Likilik Pahrek
Likih Kauno iei likih Sapwellime ansou oh ahniki kanengamah oh nan nanti nan apwal kan.
Nait pwutak Dan sou mwahu da nan ah papah nan Africa oh wisiklahng ni imwen wini ehu me sohte itar dipwsoun doadoahk. Tepin aht alehdi kisin likou sang re, se leme me e pahn ahnkilahr soukoapwoaroapwoar, ahpw ihme e nda, “Me ndahte ei mihmi nan person emergency, mie meleilei REHI. Ehdin ahi mehn soangen peren mei kehn ansou o.
Ngehi ei pwoud sengseng ansou me se wadek kisin likou o. Nannatihte oh kehlailkihda peren. Se saikinte rong wehwehn peren ni soangen mwohmwo, ahpw se kamehlele ah mahsenko. Kiht ese me peren me e kawehwehu sohte kaperenih de kalaudehla insen ahpw meleilei oh popohl kin kohdo sang ni aht mweidehng Koht nan aht mour oh kiheng aht likilik ni mehkoaros.1 Kitail koaros lelohng ehr nan irair kan me Koht kin ketkihdo meleilei oh sewesei kitail en koapeoaroapwoarki Krais nan ansou apwal kan.2
Lehi padahngki me ma Adam oh Eve sohte pwupwidi “e pahn sohte dipara pwe Ira sohte pahn ahniki popohl, pwe ira sohte pahn ese dahkot nsensuwed; …
“Ahpw kilang, mehkoaros wiawiher nin duwen erepit en ih me ketin mwahngi mehkoaros.
“Adam pwupwila pwe aramas en kak miehda, pwe irail en kak ahneki popohl.”3
Ni wiepe sohte kesik pe, kahpwal oh nsensuwed kan kin Kauno kitailda en kak kehn popohl ma kitail pahn likih Kauno oh sapwelime koasoandi ohng kitail. Mehlel wet kasansalda mwahu ni senturi 13: “Insensuwed kin kaunopehng popohl. E kin kihsang soangen koaros me kedirapwa nan imwomw, pwe popohl en kak dierek. E kin kihsang tehn tuke menglahr kan nan ahmw mohngiong, pwe me kapw kan en kak osada. E pahn kihsang kalowe me olahr kan, pwe me kapw kan en kak mie dawarail. Soangen kan koaros me kin ka nsensuwed ih ahmw mohngiong, me mwahu kan pahn weliandi.”4
Preseden Russell M. Nelson padahkier, “Popohl me sounkomouro ketkihda [kitahil] … kin duduehte, met sansal ehng kitahil me atahil kapwal kan pahn kin mie ahpw ansou tehkis’ [Doctrine and Covenants 121:7] oh kin kasarawih ohng atail pai.”5 Atahil kahpwal kan oh kasongosong kan kak wiahda ahlen popohl.6
Rongamwahuet sohte padahkihionh kitail me mour wet pahn mengei ahpw e pahn mie kahrepe oh wehweh—mour iu me kansensuwed oh kahpwal kan pahn “sohrala pwei Krais.”7 Pein Koht ketin mahsanih, “Sampah pahn kalokei kumwail ahpw kumwail koapwoaroapwoar, pwe I kalowedier Sampah.”8 Rongamwahuet iei rongamwahu en popohl. Ma nsensewed pahn patehng koapeoaroapwoarki rehn Sides Krais e wehwehki me e pahn mie popohl.
Seiloak en mehn Jared kan kak wia mehn karasaras ohng kitail duwen seiloak en mour wet. Kauno inoukihong rien Jared pwutak o me e pahn kahluwairaillahng wasa me keiu mwahu nan sampah.”9 Eh poakongkihieng irail en wiahda kisin sohp keiu, oh re peikiong oh wiahda sohp ko nin duwen kaweid me kohieng irail. Ahpw ni ansou me doadoahk wet wihwiawi, rien Jared pwutako pwunodiki sapwellimen Kauno koasoandi ong marain en nan sohp kan sohte itar. E kapakap oh mahsanih:
“Maing Kaun, I wiadahr sohp pwukat nin duwen dahme komwi kupwurki.
“Oh maing Kaun, komwi mwangih me sohte mehn kamarainih loale.”10
“Maing Kaun, komwi kupwurki sen kotehla sehd wet nan rotorot?”11
Miehier pak ehu me ke kapakap ohng Kauno sang nan ahmw mohngiong unsek nin duwe met? Ansou me ke kin nantihiong en kapwaiada sapwelime Kauno kosonned kan ahpw sohte lel dahme kesik pe, miehier pak ehu me ke medewe ma ke pahn wia seiloak en mour wet nan rotorot?12
Rien Jared pwutako ahpw kasalehda ire ehu me inenen laud duwen arail kak en pitila momour nan sohp kau. E nda, “Oh se pahn mehla, pwe se sohte kak esingek nan sohp pwukat.”13 Miehier pak ehu me kahpwal kan kin kahrehda ahmw sohte kak esingek mwahu de kahrehda ahmw kin medewe ia mwomwen ahmw kak kanekehla rahno, de pil ia mwomwen ahmw kak pwurala nanleng?
