«Միսիոներական ծառայությունը հավիտյան օրհնեց իմ կյանքը», Երիտասարդներին զորացնելու համար, մայիս 2022:
Շաբաթօրյա առավոտյան նիստ
Միսիոներական ծառայությունը հավիտյան օրհնեց իմ կյանքը
Հատվածներ
Երբ հետ եմ նայում իմ կյանքին, ես տեսնում եմ որոշ փորձառություններ, որոնք զգալիորեն փոխել են իմ կյանքը: Այդ փորձառություններից մեկն այն է, թե Անգլիայում իմ լիաժամկետ միսիոներական ծառայությունն ինչպես օրհնեց իմ կյանքը և ձևավորեց իմ հոգևոր ճակատագիրը: ․․․
Իմ միսիոներական ծառայությունը պատրաստեց ինձ, որ լինեմ ավելի լավ ամուսին և հայր և ավելի հաջողակ լինեմ գործի մեջ: Այն նաև պատրաստեց ինձ, որ ամբողջ կյանքում ծառայեմ Տիրոջը Իր Եկեղեցում։ ․․․
Տերը ճանաչում է ձեզ: Երբ դուք ծառայեք միսիայում, կունենաք փորձառություններ, որոնք կօգնեն ձեզ ավելի լավ ճանաչել Նրան: ․․․
Որպես Տեր Հիսուս Քրիստոսի առաքյալ, ես այժմ կոչ եմ անում երիտասարդ տղաներին և այն երիտասարդ աղջիկներին, որոնք ցանկանում են ծառայել միսիայում՝ հենց հիմա խոսեք ձեր ծնողների հետ միսիայում ծառայելու մասին: Ես նաև հրավիրում եմ, որ դուք ձեր ընկերների հետ խոսեք միսիայում ծառայելու մասին, և եթե ձեր ընկերներից որևէ մեկը վստահ չէ ծառայելու հարցում, խրախուսեք նրան խոսել իր եպիսկոպոսի հետ:
Պարտավորվեք ինքներդ ձեզ և ձեր Երկնային Հորը, որ կծառայեք միսիայում, և որ այս պահից սկսած դուք կձգտեք մաքուր և արժանի պահել ձեր սրտերը, ձեռքերն ու մտքերը: Ես հրավիրում եմ, որ դուք ամուր վկայություն ձեռք բերեք Հիսուս Քրիստոսի վերականգնված ավետարանի մասին։ ․․․
Ես աղոթում եմ, որ դուք՝ երիտասարդ տղամարդիկ և երիտասարդ կանայք, և ձեր ծնողները տեսնեն ու իմանան, թե միսիոներական ծառայությունը ինչպես հավիտյան կօրհնի ձեր կյանքը: