Sa Unsang Paagi Napalig-on Ang Visiting Teaching?

Ang mosunod mao ang summary sa mga kausaban sa programa sa visiting teaching. Kami moawhag sa mga lider sa Relief Society ug mga visiting teacher sa pagbasa sa kapitulo 9 Handbook 2: Administering the Church aron maribyu ang pihong mga detalye niining mga kausaban. Giawhag usab kamo namo sa pagbasa sa kapitulo 7 sa Anak nga mga Babaye sa Akong Gingharian: Ang Kasaysayan ug Buhat sa Relief Society aron makaangkon og panglantaw, ideya, ug pagsabut sa gahum sa pagpangalagad ug sa mahinungdanong bahin niini sa visiting teaching. (Kining duha ka libro makita sa internet sa LDS.org.)

PAG-ASSIGNED OG mga Visiting Teacher
1. Ang kapangulohan sa Relief Society, dili lang ang presidente, mao ang responsable sa mga visiting teacher.	Tan-awa sa Handbook 2, 9.2.2.
2. Kon ang lider sa Relief Society mohatag sa usa ka sister sa iyang buluhaton sa visiting teaching, ang lider motabang sa sister nga makasabut nga ang visiting teaching importante nga espirituhanong responsibilidad nga pagatumanon.	Tan-awa sa Handbook 2, 9.5; 9.5.1.
3. Ang kapangulohan sa Relief Society mopahigayon og makanunayon nga pagbansay sa mga visiting teacher kon unsaon nga mahimong mas epektibo sa pagpangalagad niadtong ilang gibisitahan. Ang pagbansay mahimong ipahigayon sa Relief Society atol sa unang Dominggo sa bulan o sa laing miting sa Relief Society.	Tan-awa sa Handbook 2, 9.5.

Pakigtinambagay sa Uban
1. Ang kapangulohan sa Relief Society kanunay makigkita sa mga visiting teacher aron hisgutan ang espiritwal ug temporal nga kaayohan niadtong nanginahanglan ug maghimo og mga plano sa pagtabang kanila. Ang mga visiting teacher mahimong motabang sa kapangulohan sa Relief Society sa pagpakigtambayayong sa mubo ug taas nga tagal sa panahon nga pagserbisyo sa mga sister nga nanginahanglan.	Tan-awa sa Handbook 2, 9.5; 9.5.1; 9.5.4.
2. Ang kapangulohan sa Relief Society kanunay nga magtinambagay aron maghisgot sa espiritwal ug temporal nga kaayohan niadtong nanginahanglan.	Tan-awa sa Handbook 2, 9.3.2; 9.5.4.
3. Sa mga miting sa konseho sa ward o branch, ang presidente sa Relief Society mopakigbahin sa angay nga impormasyon gikan sa mga report sa visiting teaching aron ang mga lider sa ward o branch magtinambagay unsaon sa pagtabang niadtong adunay espiritwal ug temporal nga panginahanglan.	Tan-awa sa Handbook 2, 4.5.1; 5.1.2; 6.2.2.
4. Ang bishop o presidente sa branch mahimong modapit sa presidente sa Relief Society sa miting sa priesthood executive committee (PEC) kon gikinahanglan aron sa pagpakigtambayayong sa mga buluhaton sa home teaching ug visiting teaching.	Tan-awa sa Handbook 2, 9.3.1.
5. Ang kapangulohan sa Relief Society ug lider sa young single adult kanunay magkita aron sa pagsiguro nga ang mga buluhaton sa visiting teaching motubag sa mga panginahanglan sa mga young single adult.	Tan-awa sa Handbook 2, 9.7.2; 16.3.3.

