« ព្យាបាលពិភពលោក » ដើម្បីកម្លាំងនៃយុវជន ខែ ឧសភា ឆ្នាំ ២០២២ ។
សម័យប្រជុំព្រឹកថ្ងៃអាទិត្យ
ព្យាបាលពិភពលោក
ការដកស្រង់
តើអ្វីទៅជាសេរីភាពខាងសាសនា ?
វាគឺជាសេរីភាពនៃការថ្វាយបង្គំតាមគ្រប់ទម្រង់ទាំងអស់ ៖ សេរីភាពនៃការប្រមូលផ្តុំ សេរីភាពនៃការបញ្ចេញមតិ សេរីភាពក្នុងការធ្វើសកម្មភាពលើជំនឿផ្ទាល់ខ្លួន និងសេរីភាពសម្រាប់មនុស្សដទៃដើម្បីធ្វើដូចគ្នានេះដែរ ។ សេរីភាពខាងជំនឿសាសនាអនុញ្ញាតឲ្យយើងម្នាក់ៗ ធ្វើការសម្រេចចិត្តសម្រាប់ខ្លួនយើងផ្ទាល់សម្រាប់អ្វីដែលយើងជឿ របៀបរស់នៅ និងធ្វើស្របតាមជំនឿរបស់យើង និងអ្វីដែលព្រះសព្វព្រះទ័យពីយើង ។ …
អំឡុងពេលចលាចលក្នុងឆ្នាំ ១៨៤២ យ៉ូសែប [ ស៊្មីធ ] បានបោះពុម្ពគោលការណ៍គ្រឹះចំនួន ១៣ នៃការរីកចម្រើនរបស់សាសនាចក្រ ដោយរួមទាំងគោលការណ៍នេះ ៖ « យើងខ្ញុំសូមអះអាងយកសិទ្ធិក្នុងការថ្វាយបង្គំព្រះដ៏មានមហិទ្ធិឫទ្ធិ ស្របតាមការណែនាំនៃសម្បជញ្ញៈរបស់យើងខ្ញុំ ហើយសូមបណ្ដោយឲ្យមនុស្សទាំងអស់មានសិទ្ធិដូចគ្នា ចូរឲ្យគេថ្វាយបង្គំតាមរបៀបណា នៅទីណា ឬអ្វីក៏ដោយដែលគេប្រាថ្នា » [ មាត្រានៃសេចក្ដីជំនឿ ១:១១ ] ។
សេចក្តីថ្លែងការណ៍របស់លោកមានលក្ខណៈរួមបញ្ចូលគ្នា សេរីភាព និងការគោរព ។ នោះគឺជាផ្នែកមួយដ៏សំខាន់បំផុតនៃសេរីភាពខាងសាសនា ។ …
សូមពិចារណាជាមួយខ្ញុំនូវរបៀបបួនយ៉ាងដែលសេរីភាពខាងសាសនាផ្តល់ផលប្រយោជន៍ដល់សង្គម និងបុគ្គលម្នាក់ៗ ។
ទីមួយ ។ សេរីភាពខាងសាសនាគោរពដល់ព្រះបញ្ញត្តិដ៏ធំទីមួយ និងទីពីរ ដោយការដាក់ព្រះនៅចំណុចកណ្តាលនៃជីវិតរបស់យើង ។ …
ទីពីរ ។ សេរីភាពខាងសាសនាជំរុញឲ្យមានការបង្ហាញសេចក្តីជំនឿ សេចក្តីសង្ឃឹម និងភាពសុខសាន្ត ។ …
ទីបី ។ សាសនាបំផុសគំនិតឲ្យមនុស្សចេះជួយដល់អ្នកដទៃ ។ …
ហើយ ទីបួន ។ សេរីភាពខាងសាសនាដើរតួជាកម្លាំងបង្រួបបង្រួម និងប្រមូលផ្តុំសម្រាប់កំណត់គុណតម្លៃ និងសីលធម៌ ។ …
ខ្ញុំសូមអញ្ជើញបងប្អូនឲ្យគាំទ្រដល់បុព្វហេតុនៃសេរីភាពខាងជំនឿសាសនា ។ វាគឺជាការបង្ហាញនៃគោលការណ៍សិទ្ធិជ្រើសរើសដែលបានប្រទានមកពីព្រះ ។