« ថ្ងៃនេះ—សេចក្តីដកស្រង់ » ដើម្បីកម្លាំងនៃយុវជន ខែ វិច្ឆិកា ឆ្នាំ ២០២២ ។
ថ្ងៃនេះ
សេចក្តីដកស្រង់
ខ្ញុំកាន់ព្រះគម្ពីរមរមនមួយក្បាលនៅក្នុងដៃរបស់ខ្ញុំ ។ នេះជាកំណែបុរាណឆ្នាំ ១៩៧០ របស់ខ្ញុំ ហើយវាមានតម្លៃចំពោះខ្ញុំណាស់ ។ មើលរូបរាងវា ទៅចាស់ ហើយទក់ខ្លាំងណាស់ ប៉ុន្តែគ្មានសៀវភៅណាដែលសំខាន់ចំពោះជីវិតខ្ញុំ និងទីបន្ទាល់ខ្ញុំ ដូចសៀវភៅនេះទេ ។ ដោយការអានសៀវភៅនេះ ខ្ញុំបានទទួលសាក្សីតាមរយៈព្រះវិញ្ញាណថា ព្រះយេស៊ូវគ្រីស្ទ ជាព្រះរាជបុត្រានៃព្រះថាទ្រង់ជាព្រះអង្គសង្គ្រោះរបស់ខ្ញុំ ថាបទគម្ពីរទាំងនេះគឺជាព្រះបន្ទូលនៃព្រះ ហើយថាដំណឹងល្អគឺបានស្ដារឡើងវិញ ។ …
« ថ្ងៃនេះ » អ្នកផ្សព្វផ្សាយសាសនាមួយរូបក្នុងចំណោមអ្នកផ្សព្វផ្សាយសាសនាដ៏អស្ចារ្យបំផុតនៃព្រះគម្ពីរមរមនគឺប្រធាន រ័សុល អិម ណិលសុន ។ …
… លោកបានឲ្យព្រះគម្ពីរមរមនទៅកាន់មនុស្សរាប់រយនាក់ ហើយតែងតែថ្លែងទីបន្ទាល់របស់លោកពីព្រះយេស៊ូវគ្រីស្ទជានិច្ច ។ …
ព្យាការីនៅរស់របស់យើងកំពុងធ្វើចំណែករបស់លោកក្នុងការចែកចាយព្រះគម្ពីរមរមនឲ្យជោរជន់ពាសពេញលើផែនដី ។ ប៉ុន្តែលោកមិនអាចធ្វើឲ្យជោរជន់តែម្នាក់លោកបានទេ ។ យើងត្រូវធ្វើតាមការដឹកនាំរបស់លោក ។ …
… ខ្ញុំសូមអញ្ជើញបងប្អូន ថ្ងៃនេះ ឲ្យជូនព្រះគម្ពីរមរមនទៅមិត្តភក្ដិ និងគ្រួសារ មិត្តភក្តិធ្វើការជាមួយគ្នា គ្រូបង្វឹកបាល់ទាត់ ឬអ្នកលក់ដូរនៅផ្សាររបស់បងប្អូន ។ ពួកគាត់ត្រូវការព្រះបន្ទូលនៃព្រះអម្ចាស់ដែលមាននៅក្នុងព្រះគម្ពីរនេះ ។ …
ខ្ញុំសូមថ្លែងទីបន្ទាល់ថា តាមរយៈការរចនាដ៏ទេវភាព ព្រះគម្ពីរមរមនត្រូវបានរៀបចំឡើងនៅទ្វីបអាមេរិកកាលពីបុរាណ ដើម្បីចេញមកប្រកាសព្រះបន្ទូលរបស់ព្រះ ដើម្បីនាំព្រលឹងជាច្រើនមករកព្រះអម្ចាស់ ព្រះយេស៊ូវគ្រីស្ទ និងដំណឹងល្អដែលបានស្ដារឡើងវិញរបស់ទ្រង់ « ថ្ងៃនេះ » ។