Pag-organisar ug Pagdumala sa Visiting Teaching
1. Ang bishop o presidente sa branch ug kapangulohan sa Relief Society magtinambangay ug mainampuong mokonsiderar sa lokal nga mga panginahanglan aron pagtino sa organisasyon sa visiting teaching. (Ang mga sister dili lain-lainon og grupo alang sa katuyoan sa visiting teaching tungod kay sila mangalagad sa indibidwal nga mga panginahanglan.) Ang bishop o presidente sa branch moaprubar sa matag buluhaton.	Tan-awa sa Handbook 2, 9.5.2.
2. Kon mahimo, ang kapangulohan mo-assign og duha ka sister nga managkompanyon. Ang Handbook 2 adunay ubang mga opsyon sa pagtubag sa lokal nga mga panginahanglan. Ang kapangulohan makigtambag sa bishop o presidente sa branch kabahin sa paggamit sa mosunod nga mga opsyon: a. Temporaryo nga mo-assign og mga home teacher o visiting teacher lang ngadto sa piho nga mga pamilya. O ipapuli-puli sa mga lider ang binulang mga pagbisita sa mga home teacher ug visiting teacher. b. Mohangyo sa full-time sister nga mga misyonaryo sa pagtabang sa visiting teaching sa limitado nga paagi, nga may pagtugot sa presidente sa misyon.	Tan-awa sa Handbook 2, 9.5.2; 9.5.3.
3. Ang visiting teaching dili lang usa ka bisita matag bulan; kini pagpangalagad. Sa pag-amuma ug paglig-on sa mga sister sa ilang indibidwal nga mga panginahanglan, ang mga visiting teacher adunay regular nga kontak kanila pinaagi sa pagbisita, pagpanawag sa telepono, pag-e-mail, pagsulat, o ubang mga pamaagi. Ang mga lider mohatag og prayoridad sa pagsiguro nga ang mosunod nga mga sister maatiman: mga sister nga mahimong Relief Society gikan sa Young Women, single nga mga sister, bag-ong mga miyembro, bag-ong mga kinabig, bag-ong minyo nga mga sister, dili kaayo aktibo nga mga sister, ug kadtong adunay espesyal nga mga panginahanglan.	Tan-awa sa Handbook 2, 9.5.1; 9.5.2.

Pag-organisar ug Pagdumala sa Visiting Teaching

1. Ang bishop o presidente sa branch ug kapangulohan sa Relief Society magtinambangay ug mainampuong mokonsiderar sa lokal nga mga panginahanglan aron pagtino sa organisasyon sa visiting teaching. (Ang mga sister dili lain-lainon og grupo alang sa katuyoan sa visiting teaching tungod kay sila mangalagad sa indibidwal nga mga panginahanglan.) Ang bishop o presidente sa branch moaprubar sa matag buluhaton.

Tan-awa sa Handbook 2, 9.5.2.

2. Kon mahimo, ang kapangulohan mo-assign og duha ka sister nga managkompanyon. Ang Handbook 2 adunay ubang mga opsyon sa pagtubag sa lokal nga mga panginahanglan. Ang kapangulohan makigtambag sa bishop o presidente sa branch kabahin sa paggamit sa mosunod nga mga opsyon:

a. Temporaryo nga mo-assign og mga home teacher o visiting teacher lang ngadto sa piho nga mga pamilya. O ipapuli-puli sa mga lider ang binulang mga pagbisita sa mga home teacher ug visiting teacher.

b. Mohangyo sa full-time sister nga mga misyonaryo sa pagtabang sa visiting teaching sa limitado nga paagi, nga may pagtugot sa presidente sa misyon.

Tan-awa sa Handbook 2, 9.5.2; 9.5.3.

3. Ang visiting teaching dili lang usa ka bisita matag bulan; kini pagpangalagad. Sa pag-amuma ug paglig-on sa mga sister sa ilang indibidwal nga mga panginahanglan, ang mga visiting teacher adunay regular nga kontak kanila pinaagi sa pagbisita, pagpanawag sa telepono, pag-e-mail, pagsulat, o ubang mga pamaagi.

Ang mga lider mohatag og prayoridad sa pagsiguro nga ang mosunod nga mga sister maatiman: mga sister nga mahimong Relief Society gikan sa Young Women, single nga mga sister, bag-ong mga miyembro, bag-ong mga kinabig, bag-ong minyo nga mga sister, dili kaayo aktibo nga mga sister, ug kadtong adunay espesyal nga mga panginahanglan.

Tan-awa sa Handbook 2, 9.5.1; 9.5.2.

Pag-report sa Visiting Teaching
1. Ang mga visiting teacher gihangyo nga moreport sa espesyal nga mga panginahanglan ug serbisyo nga gibuhat—sa laing pagkasulti, ang ilang pagpangalagad. Hatagi og importansya kon giunsa pag-amuma kaysa sa pagbisita lang.	Tan-awa sa Handbook 2, 9.5.4.
2. Ang presidente sa Relief Society mohatag sa bishop o presidente sa branch og binulang report sa visiting teaching. Kini nga report maglakip sa epesyal nga mga panginahanglan ug serbisyo nga gibuhat sa mga visiting teacher ug lista sa mga sister nga wala mabisitahi.	Tan-awa sa Handbook 2, 9.5.4.