« គោលលទ្ធិនៃការមានចំណែក—សេចក្តីដកស្រង់ » ដើម្បីកម្លាំងនៃយុវជន ខែ វិច្ឆិកា ឆ្នាំ ២០២២ ។
គោលលទ្ធិនៃការមានចំណែក
សេចក្តីដកស្រង់
ខ្ញុំចង់និយាយអំពីអ្វីដែលហៅថា គោលលទ្ធិនៃការមានចំណែកនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ …
… យើងមិនអនុញ្ញាតឲ្យការរើសអើងជាតិសាសន៍ ការរើសអើងកុលសម្ព័ន្ធ ឬការបែងចែកផ្សេងៗកើតមាននៅក្នុងសាសនាចក្រនៃព្រះគ្រីស្ទនាថ្ងៃចុងក្រោយនេះឡើយ ។…
អារម្មណ៍នៃការមានចំណែកមានសារៈសំខាន់ចំពោះសុខុមាលភាពផ្លូវកាយ ផ្លូវចិត្ត និងវិញ្ញាណរបស់យើង ។ ប៉ុន្តែជួនកាលយើងម្នាក់ៗអាចមានអារម្មណ៍ថាយើងមិនស៊ីចង្វាក់នឹងគេ ។ …
សូមយើងទុកការជំនុំជម្រះក្នុងព្រះហស្តព្រះអម្ចាស់ និងបុគ្គលដែលទ្រង់បានចាត់តាំង ហើយត្រូវចូលចិត្តស្រឡាញ់ និងប្រព្រឹត្តល្អចំពោះគ្នាឲ្យអស់ពីសមត្ថភាព ។ …
ផ្នែកទីពីរនៃគោលលទ្ធិនៃការមានចំណែកនេះ គឺទាក់ទងនឹងការលះបង់របស់យើងផ្ទាល់ ។ ទោះបីយើងមិនសូវគិតអំពីវាក្ដី ភាគច្រើន ការមានចំណែករបស់យើងបានមកពីការបម្រើ និងការលះបង់របស់យើងសម្រាប់អ្នកដទៃ និងព្រះអម្ចាស់ ។ …
សមាសធាតុចុងក្រោយ និងសំខាន់បំផុតនៃគោលលទ្ធិនៃការមានចំណែកនេះ គឺជាតួនាទីដ៏សំខាន់របស់ព្រះយេស៊ូវគ្រីស្ទ ។ វាសំខាន់ណាស់ ដែលយើងពុំចូលរួមសាសនាចក្រសម្រាប់តែមិត្តភាពតែម៉្យាងនោះទេ ។ យើងចូលរួមដើម្បីការប្រោសលោះ តាមរយៈសេចក្តីស្រឡាញ់ និងព្រះគុណរបស់ព្រះយេស៊ូវគ្រីស្ទ ។ យើងចូលរួមដើម្បីទទួលពិធីបរិសុទ្ធនៃសេចក្ដីសង្គ្រោះ និងភាពតម្កើងឡើងសម្រាប់ខ្លួនយើង និងមនុស្សដែលយើងស្រឡាញ់នៅទាំងសងខាងនៃវាំងនន ។ យើងចូលរួមដើម្បីរួមចំណែកក្នុងផែនការដ៏មហិមា ដើម្បីស្ថាបនាក្រុងស៊ីយ៉ូនក្នុងការរៀបចំសម្រាប់ការយាងមកវិញរបស់ព្រះអម្ចាស់ ។