Арвич хямгач амьдралын 75 жил

Сүмийн халамжийн хөтөлбөр албан ёсоор хэрэгжээгүй ч Гэгээнтнүүд бие дааж амьдрах чадвар, ядуучууд болон тусламж хэрэгтэй хүмүүсийг халамжлах, бусдад үйлчлэхийн чухлыг ойлгож, амьдралдаа хэрэгжүүлдэг байлаа. “Бурханы хайраар дүүрэн хүн зөвхөн өөрийнх нь гэр бүл адислагдсанаар сэтгэл ханадаггүй харин бүх дэлхий, бүх хүн төрөлхтнийг адислахын төлөө санаа тавьдаг юм” хэмээн Бошиглогч Иосеф Смит хэлсэн билээ.¹

Сүм зохион байгуулагдсанаас хойш удалгүй тусламж хэрэгтэй хүмүүст туслахын тулд бишопын жижиг агуулахууд бий болсон юм. Иосеф Смит 1830-аад оны үед Огайогийн Көртландад мацгийн өргөлийг цуглуулах ажлыг санаачлан зохион байгуулжээ.² Энэ үед бас аравны нэгийн зарчмыг нэвтрүүлсэн ажээ (С ба Г 119-ийг үз). Аравны нэг болон мацгийн өргөлийг ажил хийх, бүтээгдэхүүн үйлдвэрлэх хэлбэрээр мөн бараа материалуудаар төлдөг байв. Бишопууд болон салбарын ерөнхийлөгчид өнөөдрийнхтэй адил арга замаар бараа материалуудын хуваарилалтад хяналт тавьдаг байлаа.³

Эхэн үеийн Гэгээнтнүүдийг амин зуулгаа хэрхэн залгуулах нь толгойн өвчин болоод байв. Сүмийн удирдагчид болон гишүүд залхууралтай тэмцэхийн тулд амьжиргааны тогтвортой төвшинг бий болгох арга замыг хамтран хайж байлаа. Тэднээс зарим нь Сүмийн барилгууд болон засаг төрийн байгууллагуудаас хэрэгжүүлж байсан ажлын төслүүд дээр ажиллаж байлаа. Зарим хүн ферм дээр ажиллан, зарим нь өөрсдийгөө болон гэр бүлээ тэжээхийн тулд бараа материал зардаг байв. Гэгээнтнүүд хамтран хөдөлмөрлөснөөр хэрэгцээгээ хүрэлцэхүйцээр хангадаг болж адислагдсан юм.

Өнөө үед бидэнд тулгарч байгаа сорилт бэрхшээлүүд өөр ч Гэгээнтнүүд Аврагчийн сургаалууд болон өмнөх үеийнхний үлгэр жишээг дагаснаар өөрсдийгөө тэжээн тэтгэж, ядуучууд, тусламж хэрэгтэй хүмүүст анхаарал халамж тавьсаар байна.

Өнөө үеийн тухай мэдээллийг дараах эх сурвалжуудаас үзэж болно: Сюзан Клейтон Радер, Supporting the Rescue of All That Is Finest (2005); Глен Л.Радд, Key Moments in Church Welfare Services (2008); Глен Л.Радд, Important Events for Historical Church Welfare (1999); Глен Л.Радд, A Brief History of the Church Employment Program (1998); Глен Л.Радд, Pure Religion (1995).

Эшлэл

1. Teachings of Presidents of the Church: Joseph Smith (2007), 330–31.

2. Ховард В.Хантер, “Fast Day,” Ensign, Nov. 1985 оны 11-р сар, 72-ыг үз.

3. Глен Л.Радд, Pure Religion (1995), 2, 4-ийг үз.

1936

• Дөрөвдүгээр сарын 6: Ерөнхийлөгч Хебер. Ж.Грант болон түүний зөвлөхүүд ерөнхий чуулган дээр Сүмийн аюулгүй байдлын төлөвлөгөөг зарлажээ.

• Аравдугаар сар: Сүм Халамжийн Ерөнхий хороог үндэслэн бий болгов.

1937

• Сүм Солт Лейк хотод Бишопуудын төв агуулахыг үндэслэн бий болгов.

1938

• Солт Лейк хотод Халамжийн Талбай дахь газрыг худалдан авч барилгын ажил эхлэв.

• Дөрөвдүгээр сар: Сүмийн аюулгүй байдлын төлөвлөгөөг “Сүмийн халамжийн төлөвлөгөө” болгон нэрийг нь өөрчлөв.

• Наймдугаар сарын 12: Сүм Солт Лейк хотод Дезерет аж үйлдвэрийн анхны дэлгүүрийг нээв.

1939

• Халамжийн Талбайд анхны агуулах, лаазалсан бүтээгдэхүүний үйлдвэр үйл ажиллагаагаа эхлэв.

1940

• Наймдугаар сарын 27: Ерөнхийлөгч Давид.О.МкКей Халамжийн Талбай дахь үр тарианы агуулахыг онцгойлон адислав. Үр тарианы агуулахыг барихад Сүмийн гишүүд 70,000 гаруй цагийг зарцуулжээ.

1941

• Дөрөвдүгээр сарын 20: Халамжийн Талбайд сүү боловсруулах анхны үйлдвэр үйл ажиллагаагаа эхэлжээ.

1948

• Гуравдугаар сарын 1: Сүм бүс нутгийн ажил эрхлэлтийн албыг Солт Лейк хотод нээв.

1960

• Гуравдугаар сар: Халамжийн Талбай дахь сүү боловсруулах шинэ үйлдвэр баригдаж дуусав.

1963

• Халамжийн Талбай дахь гоймонгийн үйлдвэр, лаазалсан бүтээгдэхүүний шинэ үйлдвэр үйл ажиллагаагаа эхлэв.

