« នឹមរបស់ទ្រង់ងាយ ហើយបន្ទុករបស់ទ្រង់ក៏ស្រាល—សេចក្តីដកស្រង់ » ដើម្បីកម្លាំងនៃយុវជន ខែ វិច្ឆិកា ឆ្នាំ ២០២២ ។
នឹមរបស់ទ្រង់ងាយ ហើយបន្ទុករបស់ទ្រង់ក៏ស្រាល
សេចក្តីដកស្រង់
មានសុន្ទរកថាជាច្រើនដែលបានថ្លែងដោយថ្នាក់ដឹកនាំសាសនាចក្ររបស់យើងអំពី សេចក្តីសប្បុរស ការរួបរួមគ្នា សេចក្តីស្រឡាញ់ សន្ដានចិត្តល្អ សេចក្តីអាណិតអាសូរ ការអភ័យទោស និងសេចក្តីមេត្តាករុណា ។ ខ្ញុំជឿថាព្រះអង្គសង្រ្គោះកំពុងអញ្ជើញយើងឲ្យរស់នៅតាមរបៀបដែលកាន់តែខ្ពស់ និងកាន់តែបរិសុទ្ធមួយជារបៀប នៃសេចក្តីស្រឡាញ់ របស់ទ្រង់ដែល មនុស្សទាំងអស់ អាចមានអារម្មណ៍ថា ពួកគេពិតជាមានចំណែក និងត្រូវការ ។
ពួកយើងត្រូវបានបង្គាប់ឲ្យ ស្រឡាញ់ អ្នកដទៃ មិនត្រូវវិនិច្ឆ័យពួកគេឡើយ ។ ចូរយើងដាក់បន្ទុក ដ៏ធ្ងន់នោះចុះ វាពុំមែនជារបស់យើងនោះទេ ។ យើងអាចរើសយកនឹមនៃសេចក្ដីស្រឡាញ់ និងសេចក្ដីមេត្តារបស់ព្រះអង្គសង្គ្រោះជំនួសវិញ ។ …
… អស់អ្នកដែលទ្រង់បានពាល់ បានទទួលអារម្មណ៍ពី សេចក្តីស្រឡាញ់របស់ទ្រង់ ហើយសេចក្តីស្រឡាញ់នោះបានព្យាបាល និងផ្លាស់ប្តូរពួកគេ ។ សេចក្តីស្រឡាញ់របស់ទ្រង់ បានបំផុសគំនិតពួកគេឲ្យ មានបំណង ផ្លាស់ប្តូរជីវិតរបស់ពួកគេ ។ ការរស់នៅតាមរបៀប របស់ទ្រង់ នាំមកនូវអំណរ និងភាពសុខសាន្ត ហើយទ្រង់ បានអញ្ជើញអ្នកដទៃមក រស់នៅតាមរបៀប នោះ ដោយភាពទន់ភ្លន់ សន្តានចិត្តល្អ និងសេចក្តីស្រឡាញ់ ។
… នៅពេលយើងរៀនធ្វើបន្ដបន្ទាប់តាមអ្វីដែលទ្រង់បានសុំឲ្យធ្វើ—ពុំមែនព្រោះតែកាតព្វកិច្ច ឬដើម្បីទទួលបានពរជ័យដែលយើងអាចទទួល នោះទេ ប៉ុន្តែដោយក្តីស្រឡាញ់ដ៏បរិសុទ្ធចំពោះទ្រង់ និងព្រះវរបិតាសួគ៌របស់យើង—សេចក្តីស្រឡាញ់របស់ទ្រង់នឹងបង្ហាញតាមរយៈយើង ហើយមិនត្រឹមតែអាចធ្វើឲ្យអ្វីៗដែលទ្រង់បង្គាប់អាចសម្រេចបានប៉ុណ្ណោះទេ ប៉ុន្តែនៅទីបំផុត វាកាន់តែងាយស្រួល និងស្រាលជាងមុន ហើយរីករាយជាងដែលយើងនឹកស្មានដល់ទៅទៀត ។ …
… មនុស្សគ្រប់រូប ចាំបាច់ត្រូវដឹងថាពួកគេ ពិតជា មានចំណែក ហើយ ត្រូវការ នៅក្នុងតួអង្គនៃព្រះគ្រីស្ទ ។ ក្ដីប្រាថ្នាដ៏ធំបំផុតរបស់សាតាំង គឺដើម្បីបំបែកបុត្រាបុត្រីរបស់ព្រះ ហើយវាទទួលជោគជ័យខ្លាំងណាស់ ប៉ុន្តែការរួបរួមគ្នាមានអំណាចដ៏អស្ចារ្យណាស់ ។ ហើយយើងពិតជាត្រូវធ្វើការរួមគ្នា ជួយគាំទ្រគ្នាក្នុងដំណើរដ៏លំបាកនៃជីវិតរមែងស្លាប់នេះ !