« ការមើលឃើញព្រះយេស៊ូវគ្រីស្ទកាន់តែច្បាស់នៅក្នុងជីវិតរបស់យើង—សេចក្តីដកស្រង់ » ដើម្បីកម្លាំងនៃយុវជន ខែ វិច្ឆិកា ឆ្នាំ ២០២២ ។
ការមើលឃើញព្រះយេស៊ូវគ្រីស្ទកាន់តែច្បាស់នៅក្នុងជីវិតរបស់យើង
សេចក្តីដកស្រង់
ដើម្បីជួយយើងឲ្យបន្ដនៅជាប់ ហើយឆ្ពោះទៅរកទិសដៅត្រឹមត្រូវ នោះព្រះអង្គសង្គ្រោះអញ្ជើញយើងឲ្យមើលមកជីវិតរបស់យើង តាមរយៈទ្រង់ ដើម្បីមើលឃើញ ទ្រង់កាន់តែច្បាស់ឡើង នៅក្នុងជីវិតរបស់យើង ។…
ក្នុងនាមជាអ្នកជឿគ្រីស្ទានពីមុនមកស្រាប់ ខ្ញុំបានប្រឈមមុខនឹងមនុស្សជាច្រើនដែលបានសង្កេតឃើញ និងបានឃើញការផ្លាស់ប្ដូរឥរិយាបថ ការអនុវត្ត និងជម្រើសរបស់ខ្ញុំ បន្ទាប់ពីខ្ញុំបានជ្រើសរើសចូលរួមក្នុងសាសនាចក្រ ។ …
… តាមរយៈការខិតខំដ៏ហ្មត់ចត់ដើម្បី មើលទៅ និងស្វែងរក ព្រះយេស៊ូវគ្រីស្ទដោយនូវគ្រប់ទាំងគំនិត និងទង្វើរបស់ខ្ញុំ នោះភ្នែករបស់ខ្ញុំបានភ្លឺឡើង ហើយការយល់ដឹងរបស់ខ្ញុំបានឆាប់ទទួលស្គាល់ថា ព្រះយេស៊ូវគ្រីស្ទបានហៅខ្ញុំឲ្យ « មករកទ្រង់ » ។ …
នៅពេលនោះ ខ្ញុំបានដឹងដូចដែលខ្ញុំដឹងនៅពេលនេះថា ព្រះអង្គសង្គ្រោះរបស់យើង គឺព្រះយេស៊ូវគ្រីស្ទ នាំជើងរបស់យើងឲ្យមកកាន់សាលាប្រជុំរាល់សប្ដាហ៍ដើម្បីទទួលទានសាក្រាម៉ង់របស់ទ្រង់ មកកាន់ព្រះដំណាក់របស់ព្រះអម្ចាស់ដើម្បីចុះសេចក្ដីសញ្ញាជាមួយទ្រង់ មករកព្រះគម្ពីរ និងការបង្រៀនរបស់ព្យាការីដើម្បីរៀនពីព្រះបន្ទូលរបស់ទ្រង់ ។ ទ្រង់បណ្ដាលឲ្យមាត់របស់យើងថ្លែងទីបន្ទាល់អំពីទ្រង់ ឲ្យដៃយើងលើកស្ទួយ និងបម្រើដូចដែលទ្រង់នឹងលើកស្ទួយ និងបម្រើ ឲ្យភ្នែកយើងមើលឃើញពិភពលោកនេះ និងមើលឃើញគ្នាទៅវិញទៅមកដូចដែលទ្រង់ទតឃើញ—« តាមដែលមាននៅពេលនេះ ហើយ … តាមដែលនឹងមាននៅពេលខាងមុខ » [ យ៉ាកុប ៤:១៣ ] ។ ហើយកាលយើងអនុញ្ញាតឲ្យទ្រង់ដឹកនាំយើងនៅក្នុងគ្រប់ការណ៍ទាំងអស់ នោះយើងនឹងទទួលបានទីបន្ទាល់ថា « គ្រប់ការណ៍ទាំងអស់បង្ហាញថា មានព្រះមួយអង្គមែន » [ អាល់ម៉ា ៣០:៤៤ ] ដោយសារត្រង់ណាដែលយើងស្វែងរកទ្រង់ ត្រង់នោះយើងនឹងរកឃើញទ្រង់ ។