Бидний зaй

Вэб хуудсанд: Ирэх саруудад ашиглах хамгийн сайн үзүүлэнг сонго. Сонголт хийхийн тулд liahona.lds.org хаягаар орж үзнэ үү. Үзүүлэн сонгохдоо ирээдүйд ашиглах үзүүлэнгүүдийн тайлбар болон санаануудыг санал болгож болно.

Миний дуртай судар

“Хэрэв та нар надад ирэх аваас та нар мөнх амьдралыг авах болно. Болгоогтун, миний нигүүлслийн мутар та нарын зүг сунгаастай байна, мөн ирэх хэнийг боловч би хүлээн авах болно, мөн надад ирэх тэд адислагдсан болой (3 Нифай 9:14).

Энэ бол миний дуртай судруудын нэг юм. Учир нь энэ судар Христ амьд гэдгийг Өөрийгөө дагахыг биднээс хүсэн хүлээдэг тухай гэрчлэлийг надад бий болгосон юм.

Оливия К., 15 настай, Хевес, Унгар

Бид одоо ч номлогчид

2007 оны 3-р сарын Лиахона сэтгүүлд “Сайн номлогч байхын тулд хэрхэн бэлтгэх вэ?” гэсэн чухал захиасыг бидэнд зориулж нийтэлсэн билээ. Бид номлогч болохын тулд 19 хүртлээ хүлээх шаардлагагүй. Ингэх шаардлагагүй! Бид одоо ч гэсэн номлогчид мөн.

Иймээс бид Сатаныг ялахын тулд судруудыг судалж, тунгаан бодож, үргэлж залбирч байх хэрэгтэй. Аврагч Есүс Христэд итгэх итгэл бидэнд үргэлж байх ёстой.

Мелисса Э., 18, Самоа

Бүх юм сайн

Сэтгэл санаандаа сүнстэй ихэд зөрчилдсөн нэгэн шөнийг би тод санадаг. Санаа сэтгэл минь шаналан зовсон тэр үед би институт уруу явж байлаа. Санаа сэтгэл үймрээд нэг л хачин байв. Итгэлийнхээ үнэнийг мэднэ хэмээн хэлж нэг л чадахгүй байв. Ямар ч юмыг тодорхой мэдэхгүй байлаа. Урам хугарч, өөрөөсөө ичин, ингээд хүч чадлын төлөө залбирлаа.

Цуглааны байранд хүрч иртэл уйтгар намайг бүхэлд нь эзэмдэв. Гүнзгий санаа алдаад дотогшоо орлоо. Ариун ёслолын танхимд ойртож иртэл, “Ирцгээ, ирцгээ, Гэгээнтнүүд ээ” (Сүмийн дуулал болон хүүхдийн дуу, х. 2) дууллыг ах, эгч нар дуулж байхыг сонслоо. Ариун Сүнсээр дамжин Бурханаас ирсэн тайтгарлыг тэр даруй мэдэрлээ.

Амар амгалангийн мэдрэмж даанч их байсан болохоор би нулимсаа барьж чадсангүй. Бүх юм сайн байх болно гэдгийг Их Эзэн надад мэдүүлсэн болохоор би амар амгалан боллоо. Миний сурч мэдсэн сайн сайхан бүхнийг харанхуйн хүч устгахаар хичээж байсныг би мэдэрч байсан ч Бурханы хайр амар амгалан, халуун бүлээн болохыг мэдсэн билээ. Бурхан үнэн бодитой бөгөөд бидний хоргодох байр, хүч чадал болохыг би ойлгосон. Бид Бурханд итгэх итгэлийг хөгжүүлж, залбирлаар дамжуулан Түүний удирдамжийг байнга эрэлхийлбэл, хүнд сорилт, уруу таталтуудыг ялж чадна гэдгийг би бас мэдсэн.

Энэ дэлхий хүнд сорилтуудаар дүүрэн бөгөөд юу тохиолдохыг бид хэзээ ч мэдэхгүй. Бид Бурханд бүрэн дүүрэн итгэлтэй байж, судар судлахаар дамжуулан итгэлээ өсгөн нэмэгдүүлж, Түүний хүсэлд нийцүүлэн амьдрах хэрэгтэй.

Айвонийт С., 19 настай, Бахиа, Бразил

“Та миний дэнлүүг асаадаг. Миний Бурхан ЭЗЭН харанхуйг минь гийгүүлж өгдөг”(Дуулал 18:28).

Энэ бол таны зай

Эдгээр хуудсууд бол сайн мэдээ та нарын хувьд ямар утга учиртайг бусад залуустай хуваалцахад зориулж та нарт гаргасан зай юм. Эдгээр хуудсуудаас та нар юу уншиж болох бас ямархувь нэмэр оруулж болохыг доор өгүүллээ.

• Сайн мэдээг илүү сайн ойлгох болон үүгээр амьдрахад туслах туршлага буюу шинэ сэргэг санаанууд.

• Судрыг тайлбар болгож авсан, өнгөний ялгарал сайтай гэрэл зураг.

• Бурханы өмнө хүлээх үүрэг болон Хувийн хөгжил дэвшил удирдамж дээрээ ажиллаж хуримтлуулсан сайн туршлага.

• Өөрт чинь сүнслэгээр нөлөөлсөн судрын тухай санал зөвлөмж. Хүсвэл өөрийнхөө гэрэл зургийг хавсарга.

• Лиахонагийн тухай санал дүгнэлт: Ямар өгүүллүүд танд илүү таалагдав?

Түүх, гэрэл зураг, санал дүгнэлтээ [e-mail]-аар и-мэйлээр илгээнэ үү. Сэдвийн мөрөн дээр “Our Space” гэж бичиж, илгээж байгаа зүйлээ хуваалцахыг зөвшөөрсөн эцэг эхийнхээ зөвшөөрлийг (и-мэйлд оруулж) хавсаргана уу. Ирүүлсэн материалыг хэмжээ, тодорхой байдлын хувьд хянан засварлаж болно.

Баруун талд: Гэрэл зураг чимэглэлийг Крейг Даймонд