1973

• Сүм гэр бүлүүдэд туслахын тулд ХҮГ Нийгмийн Үйлчлэлийг бий болгов.

1976

• Халамжийн барилга байгууламжууд Нэгдсэн Улс, Канад даяар өргөжиж эхлэв.

• Гуравдугаар сарын 29: Халамжийн Талбайд бишопуудын шинэ агуулах баригдаж дуусав.

1978

• Сүм байгалийн гамшигт нэрвэгдсэн дэлхий даяарх сая сая хүнд туслахын тулд Онцгой байдлын хороог байгуулав.

1980-аад он

• Нэгдсэн Улсаас гадна Аргентин, Чили, Парагвай, Уругвайд анхны ажил эрхлэлтэд дэмжлэг үзүүлэх төв байгуулагдав.

1981

• Сүм Халамжийн Талбай дээр Дезерет аж үйлдвэрийн дэлгүүр байгууллаа.

1982

• Есдүгээр сарын 10: АНУ-ын ерөнхийлөгч Рональд Рейган Ютагийн Огден дахь халамжийн барилга байгууламжуудаар айлчлав.

1983

• Тэргүүлэх Бишопын Зөвлөл халамжийн хөтөлбөрийг удирдан зохион байгуулах болов.

1985

• Сүмийн Хүмүүнлэгийн Тусламжийн хөтөлбөр үйл ажиллагаагаа эхлэв.

1990-ээд он

• Дэлхий даяарх ядуурал болон байгалийн гамшигт нэрвэгдэгсдэд илүү хувцас, бусад бараа бүтээгдэхүүнийг ачуулах зорилгоор Хүмүүнлэгийн Тусламжийн төв байгуулагдав.

• 1996 он

• Хожмын Үеийн Гэгээнтнүүдийн энэрлийн байгууллагыг зарим орныг сонгон хүмүүнлэгийн үйл ажиллагааг хөхүүлэн дэмжих засгийн газрын бус байгууллага болгон үүсгэн байгуулав.¹

• Нэгдсэн Улсаас гадна Мексикт анхны бишопуудын агуулах болон гэрийн хүнсний нөөцлөлтийн төвийг байгуулав.

• Халамжийн Талбайн шинэчлэн засварлалт эхлэв.

1997 он

• ХҮГ Нийгмийн Үйлчлэл нэг жилд 629 хүүхэд үрчлүүлэхэд зуучилсныг бүртгэсэн нь XX зууны хамгийн өндөр үзүүлэлт юм.²

1999 он

• Гуравдугаар сар: Халамжийн Ерөнхий Хороо дэлхий даяар 50 ажил эрхлэлтийн албыг шинээр байгуулах санаачлагыг дэмжин батлав.

• ХҮГ Нийгмийн Үйлчлэлийг ХҮГ Гэр Бүлийн Төсөл болгон нэрийг нь өөрчилж, үйл ажиллагаагаа өргөжүүлэв.

2001 он

• Ажил эрхлэлтийн алба шинэ сургалт нэвтрүүлэв. Дараа жил нь хувиараа ажил эрхлэх сургалтын материалуудыг нэвтрүүлэв.

• Есдүгээр сарын 5: Халамжийн Талбайн шинэчлэн засварлалт дууссаны дараа дахин онцгойлон адислах ёслол болов.

2003 он

• Нэгдүгээр сарын 25: providentliving.org вэбхуудсыг нээв.

• Бишопуудын агуулахын тоог дэлхий даяар нэмэгдүүлэх ерөнхий төлөвлөгөөг батлав.

• Сүм дөрвөн чухал санаачилга: сул дорой төрсөн нярай хүүхдийг сэхээн амьдруулах сургалт, цэвэр усаар болон тэргэнцрээр хангах, нүдний харааг хамгаалах төслийг эхлүүлэв.

2009 он

• Зургадугаар сар: ItsAboutLove.org гэсэн хүүхэд үрчлэхэд зуучлах шинэ вэбхуудас нээв.³

2010 он

• Дөрөвдүгээр сар: Ажил эрхлэлтэд дэмжлэг үзүүлэх LDSjobs.org вэбхуудсыг англи, испани, португаль хэлээр гаргав.

• Хүнс үйлдвэрлэлийг хүмүүнлэгийн үйл ажиллагаанд нэмж оруулав.

Эшлэл

1. “Humanitarian Activities Worldwide,” providentliving.org/content/display/0,11666,4600-1-2323-1,00.html-ийг үз.

2. C.Росс Клемент, “LDS Family Services” (ХҮГ Гэр Бүлийн Төсөлд зориулан бэлтгэсэн нийтлэгдээгүй түүх, 2000 оны 5-р сарын 10)-ийг үз.

3. Кимберли Баувен, “LDS Family Services Launches New Web Site,” Ensign, 2009 оны 9-р сар, 78-ыг үз.

АНУ-ын Калифорнийн Мадера дахь Сүмийн эзэмшлийн усан үзмийн талбайд Гэгээнтнүүд ажилладаг. Энэ талбайгаас хэдэн зуун тонн үзэм хурааж дэлхий даяар илгээдэг.

Зүүн дээд талд: 1947 онд Нидерландын Гэгээнтнүүд Шерманы Гэгээнтнүүдэд зориулж тарьсан төмсөө ачуулж байгаа нь. Дээд талд: Эквадор дахь хүнс үйлдвэрлэлийн сургалт хүнсний ногооны арвин ургац хураахад гишүүдэд тусалжээ.

Дээд талд зүүнээс: Корнели Заппейн гэрэл зургууд, Сүмийн түүхийн архивын зөвшөөрлөөр нийтлэв; Ховард Коллетт; Петр Эванс