Aoaoga Mo O Tatou Taimi

O lesona a le Au Perisitua Mekisateko ma le Aualofa i Aso Sa lona fa, e taulai i “Aoaoga mo o Tatou Taimi.” E mafai ona saunia lesona taitasi mai se lauga se tasi pe sili atu foi na tuuina mai i le konafesi aoao aupito lata mai. E mafai e peresitene o siteki ma itu ona filifili pe o a lauga e tatau ona faaaoga, a le o lena, e mafai ona latou tuuina atu lenei matafaioi i epikopo ma peresitene o paranesi. E ao i taitai perisitua ona faamamafa atu le taua o le suesue e uso o le Au Perisitua Mekisateko ma tuafafine o le Aualofa nei lava lauga e tasi i Aso Sa foi na.

O i latou e auai atu i lesona o le Aso Sa lona fa ua uuna’ia ina ia suesue ma aumai i le vasega le mekasini o le konafesi aupito lata mai.

Fautuaga mo le Sauniaina o se Lesona mai Lauga

Tatalo ina ia faatasi le Agaga Paia ma oe a o e suesue ma aoao atu ia lauga. Atonu e i ai taimi e faaosoosoina ai oe e faaaoga nisi mea e sauni ai lau lesona, peitai o lauga o le konafesi o mataupu na ua faamaonia mo le aoaoina. O lou tofiga o le fesoasoani lea i isi e aoao ma ola i le talalelei, e pei ona aoaoina mai i le konafesi aoao aupito lata mai a le Ekalesia.

Toe faamanatu lauga, ma vaavaai mo mataupu ma aoaoga faavae e fetaui ma manaoga o tagata o le vasega. Ia vaavaai foi mo tala, o mau e faatatau i ai, ma faamatalaga mai lauga o le a fesoasoani ia te oe, e aoao atu ai nei upumoni.

Fai se otootoga o le auala e te manao e aoao atu ai ia mataupu ma aoaoga faavae. E tatau ona aofia i lau otootoga ni fesili e fesoasoani ai i tagata o le vasega [e]:

• Vaavaai mo mataupu ma aoaoga faavae o loo i le lauga.

• Mafaufau i o latou uiga.

• Fefaasoaai le malamalama, manatu, aafiaga, ma molimau.

• Faaaoga nei mataupu ma aoaoga faavae i o latou olaga.

Masina	O Mea e Faaaoga mo Lesona o Aso Sa Lona Fa
Me 2007– Oketopa 2007	O Lauga o loo lolomiina i le Liahona* o Me 2007
Novema 2007–Aperila 2008	O Lauga o loo lolomiina i le Liahona* o Novema 2007

*O loo maua nei lauga i le Initoneti (i le tele o gagana) i le www.lds.org.