« ទំនាក់ទំនងរបស់យើងជាមួយព្រះ » ដើម្បីកម្លាំងនៃយុវជន ខែ ឧសភា ឆ្នាំ ២០២២ ។
សម័យប្រជុំព្រឹកថ្ងៃអាទិត្យ
ទំនាក់ទំនងរបស់យើងជាមួយព្រះ
ការដកស្រង់
យើងមិនគួរគិតថា ផែនការរបស់ព្រះជាកន្លែងលក់លោហធាតុ ជាកន្លែងដែលយើង ( ១ ) អាចជ្រើសរើសពរជ័យដែលចង់បាន ( ២ ) បញ្ចូលចំនួនសរុបនៃកិច្ចការល្អដែលតម្រូវឲ្យធ្វើ ហើយ ( ៣ ) ការបញ្ជាទិញត្រូវបានបញ្ចូនមកភ្លាមៗនោះទេ ។ …
ការប្រែចិត្ត និងការគោរពប្រតិបត្តិរបស់យើង ការបម្រើរបស់យើង និងការលះបង់របស់យើងពិតជាសំខាន់ ។ យើងចង់នៅក្នុងចំណោមមនុស្សដែលអេធើរបានពិពណ៌នាថា « ខ្ជាប់ខ្ជួន គឺនៅក្នុងកិច្ចការល្អ » [ អេធើរ ១២:៤ ] ។ ប៉ុន្តែវាមិនហួសហេតុពេកទេ ព្រោះគ្រប់ការណ៍ទាំងអស់បានកត់ត្រាទុកនៅក្នុងសៀវភៅដំណើររឿងនៃសេឡេស្ទាល ។ រឿងទាំងនេះសំខាន់ ពីព្រោះពួកវាធ្វើឲ្យយើងរួមចំណែកនឹងកិច្ចការរបស់ព្រះ ហើយជាមធ្យោបាយដែលយើងសហការជាមួយទ្រង់ក្នុងការផ្លាស់ប្តូរខ្លួនយើងពីមនុស្សខាងសាច់ឈាមទៅជាបរិសុទ្ធ ។ អ្វីដែលព្រះវរបិតាសួគ៌ប្រទានដល់យើងគឺរូបព្រះអង្គទ្រង់ផ្ទាល់ និងព្រះរាជបុត្រារបស់ទ្រង់ ទំនាក់ទំនងដ៏ជិតស្និទ្ធ និងយូរអង្វែងជាមួយទ្រង់ទាំងទ្វេ តាមរយៈព្រះគុណ និងការសម្រុះសម្រួលរបស់ព្រះយេស៊ូវគ្រីស្ទ ជាព្រះប្រោសលោះរបស់យើង ។
… ព្រះវរបិតារបស់យើងស្ម័គ្រព្រះទ័យដឹកនាំយើងម្នាក់ៗតាមផ្លូវនៃសេចក្តីសញ្ញារបស់ទ្រង់ ជាមួយនឹងជំហានទាំងឡាយដែលបានរៀបចំទៅតាមតម្រូវការរបស់យើងម្នាក់ៗ ហើយកែលម្អស្របទៅតាមផែនការរបស់ទ្រង់សម្រាប់សុភមង្គលដ៏គ្មានទីបំផុតរបស់យើងជាមួយទ្រង់ ។ …
ទោះជាយ៉ាងនោះក្ដី មាគ៌ានេះមិនងាយស្រួលទេសម្រាប់យើងគ្រប់គ្នា ។ វាត្រូវការការសម្រិតសម្រាំងឲ្យច្រើនបន្តិច ដើម្បីឲ្យមានភាពងាយស្រួល ។ …
ដូច្នេះ នៅកណ្តាលភ្លើងរបស់ជាងសំរងនេះ សូមចូលទៅជិតព្រះ ជាជាងខឹងជាមួយព្រះ ។ សូមអំពាវនាវទៅដល់ព្រះវរបិតានៅក្នុងព្រះនាមនៃព្រះរាជបុត្រា ។ សូមដើរជាមួយទ្រង់ទាំងទ្វេដោយព្រះវិញ្ញាណ ពីមួយថ្ងៃទៅមួយថ្ងៃ ។ សូមអនុញ្ញាតឲ្យទ្រង់ទាំងទ្វេបង្ហាញពីភក្តីភាពរបស់ទ្រង់ចំពោះបងប្អូន ។ សូមចូលមកស្គាល់ទ្រង់ទាំងទ្វេយ៉ាងពិតប្រាកដ ហើយស្គាល់ខ្លួនឯងយ៉ាងពិតប្រាកដ ។ សូមទុកឲ្យព្រះឈ្នះ ។