«Սիրեք, կիսվեք, հրավիրեք», Երիտասարդներին զորացնելու համար, մայիս 2022 թ․։
Կիրակնօրյա առավոտյան նիստ
Սիրեք, կիսվեք, հրավիրեք
Հատվածներ
Եկեղեցու վաղեմի անդամները՝ նորադարձից մինչև ամենափորձվածները, մասնակցեցին Փրկիչի մեծ հանձնարարությանը` կիսվելով ավետարանի բարի լուրով նրանց հետ, ում հանդիպեցին և ճանաչում էին: ․․․
Մենք` որպես Քրիստոսի աշակերտներ, նույնպես հրավիրված ենք ականջ դնելու Նրա հանձնարարությանն այսօր։ ․․․
Բարեբախտաբար Փրկիչի մեծ հանձնարարությունը կարելի է իրականացնել հասարակ, հեշտ հասկանալի սկզբունքներով, որոնք ուսուցանվում են մեզ մանկությունից՝ սիրեք, կիսվեք, հրավիրեք:
Առաջին բանը, որ կարող ենք անել, սիրել՝ ինչպես Քրիստոսը սիրեց: ․․․
Երբ մենք ցույց ենք տալիս Քրիստոսանման սեր մեր մերձավորի հանդեպ, քարոզում ենք ավետարանը, եթե նույնիսկ չենք արտաբերում մեկ հատիկ խոսք: ․․․
Մեր հույսը իհարկե այն է, որ նրանք կընդունեն մեր սերը, չնայած նրանց արձագանքը մեր վերահսկողության ներքո չէ: ․․․
Երկրորդ քայլը կիսվելն է: ․․․
Մենք բոլորս ինչ-որ բաներով կիսվում ենք ուրիշների հետ: ․․․
Ինչպե՞ս կարող ենք պարզապես ավելացնել այն ցուցակը, որով մենք արդեն կիսվում ենք, թե ինչն ենք սիրում Հիսուս Քրիստոսի ավետարանում: ․․․
Երրորդ քայլը, որ կարող եք կատարել՝ հրավիրելն է: ․․․
Հարյուրավոր հրավերներ կան, որոնք կարող ենք ուղարկել ուրիշներին: Մենք կարող ենք հրավիրել ուրիշներին, ասելով՝ «եկեք և տեսեք»։ ․․․
Հրավիրում եմ ձեզ մտածել ուղիներ, որոնցով կարող եք սիրել, կիսվել և հրավիրել: Երբ այդպես վարվեք, դուք որոշակի ուրախություն կզգաք՝ գիտենալով, որ ականջ եք դնում մեր սիրելի Փրկիչի խոսքերին: