ឈ្នះលោកិយ ហើយបានសេចក្តីសម្រាក
សេចក្តីដកស្រង់
ទ្រង់ដឹកនាំខ្ញុំ ដោយ យង់សុង គិម
តើការឈ្នះលោកិយមានន័យដូចម្តេច ? វាមានន័យថា ការយកឈ្នះលើការល្បួងដែលនាំឲ្យខ្វល់ខ្វាយច្រើនចំពោះរបស់ផងលោកិយ ជាងការណ៍ទាំងឡាយនៃព្រះនោះ ។ វាមានន័យថា ទុកចិត្តលើគោលលទ្ធិនៃព្រះគ្រីស្ទ ជាងលើទស្សនៈរបស់មនុស្ស ។ … វាមានន័យថា ជ្រើសរើសធ្វើអ្វីដែលមិនបណ្តាញព្រះវិញ្ញាណបរិសុទ្ធចេញ ។ …
បន្ទាប់មក តើយើងឈ្នះលោកិយដោយរបៀបណា ? … រាល់ពេលដែលបងប្អូនស្វែងរក និងធ្វើតាមការបំផុសគំនិតពីព្រះវិញ្ញាណ រាល់ពេលដែលបងប្អូនធ្វើអ្វីល្អៗ—អ្វីដែល « មនុស្សខាងសាច់ឈាម » មិនធ្វើ—នោះបងប្អូនកំពុងឈ្នះលោកិយនេះហើយ ។ …
ឥឡូវនេះ តើការឈ្នះលោកិយផ្តល់ពរជ័យដល់ជីវិតរបស់យើងយ៉ាងដូចម្តេច ? ចម្លើយគឺច្បាស់លាស់ថា ៖ ការចូលទៅក្នុងទំនាក់ទំនងនៃសេចក្តីសញ្ញាជាមួយព្រះ ចងភ្ជាប់យើងទៅនឹងទ្រង់ តាមរបៀបមួយដែលធ្វើឲ្យ អ្វីៗគ្រប់យ៉ាង អំពីជីវិតកាន់តែមានភាពងាយស្រួល ។ សូមកុំយល់ច្រឡំសម្ដីខ្ញុំឲ្យសោះ ៖ ខ្ញុំ ពុំមែន និយាយថា ការចុះសេចក្តីសញ្ញាធ្វើឲ្យជីវិតមាន ភាពងាយស្រួល នោះទេ ។ តាមពិត បងប្អូនត្រូវរំពឹងថានឹងមានការផ្ទុយទៅវិញទេ មារសត្រូវមិនចង់ឲ្យបងប្អូនរកឃើញព្រះចេស្តានៃព្រះយេស៊ូវគ្រីស្ទឡើយ ។ ប៉ុន្តែការដាក់នឹមជាមួយព្រះអង្គសង្គ្រោះមានន័យថា បងប្អូនមានសិទ្ធិទទួលព្រះចេស្តាដើម្បីពង្រឹង និងប្រោសលោះរបស់ទ្រង់ ។ …
កាលនោះខ្ញុំជំរុញពួកគេ—ហើយឥឡូវនេះខ្ញុំ អង្វរករ ដល់បងប្អូន—ឲ្យទទួលខុសត្រូវលើទីបន្ទាល់ផ្ទាល់ខ្លួនរបស់បងប្អូន អំពីព្រះយេស៊ូវគ្រីស្ទ និងដំណឹងល្អរបស់ទ្រង់ ។ សូមខិតខំដើម្បីមានទីបន្ទាល់នោះ ។ សូមចិញ្ចឹមបីបាច់វា ដើម្បីឲ្យវាលូតលាស់ ។ សូមពង្រឹងវាដោយសេចក្ដីពិត ។ …
… នៅពេលបងប្អូនទុកឲ្យព្រះឈ្នះក្នុងជីវិត នោះខ្ញុំសូមសន្យាថា បងប្អូននឹងកាន់តែមានភាពសុខសាន្ត ទំនុកចិត្ត អំណរ ហើយប្រាកដណាស់គឺ សេចក្តីសម្រាក ។