Kauno sewesei rien Jared en apwaliala apwal pwukat Eh ahpw mahsanih, “Kumwail sohte kak kotehla madauet ihte ma I kaunopadaahl] ohng kumwail en kotehla ilok, kisinieng,oh lapake laud kan me pahn kohdo.”14
Kauno kawehwehionh irail mehn Jared kan me re sohte kak lelahng sapwen inou o ma sohte Ih. Kaidehn irail me wihwia, ma re men kotehla madawo re anyone likih Ih. Soahng koaros me Kauno kapehmihki rien Jared pwutak inenen kalaudehla eh pwoson oh likih Kauno.
Ke kak kilang mwomwen ah kapakap kan eh wekdeksang kapakap en kalelapak oh pwunod ohng pwoson oh likilik:
“I ese, Maing Kaun, me komw sapwellimanki manaman koaros, oh wia mehkoaros me wia kamwahu pat; …
“Maing Kaun komw kak wia met. Kiht ese me komw kak kasalehda manaman laud, me kiht aramas sohte kak wehwehki.”15
E kileldier me irail mehn Jared kan “doudahngehr nan … sohp kan, oh tapiada arail seiloak, kepkepingaKauno arail Koht.”16 Pwehn kapinga iei en likih oh nweidong meh koaros. Mehn Jared ko sohte doukihda nan sohpko pwei re esehier dahme pahn wiawi nan arail seiloak. Re doulong pwehki re eselahr likih sapwelimen Kauno manaman, mwahu, oh Karen, oh re mweidohng ehr Kauno meh koaros.
Lingkapwante nehin nahit seri pwutak Abe periki dake ehu mehn piripir mahn me kin kohda oh pil kohdi. E mwahuki ehu me sohte kin mwokid. Ah nohno kahlap apwtehn panawihki me e sohte keper, eri pwehki, koapwoaroapoar me mih re, e mweseldahier. Ih eri sapeng iangaki ehu lapalahn sirei, “I sohte kehn me Ih pitila, ahpw ih pitila.” Mwhin ele ih soahng me mehn Sared ko pehmada. Likih Kouno sohte kin pweida mwahu ni tepio, ahpw mie popohl kin pwarada.
Seilok o sohte mengei ohng mehn Sahred ko. “Pak tohto wererail sohp kan kin kihrkihla ilok laud kan.”17 Ahpw “kisinieng sohte udihsang wairail lahng sapwen inou.”18 Mendahte kahpwal en kisineng oh ilok laud kan me kitail pahn lelohng, kitail kak diar peren pwehki kitail wehwehki me Koht pahn kahluwai kitail pwurala reh.
E kadokdoklahte oh mahsanih me, “Res ei seiloak kohwei, sohte nahn en nansed men kawerail la; oh nan sohp kan marmarain mendahte ma re mihmi powe de pahn sehd.”19 Kitail mihmi nan mour iu me mehla, soumwahu en paliwar kan, oh kahpwal oh kasongsong laud kin lelohng kitail. Ahpw, sang ni pwoson Sides Krais oh likih Ih, kitail kak ahniki marain powe de pil pahn sehd. Kitail kak ahniki pwoson me Kauno pahn sohte uhdisang kahluwai kitail lang sapwen inou o.
Ni arail wie seiseiloak mehn Jared kan “wia koul en making ohng Kauno; … oh [re] kapinga Kauno rahno pwon; pil lel ni sputik, re sohte uhdisang arail kaping.”20 Re kehn ngenen popohl oh kaping mendahte arail mihmi nan apwal. Irail saik lel nan sahpw en inouo, ahpw irail wie perepereniki kapai en inou kan pwehki sang ni arail duduhwehte oh kehlailki likilik me irail ahniki ong Ih.21
Mehn Jared ko seiseiloak ki rahn 344.22 Ke kak medewe mwomwen koasoandi wet? Likih Kauno iei likih Sapwelime ansou oh ahniki kanengamah oh nan nanti nan apwal kan.23
Mehn Jared ko, “lelahng ehr nan sapwen inou. Ansou re lel pohn oaroahr o re ahpw poardi oh karakarahkala mwohn Kauno, oh kepinga Kauno, pwehki sapwelime kupwur kalahngan ohng irail.”24
Ma kitail pahn loaloapwoat en kolokol atail inou kan, kitail pahn pwurala reh oh poardi mwohn Kauno oh kepingahki sapwelime kupwur kalahngan ohng kitail, pil iangahki kahpwal kan me elehiong kitail en ahniki popohl.25
I kadehdehki me ma kitail pahn likih Sises Krais ni mehlel oh sapwelime koasoandi ohng kitail, e pahn kapaikin kitail da popohl oh meleilei, oh ketkihiong kitail “koapeoaroapwoarki en komourla.”26
I kadehdehki me Sises iei Krais. Ih me utuhn popohl koaros.27 .28 Ihme wia kamarain, mour, oh koapwoaroapwoar ohng sampah.29 E sohte pahn mweidohng kitail en salongala.30 Ni mwaren Sises Krais, ahmen.