“Miala voly kely,” Ho zatovo mahery! Jolay 2023.
Miala voly kely
Lalana mifampidipiditra hizarana vaovao tsara
Nitsangana tamin’ny maty i Kristy ary anjaranao izao no mizara ilay vaovao mahafaly amin’ny olona faran’izay betsaka azo atao. Lalovy ny olon-drehetra eny amin’ireo lalana ao Jerosalema eo am-pivoahanao ny tanàna tsy an-kiverin-dalana.
Tadiavo ireo zavatra tsy mitovy
Iza amin’ireo ondry ireo no tsy mitovy amin’ny hafa?
Pitik’oram-panala amin’ny ririnina na fahavaratra
Nahary ny tany sy ny zava-drehetra ao amin’izany teo ambany fitarihan’ny Ray any An-danitra i Jesoa Kristy. Anisan’izany ny oram-panala. Any amin’ireo toerana sasany eto ambonin’ny tany toa an’ny faritra sasany ao Afrika Atsimo, Arzantina, Aostralia ary Chili dia misy oram-panala ny tany ny volana jolay. Ary na dia mafana sy mibaliaka masoandro aza any amin’ny toeram-ponenanao dia mbola afaka manamboatra pitik’oram-panala ianao!
-
Atombohy amin’ny sombin-taratasy efamira iray.
-
Aforeto eo amin’ny fisasahany ilay taratasy mba hanaovana telozoro ary aforeto eo amin’ny fisasahany indray avy eo.
-
Aforeto ho eo amin’ny ampaha-telony avy eo anoloana sy avy ao ambadika ilay telozoro.
-
Hetezo ireo sisiny matsoko eny ambony.
-
Avelao hiforitra hatrany ilay taratasy ary hetezo araka ny endriny nosafidianao.
-
Velaro ilay taratasy mba hamoaka ny pitik’oram-panalanao.
Afaka mamorona izay endriny tianao manokana ianao na misafidy ny hanaraka ny sasany amin’ireto maodely ireto!
Tantara an-tsary
Vonona ve ianao ny hanadio ity morontsiraka ity mba hisian’ny toerana ho an’ny fivoriam-pianakaviantsika?
Arie Van de Graaff
Valiny
Lalana mifampidipiditra hizarana vaovao tsara: Jereo etsy ambany. Tsy ity irery no hany valiny marina ho an’ity lalana mifampidipiditra ity. Raha efa nolalovanao avokoa ny olona tsirairay sy tody hatramin’ny farany, tsy an-kiverin-dalana, dia vitanao araka ny tokony ho izy ilay izy!
Tadiavo ireo zavatra tsy mitovy: Ilay ondry fahatelo avy eny ambany no hafa amin’ny rehetra. Olioly ny volony ary manga ny fehi-tendany fa ireo ondry hafa ambiny kosa dia olioly volo ary mena ny fehi-tendany. Ireo ondry tso-bolo kosa dia manga ny fehi-tendany.