Atong Pahina
Nastya L., edad 12, Ukraine
Tina M., edad 10, Congo
Ang Espiritu Mipainit sa Akong Kasingkasing
Ganahan ko nga moadto sa simbahan. Akong bation ang Espiritu didto. Usa ka adlaw sa Primary naghisgot kami mahitungod sa modernong mga propeta. Sa wala madugay nagtan-aw ko og salida nga Ang Panulundon didto sa balay, ug ganahan ko sa istorya kabahin ni Propeta Joseph Smith. Nagtan-aw sa eksena dihang ang usa ka tawo nagbalita kabahin sa kamatayon sa Propeta, naguol kaayo ko. Dayon ang Espiritu mipainit sa akong kasingkasing, ug akong gibati nga si Joseph Smith tinuod gayud nga propeta sa Dios ug iyang gipahiuli ang tinuod nga Simbahan.
Pagka Enero didto ko sa templo sa Guayaquil, Ecuador, uban sa daghan nga sakop sa akong pamilya. Akong gibati ang hilabihan nga kalinaw ug kalipay nga dili ko gustong mopauli sa tingpamauli na.
Nahibalo ko nga ang Langitnong Amahan buhi ug nahigugma kanato, nga si Jesus mao ang dalan sa pagbalik Kaniya, ug nga si Joseph Smith usa ka propeta.
Aron C., edad 10, Colombia
Ang pagbayad og Ikapulo Naghimo Nakong Malipayon
Motabang ko sa akong amahan sa paglimpyo sa balay, ug makadawat ko og kwarta matag bulan sa pagtabang. Imbis gastuhon ang tanan nakong kwarta, akong lainon ang 10 porsyento alang sa ikapulo ug ihatag kini sa bishop. Maayo ang akong pagbati human makabayad sa akong ikapulo tungod kay nahibalo ko nga ang kwarta gamiton sa pag-atiman sa chapel ug sa pagpamalit og mga libro ug uban pang mga butang. Nahibalo ko nga si Jesukristo mihatag kanato sa tanan, ug kon kita mobayad sa ikapulo, mihatag kita og balik kaniya. Malipay ko kon mobayad ko sa akong ikapulo.
Nicholas P., edad 5, Brazil
Ganahan kong moadto sa templo, ug dili ko makahulat hangtud mag-12 aron makadawat ko sa priesthood ug moadto sa templo aron mohimo sa mga pagbunyag alang sa mga patay.
Humberto V., edad 11, Mexico