Aoaoga a Taitai i le Lalolagi Atoa o le a Lolomiina

O matua autu mai le fonotaga faaleaoaoga a le au taitai i le lalolagi atoa ia Fepuari, o le a lolomi ma faasalalauina i le Liahona ma le Ensign o Iuni 2007. Ua fuafua e le Ekalesia ia maua e tagata uma o le Ekalesia le aoaoga, aua o le autu o le aoao atu ma le aoaoina mai e faatatau mo tagata uma o le Ekalesia.

O le taimi lona lua lea ua maua ai matua autu o fonotaga faaleaoaoga i mekasini. O le fonotaga faaleaoaoga i le tausaga na te’a nei, i le autu o le aiga, sa lolomiina i mekasini o Iuni 2006.

O failauga i le aoaoga e aofia ai Peresitene Thomas S. Monson, Fesoasoani Muamua i le Au Peresitene Sili; Peresitene Boyd K. Packer, Sui Peresitene o le Korama a Aposetolo e Toasefululua; ma Elder L. Tom Perry ma Elder Jeffrey R. Holland o le Korama a Aposetolo e Toasefululua.

O loo maua foi le faasalalauga ia Fepuari i le meliuila i le www.lds.org/broadcast e faalogologo ai i gagana e 10, ma le lomiga tusitusia i gagana e 24.