ចារ្យខាងវិញ្ញាណប៉ុន្មានទៀតដែលយើងអាច និងគួរតែមានអំពីដំណឹងល្អនៃព្រះយេស៊ូវគ្រីស្ទ និងអ្វីដែលមានភាពខុសប្លែកនៅក្នុងភាពជាសិស្សរបស់យើង និងនៅក្នុងដំណើរឆ្ពោះទៅរកជីវិតដ៏អស់កល្បរបស់យើង ។ …
… ពិតណាស់ ចំណុចស្នូលនៃការខិតខំរបស់យើងនៅក្នុងដំណើរជីវិតនេះគឺ បទបញ្ញត្តិធំពីរ ៖ ស្រឡាញ់ព្រះអម្ចាស់ជាព្រះនៃយើង និងស្រឡាញ់អ្នកជិតខាងយើងដូចជាខ្លួនយើង ។ …
… ហេតុដូច្នេះ ពេលយើងលះបង់ខ្លួនដោយចេតនាពិត ដើម្បីមើលឆ្ពោះទៅទ្រង់ ហើយរៀនពីគំរូដ៏ឥតខ្ចោះរបស់ទ្រង់ នោះយើងនឹងស្គាល់ទ្រង់កាន់តែច្បាស់ឡើង ។ យើងបណ្ដុះចិត្តសាទរ និងបំណងប្រាថ្នាដើម្បីដាក់បទដ្ឋានដ៏ខ្ពស់ស្ដីពីរបៀបដែលយើងគួរតែរស់នៅមកក្នុងជីវិតរបស់យើង គំរូដែលយើងគួរតែផ្ដល់ និងបទបញ្ញត្តិដែលយើងគួរតែធ្វើតាម ។ …
មិត្តជាទីស្រឡាញ់ រឿងទាំងអស់នេះពង្រឹងភាពអស្ចារ្យខាងវិញ្ញាណរបស់យើងអំពីដំណឹងល្អ ហើយធ្វើឲ្យយើងខំរក្សាសេចក្ដីសញ្ញាដែលយើងបានចុះជាមួយនឹងព្រះអម្ចាស់ពេញដោយអំណរ—ទោះជាយើងកំពុងស្ថិតក្នុងការសាកល្បង និងឧបសគ្គនានាក្ដី ។ …
… ខ្ញុំសូមអធិស្ឋានថា យើងនឹងស្ងើចសរសើរដល់ព្រះយេស៊ូវគ្រីស្ទ និងសេចក្ដីស្រឡាញ់ដ៏ពេញលេញ ដ៏និរន្ដរ និងដ៏ឥតខ្ចោះរបស់ទ្រង់ជាដរាបតទៅ ។ សូមឲ្យការចងចាំដែលភ្នែកយើងបានឃើញ និងដែលដួងចិត្តយើងបានប៉ះពាល់ ធ្វើឲ្យយើងកាន់តែស្ងើចសរសើរចំពោះពលិកម្មដ៏ធួនរបស់ព្រះអង្គសង្គ្រោះ ដើម្បីទ្រង់អាចព្យាបាលយើងពីរបួសខាងវិញ្ញាណ និងខាងសតិអារម្មណ៍បាន ហើយជួយយើងឲ្យខិតទៅកាន់តែជិតទ្រង់ ។