« ចូលមកកាន់តែជិតព្រះអង្គសង្គ្រោះ—សេចក្តីដកស្រង់ » ដើម្បីកម្លាំងនៃយុវជន ខែ វិច្ឆិកា ឆ្នាំ ២០២២ ។
ចូលមកកាន់តែជិតព្រះអង្គសង្គ្រោះ
សេចក្តីដកស្រង់
យើងដឹងថា នៅពេលសេចក្ដីអាក្រក់កើនឡើងនៅក្នុងពិភពលោកនេះ នោះការរស់រានខាងវិញ្ញាណរបស់យើង និងការរស់រានខាងវិញ្ញាណរបស់មនុស្សដែលយើងស្រឡាញ់ នឹងតម្រូវឲ្យយើងថែទាំ ការពារ និងពង្រឹងឫសគល់នៃសេចក្ដីជំនឿរបស់យើងលើព្រះយេស៊ូវគ្រីស្ទឲ្យបានកាន់តែខ្លាំងជាងមុនទៅទៀត ។ …
ដូចដែលយើងដឹងច្បាស់ហើយថា ការមានសេចក្ដីជំនឿលើព្រះយេស៊ូវគ្រីស្ទ និងការធ្វើជាសិស្សពិត គឺលើសពីការសម្រេចចិត្តតែមួយដង—លើសពីព្រឹត្តិការណ៍ដែលកើតឡើងតែមួយដងទៅទៀត ។ វាគឺជាដំណើរការដ៏ពិសិដ្ឋ ដែលបន្ដដុះដាល និងរីកចម្រើនតាមរដូវកាលនៃជីវិតរបស់យើង ហើយវាបន្ដមានរហូតដល់យើងលុតជង្គង់នៅឯព្រះបាទារបស់ទ្រង់ ។
ដោយមានស្រូវសាលីធំឡើងជាមួយនឹងស្រងែនៅក្នុងពិភពលោកនេះ តើយើងអាចពង្រីក និងពង្រឹងការតាំងចិត្តរបស់យើងចំពោះព្រះអង្គសង្គ្រោះនៅថ្ងៃខាងមុខតាមរបៀបណាទៅ ?
នេះគឺជាយោបល់ចំនួនបី ៖
ទីមួយ យើងអាចជ្រមុជខ្លួនយើងទៅក្នុងព្រះជន្មរបស់ព្រះយេស៊ូវ ការបង្រៀន មហិទ្ធិឫទ្ធិ ព្រះចេស្ដា និងពលិកម្មដ៏ធួនរបស់ទ្រង់ ។
បន្ទាប់ កាលណាយើងស្គាល់ និងស្រឡាញ់ព្រះអង្គសង្រ្កោះកាន់តែខ្លាំង នោះយើងប្រាថ្នាចង់សន្យានឹងទ្រង់ថា យើងនឹងថ្វាយភក្ដីភាព និងទីទុកចិត្តរបស់យើងទៅទ្រង់កាន់តែច្រើនជាងមុន ។ យើងចុះសេចក្ដីសញ្ញាជាមួយនឹងទ្រង់ ។ …
ការចុះ និងការរក្សាសេចក្ដីសញ្ញាអនុញ្ញាតឲ្យសេចក្ដីស្រឡាញ់របស់ព្រះអង្គសង្គ្រោះលិចកាន់តែជ្រៅទៅក្នុងដួងចិត្តរបស់យើង ។ …
ជាចុងបញ្ចប់ យោបល់ទីបីរបស់ខ្ញុំគឺ ៖ នៅក្នុងកិច្ចខិតខំដ៏ពិសិដ្ឋនេះ យើងឲ្យតម្លៃ គោរព ថែរក្សា ប្រុងប្រយ័ត្ន និងការពារចំពោះអំណោយទាននៃព្រះវិញ្ញាណបរិសុទ្ធ ។ …
… កាលបងប្អូនអនុញ្ញាតឲ្យក្ដីស្រឡាញ់របស់បងប្អូនចំពោះព្រះអង្គសង្គ្រោះ និងក្ដីស្រឡាញ់របស់ទ្រង់ចំពោះបងប្អូន មានឥទ្ធិពលយ៉ាងខ្លាំងលើអារម្មណ៍ផ្លូវចិត្តរបស់បងប្អូន នោះខ្ញុំសូមសន្យាថា បងប្អូននឹងមានទំនុកចិត្ត សេចក្ដីសុខសាន្ដ និងអំណរបន្ថែមទៀត ពេលជួបនឹងឧបសគ្គក្នុងជីវិតរបស់បងប្អូន ។