Report ti Auditing Department iti Simbaan, 2021
Iti Umuna a Panguluen ti Ti Simbaan ni Jesucristo dagiti Santo iti Ud-udina nga Aldaw
Patpatgen a Kakabsat: Iturong ti paltiing, kas nairekord iti benneg 120 ti Doktrina ken Katulagan, ti Konseho iti Pannakailako dagiti Sanikua a Naikkan iti Apagkapullo a buklen ti Umuna a Panguluen, ti Korum dagiti Sangapulo-ket-dua nga Apostol, ken ti Presiding Bishopric—mangipalubos iti pannakabusbos dagiti pundo ti Simbaan. Ti entidad iti Simbaan ti mangbayad manipud kadagiti pundo a mayannurot kadagiti naaprobaran a badyet, annuroten, ken procedure.
Ti Church Auditing, a buklen dagiti propesional nga addaan kredensial ken di agpannuray iti dadduma pay a department ken entidad iti Simbaan, addaan pagrebbengan nga ag-awdit iti panggep a makaited iti panagtalged maipanggep kadagiti kontribusion a naawat, pakaseknan ti naggastuan, ken panangsaluad iti assets ti Simbaan.
Maibatay iti panag-awdit, ti Church Auditing addaan iti opinion nga, iti amin a napateg a detalye, dagiti naawat a kontribusion, naggastusan, ken assets ti Simbaan para iti tawen 2021 ket nairekord ken natarawidwidan a mayannurot kadagiti naaprobaran a badyet ti Simbaan, pannakakuenta, ken annuroten. Sursuroten ti Simbaan dagiti practice a naisuro kadagiti miembrona iti panagbiag iti adda a badyet, di agutang, ken agurnong para iti panawen ti panagkasapulan.
Sidadayaw a naisumite,
Church Auditing Department
Jared B. Larson
Managing Director