Ripote ni Tabana ni Dikevi Fika ni Lotu, 2004
Ki na Mataveiliutaki Taumada ni Lotu i Jisu Karisito ni Yalododonu Edaidai
Kemuni na Veitacini: Na Tabana ni Dikevi Fika ni Lotu e tu vakataki koya ga mai na veitabacakacaka kece kei na veicakacaka, ka tu vua na dodonu me dikeva na itukutukuvolai kei na ivakarau ni cakacaka e ganita me raica kina ni sa lewai tiko vakamatau na ciqomi kei na vakayagataki ni ilavo ka taqomaki kina na iyauqaqa ni Lotu. O ira na vakailesilesi ni dikevi ivola era oka kina na daunifika vakaivola, daudikevi ivola, daudikevi ivola vakomupiuta, kei ira tale e so na kenadau ena veika vakaivola sa tu vei ira na kila ka vakacakacaka.
Me vaka e vakatakilai ena Wase 120 ni Vunau kei na Veiyalayalati, ena lewa na vakayagataki ni ilavo ni Lotu na Matabose ni Wasewasei ni iKatini. Na matabose oqo eratou lewena na Mataveiliutaki Taumada, na Kuoramu ni iApositolo Le Tinikarua, kei na Matabisopi Vakatulewa. Ni ra sa ciqoma na veivakadonui me ra vakayagataka na ilavo ni Lotu, era sa na qai vakayagataka na veitabacakacaka ni Lotu na ilavo vakarau sa vakadonui me baleti ira ka ra na vakayagataka ena kena ivalavala sa tu ena lawatu ni Lotu.
Ni yavutaki ena dikevi ivola a vakayacori, sa nanuma kina na Tabana ni Dikevi Fika ni Lotu, ena veika me baleta na iyauqaqa, na cau e ciqomi, na vakayagataki ilavo e vakayacori, kei na iyaubula ni Lotu me baleta na yabaki 2004 sa cakacakataki ka vakaivolataki me vaka na kena ivakarau e dodonu ena ivalavala ni maroroi ivola, na tuvailavo vakadonui, kei na lawatu kei na kena ivakarau.
Sa soli yani ena vakarokoroko,
Tabana ni Dikevi Fika ni Lotu
Robert W. Cantwell
Manidia Dairekita