« ភួងលម្អជំនួសផេះ ៖ គន្លងព្យាបាលនៃការអភ័យទោស—សេចក្តីដកស្រង់ » ដើម្បីកម្លាំងនៃយុវជន ខែ វិច្ឆិកា ឆ្នាំ ២០២២ ។
ភួងលម្អជំនួសផេះ ៖ គន្លងព្យាបាលនៃការអភ័យទោស
សេចក្តីដកស្រង់
ហើយខ្ញុំបានទទួលទាន ដោយគ្រីស្ទីន យី
ពួកយើងមិនត្រូវបានទុកឲ្យដោះស្រាយផលលំបាកនៃទង្វើរបស់អ្នកដទៃដោយខ្លួនយើងឡើយ យើងក៏អាចជាសះស្បើយ និងមានឱកាសទទួលបានការសង្គ្រោះពីដួងចិត្តដែលមានកំហឹងជាទម្ងន់ និងទង្វើផ្សេងៗទៀតដែលអាចកើតមានជាបន្ដបន្ទាប់ផងដែរ ។
… ព្រះអម្ចាស់តម្រូវឲ្យយើងអភ័យទោសឲ្យមនុស្សទាំងអស់ដើម្បីជាប្រយោជន៍ដល់យើងខ្លួនឯង ។ ប៉ុន្តែ ទ្រង់ពុំសុំឲ្យយើងធ្វើវាដោយមិនមានជំនួយពីទ្រង់ សេចក្ដីស្រឡាញ់ និងព្រះតម្រិះរបស់ទ្រង់ឡើយ ។ តាមរយៈសេចក្ដីសញ្ញារបស់យើងជាមួយនឹងទ្រង់ យើងម្នាក់ៗអាចទទួលបានអំណាចនៃការពង្រឹង ការដឹកនាំ និងជំនួយដែលយើងត្រូវការដើម្បីអភ័យទោសឲ្យគេផង និងទទួលបានការអភ័យទោសផង ។ …
… ទ្រង់មានបន្ទូល ៖ « ព្រះវិញ្ញាណព្រះអម្ចាស់សណ្ឋិតលើខ្ញុំ ពីព្រោះទ្រង់បានចាក់ប្រេងតាំងខ្ញុំ ឲ្យផ្សាយដំណឹងល្អដល់មនុស្សទ័លក្រ ទ្រង់បានចាត់ខ្ញុំឲ្យមក ដើម្បីនឹង ប្រោសមនុស្សដែលមានចិត្តសង្រេងហើយប្រកាសប្រាប់ពីសេចក្តីប្រោសលោះដល់ពួកឈ្លើយ និងសេចក្តីភ្លឺឡើងវិញដល់មនុស្សខ្វាក់ ហើយឲ្យ ដោះមនុស្សដែលត្រូវគេជិះជាន់ឲ្យរួច » [ លូកា ៤:១៨; បន្ថែមការសង្កត់ន័យ ] ។
ទ្រង់ប្រទានការព្យាបាល ការជាសះស្បើយ និងការរំដោះ ដល់អស់អ្នកណាដែលមានចិត្តសង្រេង ជាប់ឃុំឃាំង ត្រូវគេជិះជាន់ និងប្រហែលជាខ្វាក់ ដោយសារតែការឈឺចាប់ ឬអំពើបាប ។ ខ្ញុំសូមថ្លែងទីបន្ទាល់ថា ការព្យាបាល និងការជាសះស្បើយដែលទ្រង់ប្រទានឲ្យគឺមានពិតមែន ។ …
ព្រះយេស៊ូវគ្រីស្ទគឺជាព្រះមែស៊ីផ្ទាល់ខ្លួនរបស់បងប្អូន ជាព្រះប្រោសលោះ និងព្រះអង្គសង្គ្រោះដ៏ជាទីស្រឡាញ់របស់បងប្អូន ដែលជ្រាបរាល់ការអង្វរករក្នុងដួងចិត្តរបស់បងប្អូន ។ ទ្រង់សព្វព្រះទ័យឲ្យបងប្អូនទទួលបានការព្យាបាល និងមានសុភមង្គល ។ ទ្រង់ស្រឡាញ់បងប្អូន ។ ទ្រង់ព្រះកន្សែងជាមួយបងប្អូននៅក្នុងទុក្ខសោករបស់បងប្អូន ហើយអរព្រះទ័យក្នុងការធ្វើឲ្យបងប្អូនបានជាសះស្បើយ ។ សូមឲ្យយើងមានសេចក្ដីសង្ឃឹម និងទទួលយកព្រះហស្ដដែលប្រកបដោយសេចក្ដីស្រឡាញ់របស់ទ្រង់ដែលតែងតែលាតសន្ធឹង នៅពេលយើងដើរនៅលើគន្លងព្យាបាលនៃការអភ័យទោស នេះ ។