Notebook sa Komperensya sa Oktubre
“Unsa nga Ako ang Ginoo namulong, Ako namulong; … bisan pinaagi sa akong kaugalingon nga tingog o pinaagi sa tingog sa akong mga sulugoon, kini managsama ra”(D&P 1:38).
Samtang kamo magtuon sa kinatibuk-ang komperensya sa Oktubre 2011, inyong magamit kining mga pahina (ug mga Notebook sa Komperensya sa umaabut nga mga isyu) aron sa pagtabang kaninyo nga makat-on ug pag-apply sa bag-ohay nga mga pagtulun-an sa buhi nga mga propeta ug mga apostoles.
Propetikanhon nga mga Saad
“Sa higayon nga inyong matun-an ang mga doktrina ug mga baruganan sa plano sa welfare sa tibuok Simbahan, tinguhaa ang paggamit unsay inyong nakat-unan ngadto sa mga panginahanglan niadtong anaa ubos sa inyong pangatungdanan. Buot ipasabut nga, sa dakong bahin, inyo kining hunahunaon og maayo, sa inyong kaugalingon. …
“… Kinahanglan ninyong buhaton sa inyong dapit ang unsay gibuhat sa mga disipulo ni Kristo sa matag dispensasyon: pagtinambagay, gamita ang tanang kapanguhaan nga anaa, tinguhaa ang inspirasyon sa Espiritu Santo, pangayo sa Ginoo alang sa Iyang pagtugot, ug dayon lukuta ang buktunan sa inyong mga sinina ug pagtrabaho.
“Ako mohatag kaninyo og saad: kon kamo mosunod niini nga sundanan, makadawat kamo og piho nga giya kon kinsa, unsa, kanus-a, ug asa ang pagsangkap pinaagi sa pamaagi sa Ginoo.”
Presidente Dieter F. Uchtdorf, Ikaduhang Magtatambag sa Unang Kapangulohan, “Pagsangkap pinaagi sa Pamaagi sa Ginoo,” Liahona, Nob. 2011, 55.
Gimahal
“Matag usa kanato mas gimahal sa Ginoo labaw pa kay sa posible natong masabtan o mahunahunaan. Mas magmabination kita sa usag usa ug mas magmabination kita sa atong kaugalingon.”
Elder Robert D. Hales sa Korum sa Napulog Duha ka mga Apostoles, “Nagahulat sa Ginoo: Matuman ang Imong Kabubut-on,” Liahona, Nob. 2011, 73.
Kamo Gidapit
“Akong dapiton
Kinsa: “ang kabatan-onan sa Simbahan
Unsa: “sa pagkat-on ug pagsinati sa Espiritu ni Elijah.
Unsaon: “Ako moawhag kaninyo sa pagtuon, sa pagsiksik sa inyong mga katigulangan, ug sa pag-andam sa inyong kaugalingon sa pagpahigayon og proxy nga bunyag sa balay sa Ginoo alang sa inyong kaliwatan nga namatay na.”
Elder David A. Bednar sa Korum sa Napulog Duha ka mga Apostoles, “Ang mga Kasingkasing sa mga Anak Mobati,” Liahona, Nob. 2011, 26.
Paghulagway pinaagi ni Taia Morley; litrato sa mga forget-me-not pinaagi ni Bret Dalton; ubang mga litrato pinaagi ni Robert Casey