Komentaryo
Nagdala Kini og Maanindot nga mga Pulong
Ang Liahona naghatag sa pulong sa mga propeta ngadto sa mga miyembro sa Simbahan nga nagkatap sa tibuok kalibutan. Kon mobasa ko sa Liahona, bation nako ang Espiritu ug makadawat og mga giya. Nakatabang kini kanako nga mahibalo sa mga butang nga angay nakong buhaton. Mapasalamaton ako sa magasin—nakausab kini sa akong pagpakabuhi pinaagi sa maanindot nga mga pulong ngari kanako.
Mariana da Graça Augusto, Mozambique
Ang mga Mensahe Nagpalig-on ug Nagbag-o
Ganahan kong mobasa sa magasin nga Liahona —malig-on ug mabag-o ang akong pagpamatuod kon mamalandong ako sa mga mensahe sa buhing mga propeta. Ang Espiritu mopamatuod kanako nga ang ilang mga mensahe mao ang mga pagpadayag ug kabubut-on sa atong Langitnong Amahan. Nahibalo ko nga mitawag Siya og mga propeta nga mogiya kanato niining panahona.
James Russell Cruz, Philippines
Duol aron sa Pagtabang
Natandog ko sa tambag ni Presidente Thomas S. Monson alang sa tanang mga Santos sa pagduol aron sa pagtabang sa mga dili na kaayo aktibo. Akong gibati ang impluwensya sa Espiritu Santo tungod sa mensahe sa propeta.
Guillermo Vasquez Ocampo