Atong Luna
Ako ang militrato sa Templo sa London England dihang ang akong pamilya miadto didto uban sa akong igsoong lalaki dihang gidawat niya ang iyang endowment sa wala pa moadto sa misyon. Mapasigarbuhon kaayo ko nga nakakita sa akong igsoon nga miadto sa templo.
Samtang didto sila sulod sa templo, milakaw ko libut sa malinawon nga mga nataran, naghunahuna sa Langitnong Amahan. Dili kinahanglan nga tua gyud ka sulod sa templo aron mobati nga duol sa Ginoo. Akong gipamalandungan ang katahum sa balay sa Ginoo ug dili gayud ko makahulat nga akong madawat ang mga panalangin sa templo ugma damlag.
Ang pagkakita sa malipayong panagway sa akong igsoon sa iyang paggawas sa templo usa ka makapalig-on sa pagpamatuod nga kasinatian. Akong gibati ang iyang gugma alang sa Manluluwas ug nakaingon nga walay laing ikapahisama sa mga panalangin sa templo.
Kining matahum kaayo nga litrato nagpahinumdom kanako niining espesyal nga adlaw ug nagtabang kanakong maka-focus sa paghimo sa matarung. Akong gi-frame ang litrato og gibitay kini sulod sa akong kwarto aron kanunay akong mapahinumduman sa importansya sa pagpakabuhi nga takus alang sa ugma damlag nga pagsulod sa balay sa Ginoo ug modawat sa kaugalingon nakong endowment.
Akong gi upload ang litrato ngadto sa akong Facebook nga pahina, ug nakadawat ko og maayo kaayong mga komentaryo gikan sa uban. Ang tanan nga nakakita niini nga litrato naganahan gayud, ug gani nagdugang kini og mga oportunidad sa pagpahibalo sa mga tawo mahitungod sa ebanghelyo.
Emily M., England