Tibuok Simbahan

Ang mga Miyembro sa Ethiopia Nag-assemble og mga Kit nga Panglimpyo sa Panglawas

Kapin sa 70 ka mga miyembro ang nanagpundok sa meetinghouse sa Meganagna didto sa Addis Ababa, Ethiopia, niadtong Oktubre 1, 2011, sa gibana-bana nga mga lima ka oras sa pag-assemble sa 5,000 ka mga kit nga panglimpyo sa panglawas alang sa ilang isigkatawo sa Ethiopia nga naapektohan sa huwaw sa Horn of Africa.

Ang proyekto usa ka bahin sa paningkamot sa Simbahan sa pagtabang sa mga tawo nga nagpuyo sulod sa mga utlanan sa Ethiopia.

Bag-ong Video Library alang sa Pagbansay sa Pagkapangulo Anaa na

Isip usa ka interactive nga dugang sa updated nga Handbook 2: Administering the Church, ang Priesthood Department sa Simbahan mipahibalo kabahin sa Library sa Pagbansay sa Pagkapangulo, usa ka koleksyon sa internet kabahin sa minugbo nga mga pagbansay nga naa sa video nga naghatag og importansya sa mga baruganan nga gitudlo sa manwal. Ang bag-ong kapanguhaan anaa na karon sa leadershiplibrary.lds.org. Ang mga porsyon sa library maanaa na sa 11 ka pinulongan niining tuiga.

Ang Chile Nagsaulog sa ika-50 nga Tuig sa Misyonaryo nga Buhat

Niadtong Oktubre 2011, ang Chile nagsaulog sa ika-50 nga anibersaryo sa pormal nga misyonaryo nga buhat didto uban sa usa ka semana nga kasaulugan.

Ang Area Presidency sa Chile mipasiugda sa kasaulugan ug namulong atol sa kalihokan pagka-Sabado, Oktubre 15, nga maoy mitapos sa kasaulugan.

Mipundok kini sa mga 20,000 ka mga miyembro sa Santa Laura Stadium sa Santiago, diin ang mga pakigpulong, mga awit, usa ka dula, ug mga sayaw nga pangkultura gisaulog tungod sa pagdawat sa mga taga-Chile sa ebanghelyo ug sa paglambo sa Simbahan.

Ang mga miyembro sa Simbahan sa Addis Ababa, Ethiopia, mitabang sa pag-assemble sa 5,000 ka mga kit nga panglimpyo sa panglawas nga i-deliver ngadto sa ilang isigkatawo sa Ethiopia nga naapektohan sa huwaw sa Horn of Africa.

Gilitratohan ni Sister Robin O’Crowley